相戀 3年，外間一直盛傳梁洛施入宮有望，卻不知道小小超一早「話明唔娶」！
現年 22歲的梁洛施， 07年 11月在上海拍攝《盜墓迷城 3》期間，經同片演員楊紫瓊介紹結識李澤楷。兩人一拍即合，翌年三月梁洛施與前經理人公司英皇擘面。 09年 4月，二人相識 15個月，長子李長治出世，去年 7月，長治僅僅 15個月大，第二胎孖仔又告出世，迅速撻着密集式造人。上週才有「準老爺」李嘉誠為深水灣大宅擴建預留一層畀 Isabella入宮的報道，上週六（ 26日）傍晚時分，二人的發言人盧覓雪，突然向外發表梁洛施的純文字聲明，簡潔道出二人各行各路，三個兒子將來由二人合力撫養。
放大圖片
幼子與三個孫兒的母親宣布分手，李嘉誠週日、週一兩天照常清晨七點到深灣高爾夫球會打波，神情輕鬆對大批守候記者說：「我冇嘢講！」
聲明一出，全城震驚。不少報道指，月初有週刊在加拿大拍得 Isabella與六呎高男伴酒吧聚舊，是二人一拍兩散導火線。
知情人士透露，對小小超一條心的 Isabella絕不會紅杏出牆，正因 Isabella對小小超一條心才令二人擘面：「兩個人一開始，確實傾好晒條件，講明女方唔可以拍戲、唔可以高調、唔可以返香港見傳媒，只准留喺加拿大照顧小朋友。開頭 Isabella乜都應承，佢一個廿零歲女仔，又啱啱生完三個，好快就後悔應承晒條件，愈來愈想冇乜幾可返加拿大嘅小小超可以陪自己多。佢約 Simon（ 9歲初戀男友）見面都係聚舊啫！」
上週六(26日)傍晚六點，發言人盧覓雪代表梁洛施發表簡短聲明公布李、梁分手消息，其他垂詢一概封嘴。
各位傳媒朋友：
新的一年開始，我祝各位百呎（尺）竿頭，更進一步。
踏入 2011年，我本人亦走進人生的一個新階段。我和李澤楷先生分手了。
我們曾經擁有一段美好歲月。我們的孩子會共同撫養。
他們健康快樂地成長，是我倆的共同目標。
藉此聲明，望能結束外界對我們無休止的猜想，臆度。
梁洛施
2011-2-26
據悉早在李梁結識初期，有人除了年輕貌美，被看中的主要原因，亦包括 12歲已經輟學養家，與簽下十五年長約的英皇合作關係並不愉快：「有錢人身份的確非比尋常，佢決定同個女仔發展前，傾好晒條件都好正常。所以一開始首要條件就係可幫個女仔同舊公司解約，同照顧全家人生活起居，從來都冇應承過入宮。而個女仔都好爭氣，生咗三個仔，一直留喺加拿大低調生活。本來相安無事，係有人覺得自己都乖乖湊咗三年仔，又話晒係佢哋親生阿媽，一早講好咗嘅條件佢覺得唔夠，咪成日覺得寂寞，又不自覺喺感情上愈來愈依賴男方，又嗲又嗌，男方都係好少返去陪佢，佢愈嚟愈火遮眼，最激一次咪抱住個大仔喺電話入邊話：『你唔過嚟，我同個仔冇人理 o架喇！』對方咩人，又點會俾佢要脅到，連親生阿媽都冇面畀囉！」
06年 8月，梁洛施曾經在個人音樂電影《雪•再見》首映時，拖着小學在澳門 School of Nation結識的初戀情人 Simon到場，並表示 Simon將會到外國升學，要 4年後才見面，適逢 4年後即去年聖誕，梁洛施果然赴約會舊愛。
尚未出道的梁洛施 12歲時曾經被拍到與一班朋友到澳門放煙花過新年，當中有男有女，梁玩得很投入。
梁洛施公開承認是小學初戀男友的 Simon，身高六呎非常健碩，上月梁洛施就被雜誌圖文並茂指她聖誕期間在多倫多酒吧夜會壯男，而該酒吧男正是 Simon。
決戰福臨門
戀情一曝光， 08年 11月 3日，李澤楷出面為梁洛施解約成功，梁洛施表示獲得賠償，英皇則表示和平解約，結果當前往灣仔富豪飯堂福臨門晚飯時的小小超罕有發火：「我以為有人坐過監、留過案底，會改過自新，點知都係擘大眼講大話！」
不到三年，為李家誕下三子的梁洛施竟然宣布 bye bye小小超，週日(27日)，又係福臨門，一家大細去開餐嘅楊受成心情靚靚，攞出大疊金牛益泊車。真係想問句，楊老闆，因乜事笑
呀？
急復出
雖然半隻腳踏入豪門， Isabella始終年少氣盛，不甘心被人遙控收埋。據悉前年，突然在鄭秀文紅館演唱會上現身欣賞個唱的舉動，就正是與小小超唱反調，突如其來的一招。
小小超希望 Isabella從此深閨退出影圈， Isabella一直蠢蠢欲動、又不時在社交網站上載私相簿，與圈中人聯絡，也令小小超深感不滿。雖然有說財大氣粗， Isabella始終只有 22歲，就算有母親及三個兒子陪在身邊，還是對於長年沒有小小超陪伴和關懷感到寂寞難耐。
雖然初戀男友 Simon並非第三者，月初的相見也確實激起 Isabella不甘心再做深閨怨婦的心，一再與小小超對話難以協調，兩人索性協議和平分手。 Isabella亦已經放定風復出，據知頭炮就會演出徐克導演，由國內華誼兄弟投資嘅億元大片新作。攞過影后、又生過三個，豪門難入，梁洛施娛樂圈歸位。
復出拍徐克
放大圖片
去年 11月，梁洛施被發現久旱逢甘露心情大好在東京機場出現，是最後一次成功撇下仔仔，與小小超共度二人世界。
放大圖片
心癢想拍戲的梁洛施雖然被各大電影公司吼實，但唯一落實的是今年內將開拍，由華誼投資、徐克導演的億元大製作。
放大圖片
三年前撮合二人的媒人楊紫瓊，在米蘭睇花生騷時被記者問起李梁分手時話：「我唔知道，唔識睇中文！」
放大圖片
據悉去年 1月突然在鄭秀文演唱會上現身，不聽話低調待在家中的梁洛施就激怒過小小超。
全民熱話
無論相識、出面解約、產子到一年之內迅速再誕雙胞胎，李澤楷與梁洛施這一對每一個動向都能夠震驚全城，這次突然鬧出分手，更是掀起全城熱話。各大討論區都有網友各抒己見，競猜分手原因，還競猜第三者誰屬。
頭號情敵：港模 Mandy Lieu
25歲混血模 Mandy Lieu近日在小小超旗下 now電視出鏡率奇高，小小超又曾被拍到與名為 Mandy1友人短訊互祝新年快樂，週一無端登上頭條的 Mandy：「唔知有咁嘅事，你哋有冇聽錯？」
第二情敵：環姐趙雅淇
網友發揮人肉搜尋器精神，話 09年梁洛施懷上雙胞胎安胎之際，有傳小小超移情別戀搭上 09年度環球旅遊小姐亞軍趙雅淇。不過呢單嘢可信程度不高，趙雅淇還不斷被網友攻擊外形不如 Isabella。
留言列表
