追仔成功
壹：記者 淇：徐子淇
壹：恭喜晒子淇，依家有咗幾多個月？
淇：大約四個月左右啦！
壹：係咪佗住孖仔？
淇：唔係孖仔，得一個 BB，但係未知仔定女。
壹：四叔話再生女會失望喎？
淇：我都驚令老爺失望，當然有仔有女就最好啦，不過呢啲係天意，其實我就真係仔女都咁鍾意嘅！
壹：呢一胎佗得辛唔辛苦？
淇：好辛苦呀，成日都嘔，同埋兩個女成日都扭抱，但我暫時又唔抱得佢哋。
五千萬巨鑽
現場所見，當日徐子淇右手中指戴住隻超大方形巨鑽戒指，十分 眼。據了解，巨鑽重二十五卡， 4C全美級數，約值五千萬，是李家誠送給老婆，獎勵她成功幫李家添丁大禮。
「 Martin（李家誠）好錫老婆，子淇大肚嘅時候，成日瞓瞓吓起身想食嘢， Martin就親自整愛心消夜俾老婆食。今次子淇有咗，成家人都好開心， Martin即刻就換咗架勞斯萊斯等子淇坐得舒服啲，後來仲神神秘秘買咗隻鑽戒送俾子淇，隻戒指粒石有成廿五卡，保守估計，市值要成五千萬。」徐子淇身邊人說。
三管齊下
雖然徐子淇不願公開今胎係仔定女，但她其實已經向身邊朋友露過口風，坦承自己三管齊下，成功追到仔。
「子淇喺一年前已經開始注意飲食，女性食多啲含鹼量高嘅食物會容易生仔，所以佢飲咗成年含鹼性礦泉水同寶礦力，佢老公就要食多啲肉，西醫又提議佢驗排卵期，因為喺排卵之後行房，男仔性別嘅精子，會容易同卵子結合，生仔嘅機會都會高啲。佢仲用埋古法『清宮生男生女圖』，跟住指示，喺生仔月份行房，佢話佢上年有成七個月嘅時間，都好大機會生仔，幾個方法都試勻，終於一索得男。」徐子淇身邊人說。
佗得辛苦
佗住「慈姑椗」的徐子淇，開始頭三個月經常嘔，次數又頻密，加上她繼續湊女返學返 play group，又去公園玩，近月流感高峰期，染上兩次重感冒的她，今胎比前兩胎佗得更辛苦。
「舊年十一月尾，子淇啱啱有咗，但佢一早應承咗出席幫智行基金籌款的卡地亞活動，又要幫手搞慈善晚宴，不過可能太頻撲，終於捱唔住發燒病咗；早幾個禮拜又因為陪兩個女去公園，惹到流感，但佢大肚唔可以食特敏福，結果病咗差唔多兩星期先好番。」
兔 B湧現
踏入 2011年，娛樂圈藝人有喜真係多到十隻手指都唔夠數，但講到最哄動，莫過於現年三十有八，承認人工受孕佗 B嘅陳慧琳。
陳慧琳 8月
Kelly用自然方法，但未有起色，又心急想在 40歲前完成大任，於是接受醫生建議接受人工受孕，成功佗孖 B三個月。
李嘉欣 2月
41歲的李嘉欣佗住兔 B，去年 12月出席完最後一次公開活動後，正式閉關安胎。
Rosanne（黃婉君） 6月
09年底與牙醫 Derek拉埋天窗後，去年 10月被發現到尖沙咀看婦科，照超聲波，證實懷有男丁。
曹永廉 8月
曹永廉太太姜依蘭，去年 12月中證實意外懷孕兩個多月。
黃浩然 5月
去年在無綫《萬千星輝頒獎禮》勇奪「飛躍進步男藝人」的黃浩然，上台領獎自爆同結婚五年老婆莫嘉嘉成功造人。
張茜 3月
08年 2月臨盆前突然流產喪女，去年 8月張茜傳出再有喜的消息，但她與丈夫張 衞健至今仍未肯承認。
蔡少芬 6月
患有強直性脊椎炎的蔡少芬，停食止痛藥後，成功造人，於去年 11月 30日由老公張晉親自宣布老婆以 37歲高齡懷胎三個多月。
歐倩怡 8月
有哮喘底，經歷過兩次小產的歐倩怡，去年 12月中，由老公郭晉安證實有咗兩個月。
姚瑩瑩 7月
姚瑩瑩同做生意男友拍拖八年，於本月 20日宣布未婚意外懷孕，大肚期間繼續拍劇。
唐寧 5月
29歲的唐寧，去年十一月於微博宣布與 42歲舞台劇演員鄧偉傑奉子成婚。
連凱 6月
與太太 Amanda結婚六年，於去年 11月中證實老婆成功有咗。
4C定價值
衡量一顆鑽石的價值標準，取決於 4C：克拉（ Carat）、淨度（ Clarity）、顏色（ Color）以及車工（ Cut）。 4C中任何一個 C都會影響鑽石的價值，而 1克拉或以上附有由美國寶石學院（ Gemological Institue of America簡稱 GIA）和 Diamond High Council（簡稱 HRD）等發出的證書，較具保值和升值潛力。
清宮生仔秘方
徐子淇三管齊下，成功佗「慈姑椗」其中秘方之一「清宮生男生女圖」，據講是乾隆皇帝與隨從御醫下江南時，四出徵詢民間生男生女的秘方，當中有中醫獻上從太極八卦整理而成的秘方圖，經皇室整理即成為清宮秘方。盛傳是考古學家於百年前考古清朝的皇家墓地所發掘，有說此圖真品仍保存於中國科學院，據說準確率達九成。
計算方法：以中國古曆計算，女性以虛齡計（即實齡加一歲），再按下表計算受孕月份，於想要 BB性別的那個月份，多加努力，生仔生女水到渠成。
撰文、攝影：娛樂組
留言列表
