年初一十指扣緊遊街
上周四大年初一，着住條花花吊帶裙嘅阿 Sa，同曬到紅卜卜嘅 William，十指緊扣出外醫肚。現場所見兩人拖到實， sweet到爆！
獨家直擊　阿 Sa William布吉 3夜禁室培慾
2011年02月11日
踏入兔年，堪輿學家蘇民峰、司徒法正和麥玲玲均異口同聲狠批拍拖只有半年嘅陳偉霆（ William）和蔡卓妍（阿 Sa）今年會分手。
不過阿 Sa同 William懶理狠批，繼續愛得癡纏， William更一早向公司攞定大假，一手策劃預支蜜月之旅。本刊獨家直擊， William喺年三十同阿 Sa靜雞雞飛往泰國布吉，入住每晚萬二蚊嘅頂級私家泳池酒店。兩人除年初一十指緊扣煙韌遊街外，連日來均留酒店房內，鴛鴦戲水，禁室培慾。
William豪使 8萬同阿 Sa對足 4日 3夜，感情有增冇減，難怪返港後， William即公開對一眾堪輿學家說：「我要拆佢哋招牌！」

唔少藝人都爭住在農曆年間開工，有錢落袋又有利是，不過熱戀中的情侶就寧願犧牲搵錢機會都要放假外遊，目的都係想過二人世界。拍拖只有半年，仍處於熱戀期的 William和阿 Sa就選擇去泰國布吉迎兔年！ 
年三十 8:10am前後腳入閘
年三十（ 2日）早上 8時許， William與阿 Sa前後腳到達香港機場，兩人分開 check in分開入閘，非常鬼祟。
 
11:30am到達布吉機場
喺香港機場就好避忌，去到泰國布吉就孖公仔。 William同阿 Sa齊齊步出機場，即有酒店服務員接機，安排佢哋坐專車去酒店。
 
出外食泰菜
兩人乘坐酒店專車到附近食泰菜，孭住價值 4萬幾 Chanel手袋嘅阿 Sa先落車。
 
撐枱腳笑唔停
食飯期間， William不停講笑逗阿 Sa開心，搞到阿 Sa含住啖粉都笑唔停，熱戀中嘅情侶，果然有樣睇。兩人撐足一粒鐘枱腳，最後由 William埋單（下左圖）。 
漫步海邊
阿 Sa同 William食飽飽後，拖實行返酒店，途經海邊時兩人笑意盈盈，阿 Sa仲成日含情脈脈望住 William。

鬼祟出發 
晒健康膚色
甜蜜布吉之旅結束，阿 Sa同 William即返港開工。 William年初四出席活動即自爆同阿 Sa去完泰國，阿 Sa亦帶住一身古銅膚色拍 MV。

上周三（ 2日），阿 Sa於早上 8時 10分抵達香港機場，而 William則於 10分鐘後到達，兩人刻意前後腳入閘，但一上機即變糖黐豆，阿 Sa全程冧笑， William女友果然有一手。
二人於布吉時間早上 11時半到達，雖有港人同機到埗，不過 William和阿 Sa已放低戒備並肩而行，酒店職員亦即上前迎接並預備專車送他們返酒店。據知 William挑選了全布吉最豪的 Sri Panwa酒店，貪其保安嚴密，極少華人，而且每間獨立屋均有私家泳池及無敵海景。 William選擇入住每晚一萬二千港幣的 2,700呎獨立屋，相當豪氣。
住富豪別墅酒店
William今次挑選的酒店 Sri Panwa開業兩年，屬布吉豪宅級別墅酒店，全酒店有 11間獨立屋，每間屋均設有私人泳池、無敵海景、露台和特大浴室，而且每間屋都分布在山上，出入要 call酒店 golf車接送，私隱度極高。今次 William住的 1 Bedroom Luxury Pool Villa每晚 12,000港幣，而最豪的單位 Residence Villa更要 45,000港幣一晚。
最特別的是酒店每間屋都可以自由買賣，屋主到布吉度假住幾日，其餘時間可租給其他旅客。據知香港某富商已買下其中兩間獨立屋，唔知今次 William和阿 Sa享受完二人世界，有冇打算買番間呢？ 
森嚴大門 
獨立屋內有泳池 
無敵海景 
超豪浴室

拖手行海邊
酒店設備應有盡有，難怪阿 Sa與 William除年初一曾外出，其餘時間都留在酒店房享受二人世界。大年初一下午二時，二人坐酒店專用 Tuk Tuk到附近的海邊睇風景兼撐枱腳。身着吊帶短裙的阿 Sa一落車即興奮地往海邊跑去，而 William則乖乖跟在後面，望海時二人指手畫腳，狀甚溫馨。
睇完海，二人即到隔鄰的泰國餐廳午膳。為食的 William和阿 Sa點了泰式沙律、春卷、冬蔭功湯、炒河粉和咖喱雞飯，二人邊講邊食，阿 Sa雙眼全程未離開過 William， William亦不時發揮搞笑本能女友。一對小情人公然在公共場所打情罵俏，在外度假果然旁若無人。
食足 1個鐘，阿 Sa等 William埋單後即戴上黑超，先步行出餐廳， William緊隨其後伸手拖實女友，二人十指緊扣往海邊行，其間阿 Sa又手舞足蹈。有愛情滋潤的 28歲阿 Sa彷彿變回 18歲少女，反而 24歲的 William表現較成熟。二人一直手拖手有講有笑步行回酒店。


年初三豪俾貼士
上周六（ 5日）下午 5時許，阿 Sa與 William由酒店專車接載到布吉機場。下車後 William更豪俾 100泰銖（折約港幣 25元）給酒店員工作貼士。
 
叉足電返港
4日 3夜預支蜜月後，阿 Sa一臉紅粉緋緋， William亦精神飽滿，齊齊叉足電返港再搏殺。

William包起女友
其實 William為了布吉之旅，的確花了不少心機，知情者說：「今次旅行全程都係由 William一手一腳自己 plan，個幾月前佢已經四圍問人有冇邊間酒店好介紹，條件係要冇華人，而且要 relax同私隱度要高，最後揀咗出晒名貴嘅布吉 Sri Panwa酒店。 William等阿 Sa 1月尾確定放假日期，即訂酒店。不過 William好怕俾狗仔隊跟，所以機票都係出發前兩日至出。
雖然 4日 3夜佢哋只係出過一日街，不過佢哋都好 enjoy。 William喺獨立屋入面嘅私人泳池曬太陽，阿 Sa就走去做 spa，跟住再鴛鴦戲水，不知幾快活。佢哋一日三餐都叫 room service，所以成個 trip埋單差唔多 8萬。」雖然 William搵錢唔夠女友多，不過 8萬到阿 Sa鬼咁開心，抵到爛。
自 William和阿 Sa地下情浮面後，人前人後都愛得癡纏， William曾於年尾頒獎禮上對阿 Sa高呼「我愛你」，而阿 Sa雖叫 William唔好咁肉麻，但每次提起 William總表現得甜絲絲。本周日（ 6日）度假回港的 William在回應堪輿學家的分手預測時，更當場自爆剛與阿 Sa去泰國預支蜜月，仲揚言要「拆玄學家招牌」，對這段情充滿信心！
微博露行蹤 
阿 Sa一返香港即在微博 post了一張疑似着 Bikini的照片，並謂假期已經結束。 
上周六（ 4日） William則 post了一張燭光晚餐相上微博，場景明顯係房間的望海飯廳。

舊愛齊晒命 
鄭中基認定女主播
2月 1日鄭中基出席《神奇俠侶》活動，確定有線女主播余思敏女友位置，仲自爆雙方已見家長，感情相當穩定。
 
Baby攬曉明睇戲
Angelababy亦唔輸蝕，除了年三十晚同黃曉明喺澳門放煙花度歲外，日前更被網友踢爆與男友在深圳萬豪象城戲院攬實睇戲。

阿Sa陳偉霆泰國親密癡纏 用行動拆玄學家招牌

阿SA與陳偉霆春節飛往泰國普吉島預支蜜月
踏入兔年，玄學家蘇民峰、司徒法正和麥玲玲均異口同聲狠批拍拖只有半年的陳偉霆(William)和蔡卓妍(阿Sa)今年會分手。

不過阿Sa同陳偉霆懶理狠批，繼續愛得癡纏， 陳偉霆更一早向公司請假，一手策劃預支蜜月之旅。記者直擊陳偉霆與阿Sa在大年三十靜悄悄飛往泰國普吉島，入住頂級私家泳池酒店。兩人除大年初一十指緊扣逛街外，連日來都留在酒店房間內，鴛鴦戲水，禁室培欲。

陳偉霆豪花8萬與阿Sa相處4日3夜，感情有增無減，難怪返港後，陳偉霆即公開對一衆玄學家說：“我要拆掉他們招牌！”

 

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄