跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
自從同關楚耀分手, 衞詩男友換完又換,新目標係六呎三四眼肥仔,兩個拍拖睇完騷,仲挨埋身搭膊頭影相。
因為响日本藏毒,被迫全面停工嘅 衞詩,失業就快兩年,最近雖然有工開,都只係幫教會拍福音電影,又或者拍特輯傳教,娛樂圈工作依然係零。持續「量地」, 衞詩可以專心侍奉耶穌之外,仲有大把時間拍拖換畫。
上個禮拜四(二月廿四日),加拿大 Punk Pop小天后 Avril Lavigne嚟香港,响海運大廈露天停車場開演唱會, 衞詩帶同一位身高起碼有六呎三嘅四眼肥仔一齊睇騷。聽完歌, 衞詩同四眼肥仔撞見熟朋友,留低吹水吹足大半個鐘,之後就行去印有 Avril字樣嘅 Mini Cooper影相。其間,有 Avril歌迷認出 衞詩要求合照,佢何止來者不拒,仲擺出港女招牌 chok樣表情。招呼完 fans, 衞詩同四眼肥仔挨埋身合照,之後仲响附近行街,雖然舉動唔算親熱,但兩個經常眉來眼去,盲都睇得出 衞詩嗒晒糖。舊年年初傳 衞詩搭上 hip hop潮人兼教友 K-Chek,家陣又有新目標,無工開, 衞詩照樣周身唔得閒。
有 Avril fans要求合照, 衞詩扮港女 chok樣,全程由四眼肥仔揸機拍攝。
同關楚耀分手後, 衞詩移情外籍猛男 Nic,去年年初再同教友 K-Chek撻着,收到男友送嘅 Dior唇膏盒,仲影埋相兼留言講 I Love You,點知拍咗大半年拖, 衞詩又換畫。
睇完騷唔願走, 衞詩同新歡留步跟朋友吹水,當中包括欣宜男友 Mark Ryan。
同四眼肥仔行街拍拖,著住四吋高踭鞋嘅 衞詩,仲要矮新歡成個頭,夠晒安全感。
娛樂八掛大分享☆
stacy4life 發表在 痞客邦 留言(0) 人氣()
留言列表