「白面男」選完猛男後，可能後生兼又生得青靚白淨，故此都幾受公司重用，又派佢去祖國演出，又不時喺劇集亮吓相。可惜佢始終未經過正式訓練，莫講話擺個 chok樣都未掂，連聲線控制都未得宜，所以好快就俾公司放埋一邊不問不聞。
最近佢又似乎活躍番，不過媽咪姐見到佢個樣硬係有啲唔同咁，最明顯就係佢原本係斗零嘅眼，依家竟然變咗五蚊咁大，再加埋直過間尺嘅鼻，搞到媽咪姐幾乎認唔出佢咁滯。唔好話藝人，就算一般人，都唔會認自己執過個樣，偏偏「白面男」就大方得多，承認自己翻修過。
話說前排佢喺公司撞到「狐狸女」，對佢講，話自己對眼假得嚟好真，唔信可以摸吓。咁核突，「狐狸女」梗係唔摸啦，「白面男」竟然捉住佢隻手要佢摸。「白面男」呢一嘢，連豪放嘅「狐狸女」都俾佢嚇窒， fing都 fing唔切兼即刻閃人。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄