最近記者在 facebook發現有人以 7折價錢，大量兜售梁詠琪個唱飛，但網友反應一般，有人甚至話已攞到兩張免費飛㖭！
我都好無奈！（真實對白）
娛一叮
個唱滯銷好閉翳　梁詠琪網上 7折散飛
2011年02月25日
7年冇喺香港開個唱嘅梁詠琪（ Gigi），本周五（ 26日）喺紅館連開兩場《梁詠琪巡迴演唱會香港 G夜》，不過開騷在即門票仍然滯銷，唔好話最貴嘅 480蚊飛，就連最平嘅 180蚊飛都未賣晒。相反遲 Gigi 4日開騷嘅舊情人鄭伊健就幾乎場場爆，銷情差天共地。
Gigi為了救亡頻頻做宣傳，上周五（ 18日）先搵好友楊采妮同許茹芸撐場去無綫錄《高妹 G夜》特輯，點知得 13點超低收視。 Gigi再自爆請咗 Sammi（鄭秀文）同小齊（任賢齊）做嘉賓，但都係無補於事。主辦單位唔想到時空櫈多過人，惟有搵人喺網上 7折大量散飛救亡，難怪 Gigi笑話：「我都好無奈！」
最近樂壇有唔少歌手復出開演唱會， 3月有王菲、鄭伊健、周慧敏、張智霖、蔡楓華與呂方， 4月有張學友。記者於本周二（ 22日）到尖沙嘴通利琴行視察賣飛情況，張學友、王菲及鄭伊健都已爆滿，周慧敏與張智霖部分價錢的門票亦已賣清，蔡楓華更需要加場，唯獨 2月 26日開騷的梁詠琪票房慘淡，兩場唔爆之餘，仲有大量飛出售。


大把吉位
記者本周二（ 22日）在尖沙嘴通利琴行視察梁詠琪及鄭伊健個唱銷情，發現梁詠琪任何票價嘅飛都未滿，伊健則幾乎全爆。
 
伊健爆晒
 
2月 26日開騷
 
7折賣大包
 
減價都唔吼
 
派免費飛
 
爆到九彩，今次賺到笑。（設計對白）

免費飛派街坊 
好友造勢
上周五（ 8日）， Gigi搵咗好友楊采妮及許茹芸錄《高妹 G夜》，為個唱造勢。點知特輯周日（ 20日）出街收視得 13點，比前周同時段節目《明秋喜相逢》少 70萬觀眾。《蘋果日報》圖片

Gigi個唱於本周五（ 26日）便開騷，主辦單位見銷情未如理想，即在網上割價散飛。知情者透露，「 Gigi個幾月前開始賣飛，到依家都係反應麻麻，王菲、張學友嗰啲第一日已經爆晒啦！ Gigi啲飛賣咗 6成都冇，主辦單位惟有搵人喺網上 7折大量賣飛，割價求售。贊助商亦識做加碼攞飛免費送俾客戶，閒閒哋送千幾張。」
自 5年前與鄭伊健分手後， Gigi在港的人氣持續不振，不過她在國內仍吃得開。主辦商耀榮娛樂見她上年平安夜在北京舉行的《北京 G夜》反應不錯，才決定在港再為她開《香港 G夜》。 7年後再有機會在香港開個唱， Gigi壓力非常大，除了四出頻撲宣傳，還要練歌排舞為個唱做好準備。知情者透露，「 Gigi知道今次個唱啲飛滯銷，好唔開心，佢已經盡量配合做多啲宣傳，騷錢都收得少過北京。如果呢次唔掂，佢可能以後都冇機會再喺香港紅館開個唱。」
自資買新歌衫
對於個唱滯銷， Gigi於上周五（ 18日）在無綫將軍澳電視城錄影《高妹 G夜》時苦笑回應：「成日咁傳，我都好無奈，但係我對票房好有信心。我已經搵咗 Sammi做第一場嘉賓，小齊做第二場嘉賓。（有冇了解過賣飛情況？）我冇問咁多，只知道時間好倉卒，賣飛賣咗一個月左右，其實都好理想。（門票滯銷，有人喺網上大量 7折散飛喎！）我
冇理，主辦單位叫我唔使擔心。開呢個演唱會決定得好遲， 12月我做完北京個騷後先決定喺香
港開， 1月中先賣飛。總之主辦單位話唔擔心，我就唔擔心，專心做好本分。（驚唔驚蝕錢？會唔會減歌酬？）唔驚。就算係，我都會將少少錢擺落去做好個 production。我今次都係自己攞錢
出嚟換過啲歌衫，想同之前北京個騷有啲唔同。」 Gigi為做好個騷自掏銀包買過啲新歌衫，都算有誠意，不過距離開騷得番幾日，未必可以扭轉賣飛情況。

北京爆
去年平安夜， Gigi在北京舉行巡迴個唱《北京 G夜》，反應非常熱烈，幾乎全場爆滿。

香港滯
今次 Gigi在港舉行《香港 G夜》，雖然有演唱會之父張耀榮（左二）及 FANCL全力撐腰，但賣飛情況慘淡。《蘋果日報》圖片


公開 chok舞
Gigi為個唱宣傳，不惜將自己排舞 Chok樣放上微博。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄