跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
曾經因為喺夜店鬧事同人打交而入過冊嘅「作孽」,出冊冇耐,就同「表妹」結婚。講起「表妹」,佢身為有身家之人,可以有好多選擇,但對「作孽」依然不離不棄,一條心等佢出冊,媽咪姐身為女人,都覺得佢好難得,事關咁有情有義嘅女人,依家真係變咗罕有動物。可惜「作孽」根本唔知個「福」字點寫。
其實喺名人圈入面,有邊個唔知「作孽」個花心底 o架,所以好多人根本唔睇好呢段婚姻。但好快佢哋連仔都生埋,於是又有人以為「作孽」浪子回頭、修心養性。點知「作孽」原來真係滾性不改,竟然趁老婆佗住個肚時,繼續去滾。有某名人爆料,「作孽」依家仲學人金屋藏嬌,呢個「嬌」嘅外形,一睇就知「她來自北方」。某名人又點知呢?原來名人有個親戚咁啱就住喺金屋隔籬,嗰位親戚同名人講,話「作孽」幾乎日日下晝就鬼鬼祟祟咁上去金屋,之後嗰間屋必定傳出拆天咁嘅聲,嘈足幾粒鐘之後,「作孽」就會毛鬆翼鬆咁走頭。唉,既然「作孽」唔惜福,惟有祝「表妹」自求多福囉。
娛樂八掛大分享☆
stacy4life 發表在 痞客邦 留言(0) 人氣()
留言列表