媽咪姐早兩日撞到個公關朋友，俾佢掹住係咁呻，唔係，應該話係咁鬧。鬧乜水？咪就係「黑荔枝」囉。
朋友話喺聖誕嗰陣，有個客戶話「黑荔枝」識彈琴，想搵「黑荔枝」做商場騷，但就指定咗要佢彈邊兩首樂曲。雖然個客有要求，但人哋好識做，所以嗰筆騷錢相當和味，真係好大嚿 o架。朋友話起初同「黑荔枝」傾時，佢淨係聽到筆騷錢咋，已兩眼發光，所以鬼咁易話為，乜都話得。

誰不知到咗出騷當日，嗰粒「黑荔枝」遲大到不特止，嚟到道歉都冇句，開口就話個場嘈。喂，大姐呀，嗰度係商場嚟 o架，你估大會堂呀！咁都算嘞，佢仲衰到先前講好表演嘅曲目都推翻，求其彈支曲出嚟就話走人。喂，佢咩料呀？只係二線歌手咋，但收人哋嚿騷錢拍得住一線歌手 o架。佢咁敷衍，個客梗係詐晒形啦，朋友俾個客祖宗十八代都鬧埋咁滯。咪打電話抦「黑荔枝」囉，哈，仲俾佢個經理人鬧為乜要騷擾「黑荔枝」喎。朋友嬲到一時火遮眼，咪媽番佢哋轉頭囉。朋友愈講愈㷫，仲話發過誓以後唔會搵「黑荔枝」做嘢，就算有客提出，都會 reject佢。
唉，「黑荔枝」咁搞法，即係自斷米路。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄