蔡楓華愛液手? face週刊 196期－娛樂八掛大分享☆｜痞客邦

Feb 23 Wed 2011 23:53
蔡楓華愛液手? face週刊 196期

難得楓哥咁正常有禮，兩個隔幾輩嘅泳兒同江若琳竟然彈開幾呎唔肯伸手。

毒男網上威脅要自製愛液手侍候來港舉行握手會嘅 AKB48成員大島優子，呢單新聞 FBI梗有跟進啦，唔通泳兒同江若琳都有關注？
事關上週三《勁歌金曲》錄影，大張旗鼓復出嘅蔡楓華都係嘉賓之一。話晒好耐都冇以正常人嘅狀態出席正常娛樂活動，楓哥當晚風騷又有禮，逐個同同場歌手握手打招呼。人人禮貌周到，後輩泳兒同江若琳就唔掂啦，一個雙手擺喺胸前想避，一個就帶住對手套仲扭扭擰擰慢幾拍至肯握。點先？驚人生滋定驚楓哥對手有愛液呀？ FBI最頂唔順江若琳仲同記者讚蔡楓華：「佢又風趣又犀利，咁多年把聲仲咁好聽！」把口咁甜有咩用，最衰啲行為一早出賣咗你呢！

戴咗手套嘅江若琳率先豁出去，泳兒個表情似係話：「咦……乜你咁大膽？」

最終咪又係要握手，其實楓哥又唔係有傳染病，做後輩做到似泳兒咁，真失禮。

我對手好乾淨 o架！設計對白
好耐冇上勁歌嘅蔡楓華以貓王 look大唱三首經典作，睇落乾淨企理精神極佳，對手仲好乾淨添！

忽然喊
有份投資演唱會幫蔡楓華嘅大律師盧敏儀認真唔話得，連日跟出跟入做埋助手，期間楓哥突然感觸落激，盧即時攬住佢呵番。

stacy4life

娛樂八掛大分享☆

stacy4life 發表在痞客邦留言(0) 人氣()

E-mail轉寄

留言列表

文章搜尋

最新留言

QR Code

qrcode

參觀人氣

本日人氣：
累積人氣：