派一千蚊利是
發聲明期間，新任爺爺 嫲 嫲的許世勳夫婦亦到達養和探孫仔，笑晒的許世勳夫婦逗留唔夠一個鐘離開，之後李嘉欣媽咪及家姐亦相繼到達。
自從家姐李嘉明去年初誕下兒子後，李嘉欣便經常摸上門，探望姨甥外，沒有跟一般孕婦上育嬰班的她，乘機偷師學湊初生ＢＢ。「嘉欣唔想假手於人，佢一早決定 咗自己湊，所以搵定家姐幫手做陪月，之前佢特登安排多 啲時間 喺家姐屋企學湊ＢＢ，好似換尿片，飲完奶掃風，佢全部識晒。」李嘉欣身邊人說。
送朱古力雪茄
一索得男，公開恨生女的李嘉欣透露最初未知ＢＢ性別時，先為腹中塊肉改了英文名，知道是兒子後，竟忍不住說白白浪費了一個好聽的英文名。
許生許太替兒子改的英文名「 Jayden Max」， Jayden來自聖經舊約尼希米記第三章，意思感激，而 Max則來自拉丁文，意思最偉大， Jayden Max組合，取自爹 哋 Julian及媽咪 Michele英文名頭一個字母，至於中文名則會跟從許氏家族族譜改。
慶祝家庭新成員加入，許晉亨夫婦找來傳統名牌文華酒店造雪茄朱古力。向來嗜甜的李嘉欣，刻意將包裝成雪茄形狀的朱古力廣派親友，公告小 JM出世外，由於仍未過新十五，大紅包裝一盒八支的雪茄「發發聲」，意頭十足。
初一出動
去年十二月底，臨盆在即的李嘉欣已經收爐唔接 job，閉關一個月。入院前的大年初一早上，跟老公許晉亨十點半由屋企曉廬出發，到深水灣道八十號向老爺奶奶拜年，知道有記者跟，身穿白色斗篷，貼身黑色褲，長靴的李嘉欣，全程以背避鏡頭。
在許家食完午飯，接近下午兩點半，唔想入鏡的李嘉欣在老公「掩護」下，由大宅停車場上車離開，她坐在車廂跟老公十指緊扣，又用價值約三十萬的鱷魚皮 Hermes袋遮肚，只見臨生的李嘉欣鼻頭明顯變大，面部微腫。
東方文華酒店
高鈣奶當水
「因為食得健康，所以嘉欣 keep得咁好，佢雖然有整甜品同煎牛扒食，但食落肚嘅分量都唔多，唔似一般大肚婆猛咁食，佢冇搵營養師，只係自己上網摷資料，度身營養餐單，好似佢好鍾意食朱古力，但孕婦唔可以吸取過多糖分，佢就食少啲。臨生一個月，佢將低脂高鈣奶當水飲，所以體重控制得好好，係一個健康媽咪，佢亦成日聽音樂，令自己心情愉快，所以佢佗 B冇走樣。」知情者透露。
年初二，許家在褔臨門食開年飯，以及年初三李嘉欣跟許晉亨的愛駒「愛意」出戰新春賽，她都沒有露面。不過入院後，嘉欣繼續在微博留言：「每個人都在努力成為更好的自己，大 胆去改變吧！ Change is always good!」升級做媽咪，李嘉欣已經完全預備好。
吉日兔 B
許晉亨和李嘉欣的愛兒 Jayden Max Hui，擇定良辰吉日，二月八日（年初六）出世，據玄學家麥玲玲師傅說：「這個兔 BB屬木，生得好靚仔好高大，性格會很強，讀書好叻，將來適合做專業人士。」
至於旺父親定旺母親，麥師傅表示，兔仔是長耳動物，有耐性去聆聽，聽教聽話，父親屬虎，母親屬狗，一家三口的生肖都好夾，好有父母緣。
通常產婦會在預產期之前十日至十四日內選擇吉日，年初六正是近兩星期內最好的日子，如果 BB在下午出世，五行更平均，有木又有金，大富大貴。
索爆孕婦期
被譽為大美人的李嘉欣，踏入人生另一個階段，榮升做媽咪。自去年九月宣布懷孕三個月後，嘉欣幾乎每個月都會現身公開活動，佗 B期間，依然保持靚爆招牌。
宣布有喜
去年八月，李嘉欣率先在微博晒凸肚照，九月出席新浪網活動時，正式宣布懷孕三個月，準備做媽咪
體重微升
懷孕五個月的嘉欣，已見凸肚，但手手腳腳如舊，她稱只重了十二磅，飲食方面控制得宜，便能做到肥胎不肥人的效果。
生兔 B仔
去年 11月仍出席活動的嘉欣，懷孕六個多月，向傳媒宣布腹中塊肉是男丁，將會在兔年 出世。
胎教至上
去年 12月，腹大便便的嘉欣分娩前出席最後一個手錶活動，之後便閉關留在家中安胎，她表示感覺到囝囝在肚內踢來踢去，好似打功夫，又經常聽莫札特音樂胎教。
窈窕潮媽
不少懷孕媽咪，生完 BB後都會手腫腳腫，體重加碼，唔想身材走樣，事前一定要好好計劃，就算年近四張，一樣可以做個窈窕媽咪。
陳慧琳
Kelly（陳慧琳） 09年 7月誕下「蝦餃仔」劉昇，懷孕期間肥胎不肥人，體重最多只升到 130磅，產後出院，極速回落到 115磅，身形面貌 fit到漏，更一度令人懷疑她找代母生仔。原來 Kelly跟足醫生教路，佗 B期間計算好 BB所需營養，尤其鈣質，晚餐會飲豬骨湯，每日亦會飲兩杯奶，但忌吸收過量。
郭可盈
向來偏瘦的郭可盈，長期維持 100磅體重，佗 B時體重高峰期只升到 125磅，上圍由 A Cup升到 C Cup，但同樣肥胎不肥人。去年一月誕下愛女林天若後，亦無出現水腫情況，體重在兩星期內火速回落 110磅。有專業陪月員幫手，郭可盈佗 B時生活大改變，每日早睡早起，食有營養食物，不須日日食補品，更由不愛飲水改變到日飲十杯水，加埋適量運動。
留言列表
