記者上前拍照，郭晶晶扮鎮定任影唔嬲。
一齊過年　黐身晶晶釘實霍啟剛
2011年02月10日
上月中，朱玲玲母親病逝，有指霍家未來新抱郭晶晶會親自來港奔喪。風頭火勢，跳水皇后未有現身，直至上月尾臨近過年，郭晶晶始秘密來港會霍啟剛。
被男友安排遠赴美國進修在即，即使宣告退出國家隊但仍出嫁無期，郭晶晶緊張實坐擁三百億身家的霍家繼承人，不容有失！
大方任影
上週一（一月三十一日），下午四時，霍啟剛做柴可夫，送女友郭晶晶到達中環滙豐銀行總行。晶晶落車與友人直奔滙豐大樓，霍啟剛則繼續開車，在附近兜圈等女友。
少了平日鬼祟必備的 cap帽同眼鏡，郭晶晶入到銀行，已經被不少客戶認出。「呢個咪郭晶晶，乜嚟咗香港咩？」被人指指點點，郭晶晶大感尷尬，在銀行逗留約半小時，便低着頭，笠上羽絨背心的背帽，急步離開。
記者上前拍照，三魂唔見七魄的郭晶晶強裝鎮定，笑晒任影好大方。同行友人馬上打電話，相信是向霍啟剛「求救」。
兩人一同行到對面的長江中心，校啱時間，霍啟剛車到，郭晶晶上車前還甜笑同記者揮手招呼，車上的霍啟剛亦罕有笑晒，揮手同記者拜拜，之後才踩盡油，極速撇甩記者。 
霍啟剛、郭晶晶孖公仔出現，罕有笑晒。
 
同行的友人醒目急 call霍啟剛開車前來接走郭晶晶。

箍得就箍
恨嫁恨到出晒面的郭晶晶，一心退出國家跳水隊，等做霍家大少奶。不過霍啟剛未準備好做老襯，加上跳水皇后黐身，唔想自由盡失的霍啟剛唯有以「方便日後帶她外出應酬」為藉口，安排女友到外地進修英語自我增值。繼去年休假期間到英國進修，霍啟剛再安排女友今年五月到美國讀半年英語課程。要分開六個月，郭晶晶唯有以一齊過新年為理由，死來港，陪伴霍啟剛左右，箍得就箍！
「舊年 Kenneth（霍啟剛）同個 model（趙彤）玩埋單嘢穿咗，晶晶已經成日話要嚟香港，話就話嚟買嘢，實質係想嚟住男朋友， Kenneth估到佢想點，成日話自己要四圍飛，唔俾晶晶嚟。」霍啟剛友人透露。
調走黐身女友半年，未玩夠的霍啟剛一於拖到底，郭晶晶要嫁入霍家，尚欠埋門一腳！


去年霍啟剛背住郭晶晶，搭上女主播趙彤，公然帶新歡出席菁英會就職禮。
 
霍啟剛被踢爆搭上女主播後，郭晶晶開始做「貼身膏藥」，去年九月陪着男友到上海公幹。
 
上月中朱玲玲母親病逝，當時有消息指郭晶晶會來港出席喪禮。
 
08奧運後，霍啟剛飛到北京陪女友放假，做柴可夫又做外賣仔，照顧周到。

定時送大禮
郭晶晶 05年同霍家大少拍拖至今，名牌、鑽飾密密收唔在講，還有車仔、磚頭揸手，即使出嫁無期，賬面上仍賺凸。
熱戀期
兩人拍拖不夠半年，霍啟剛送上自用同款同價三十萬的紅色 Mini Cooper作 love car，之後，又一炮過以三百多萬購入北京崇文區「本家潤園」千六呎單位，作為郭晶晶的安樂窩。
肯定期
拍拖四年，郭晶晶的新抱地位被肯定，霍公子大手筆送上價值三千萬，位於北京海淀區七千呎加一千呎花園的「香山清琴別墅」給郭晶晶揸手。
冷淡期
無意做老襯的霍啟剛，去年再送上價值九十四萬的紅色寶馬 X5四驅車，再買埋北京東四環外，王菲都住過的嘉林花園，作為拖延婚期補償。

郭晶晶來港密會霍啓剛 男友無心結婚出嫁無期

郭晶晶在臨近過年之際，秘密來港會霍啓剛
上月中，朱玲玲母親病逝，有指霍家未來媳婦郭晶晶會親自來港奔喪。風頭火勢，跳水皇後未有現身，直至上月底臨近過年，郭晶晶始秘密來港會霍啓剛。

被男友安排遠赴美國進修在即，即使宣告退出國家隊但仍出嫁無期，郭晶晶緊張盯住坐擁三百億身家的霍家繼承人，不容有失。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄