娛樂八掛大分享☆

由劉德華、謝霆鋒及范冰冰等演出的陳木勝作品《新少林寺》，近日狂谷宣傳，昨日該片導演陳木勝在尖沙嘴宣傳，他跟霆鋒已是第四度合作，他早已視霆鋒為愛將，陳木勝說：「點解咁鍾意用佢？一個字，『好』囉！隨住霆鋒越嚟越成熟，今次佢做一個反派，同劉德華對抗，係一個好大嘗試，佢個人又係黐黐哋，想自己個角色再奸再衰再賤啲，設計好多，我反而唔可以畀佢做太多，怕佢過火。」

放大圖片

陳木勝昨日大讚華仔、霆鋒和范冰冰是好演員。

放大圖片

范冰冰想做打女，可惜她只能繼續演楚楚可憐的角色，任奸鬼謝霆鋒虐打。《新少林寺》劇照

要求加動作戲

20年前陳木勝跟劉德華合作過《天若有情》，今次再度合作，導演坦言能和這樣的好演員合作是一件幸福事，他說：「華仔係佛教徒，佢畀好多意見。」《少》片文戲比動作戲多，主要是探討人性，而范冰冰就主動要求導演加動作戲，陳木勝說：「冰冰唔係打女，但佢就好想打，真係好搏命，不過唔係佢想就加畀佢。」范冰冰前日在內地宣傳《新》片時透露現時內地宣傳是一個很畸形的方式，她說：「我自己不喜歡，但是又沒辦法，因為我是女主角，我必須要站出來跟大家誇一下這部電影是一個好大的西瓜，又甜，又沒有籽，又有水份，通常我們拍一部電影可能要跑十幾個城市，有的時候確實很辛苦。」採訪、攝影：魯萍場地： Mercury


范冰冰前日在內地宣傳《新》片時投訴在內地巡迴宣傳很辛苦。