周慧敏（ Vivian）相隔 16年再為無綫拍特輯，力谷自己三月舉行的個唱， Vivian坦言感覺特別和驚喜。節目中 Vivian好友鄭丹瑞笑指對方烏龍又論盡，更試過做司儀時甩裙，又說 Vivian曾是「學界柏原芳惠」，相當搞笑。
最近力谷三月個唱的周慧敏（ Vivian），前晚在電視城錄影《周慧敏．最愛 V25》，節目上邀請古巨基、鄭丹瑞、阮兆祥、蘇永康、王馨平和陳偉霆做嘉賓， Vivian亦表演彈琴以及和嘉賓合唱。
放大圖片 
古巨基曾與周慧敏齊搭地鐵，結果被乘客認出。
放大圖片 
阮兆祥和周慧敏都是電台出身。
孖基仔搭地鐵 放大圖片 
節目拿出周慧敏與日本女星柏原芳惠的相片比較，兩人甚相似。
談到今次錄影， Vivian說：「上一次同無綫拍特輯已經係 94年嘅事，隔咗 16年再合作，我覺得好驚喜，感覺仲好特別，其間仲睇番以前拍攝啲片段。」問 Vivian會否再邀請是次節目的嘉賓做演唱會嘉賓？她說：「未知呀，今次啲嘉賓人選都未定。」與 Vivian相識多年的古巨基，將會為好友設計演唱會產品，基仔說：「我梗係唔會收設計費喇，仲隨時候命去做嘉賓㖭！」
似足柏原芳惠
講到與 Vivian相處的笑料，基仔說：「家諗番都好好笑，有次我同 Vivian喺鯉魚門食完飯，傾傾吓即興走咗去搭地鐵。我哋由藍田坐到黃大仙，點知俾一個乘客認得，佢呆咗咁望住我哋，結果佢仲同我哋合照。」節目上鄭丹瑞笑指周慧敏至今都沒有改變，他笑說：「 Vivian好烏龍同論盡，佢啱啱做 DJ嗰時，試過開咪嗰陣整跌嘢，又有一次做《勁歌》司儀，佢條裙跣咗落嚟變半截裙。」在旁的 Vivian亦笑說：「好彩我出咗名係打底王，所以冇出事。」鄭丹瑞又爆當年周慧敏有「學界柏原芳惠」之稱，阮兆祥則被稱為「學界陳百強」。採訪：王崇穎 攝影：陳順禎 
周慧敏相隔 16年再為無綫拍特輯，她坦言感覺特別和驚喜。
留言列表
