「牛佬」嘅個人騷真係好巴閉，天王天后都俾晒面上台幫手做串星，咁仲唔止喎，連電影大老闆、唱片公司嘅揸 fit人都去捧場。
話說其中一場，媽咪姐同幾個行家都去咗睇騷，咁啱見到「白金漢宮」個大老闆率領旗下一眾仔女去捧場。喺休息時段，媽咪姐見到大老闆掹住當晚其中一個嘉賓「傻豹」入咗後台，直至輪到「傻豹」上台，先見到佢出嚟。媽咪姐八性又起，真係好想知道大老闆同「傻豹」傾啲乜，可以傾成大半個鐘？終於皇天不負媽咪姐嘅苦心，卒之喺「傻豹」身邊人口中知道，原來「大老闆」當晚其實志不在睇騷，目的只係想搵「傻豹」加盟佢公司，不過就俾「傻豹」拒絕咗。原來「傻豹」聽過一個喺嗰間公司出去嘅歌手講過，話試過成 3年都冇放過假，好辛苦啫。況且學「傻豹」自己話齋，今時今日嘅佢，雖未至於係殿堂級，但都一邊屁股坐咗上神枱，冇乜必要再咁辛苦，所以連諗都費事諗就推咗「大老闆」嘅「好意」囉。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄