LEXUS CT200h 揭背 CT200h　混能新一哥 @ 娛樂八掛大分享☆

望住啲油價升十次先回落一次，聽見都心寒！為環保好或為荷包着想又好，唔少車主經已加入混能車行列。仲未搵到心水？ LEXUS全新混能車系 CT200h，以年輕型格的揭背車造型打動人心，加上三十幾萬元抵玩車價，絕對有力擴大勢力版圖，引領更多人踏入混能車。記者：許維雅攝影：周旭文Model： Wiyona@ Model One服裝提供： VivaLaDiva

其他副刊影片入門價　買迷你版 RX

車未到真身未現，已引起頗大迴響的 LEXUS全新車系 CT200h，好多車迷見到它現身歐洲車展的照片，都即追問幾時到港。它終於以 Hatchback Revolution（揭背革命）口號殺到！首部凌志揭背車加入 Hybrid混能系統，兩者皆是新一代汽車的大熱元素，無疑是天衣無縫的組合。車身設計方面，充滿動感的流線型車身大車尾，外形似縮細咗的 SUV RX450h，加上車頭擾流及車尾泵把都霸氣十足、 LED頭燈及日間照明燈組合夠搶眼，論新鮮感同討好程度都滿晒分！最重要是索價竟然比我想像中低，皆因凌志車系的口碑向來好，聽得最多的怨言係嫌貴，最低門檻的 IS250，最平版本賣約$34萬， CT200h只賣約$31萬，創入門新低，再拼落車價$27萬幾的豐田 PRIUS，相差無幾，對心郁郁想買凌志或混能車的人，肯定係大喜訊！

放大圖片
■駕駛艙的高中控台延伸設計有點點 PRIUS的影子。

■駕駛艙的高中控台延伸設計有點點 PRIUS的影子。

放大圖片
■ 7吋中央顯示屏有多角度調校，更會自動關閉。

■ 7吋中央顯示屏有多角度調校，更會自動關閉。

放大圖片
■遙距觸感操控好似老鼠，可全面控制車廂配備，非常方便。

■遙距觸感操控好似老鼠，可全面控制車廂配備，非常方便。

放大圖片
■ 1.8公升引擎輸出 99匹馬力，連電總輸出 136匹，穩定性高易超速。

■ 1.8公升引擎輸出 99匹馬力，連電總輸出 136匹，穩定性高易超速。

夠穩定　靜靜雞加速放大圖片
■大車尾闊泵把的揭背設計如迷你 SUV。

■大車尾闊泵把的揭背設計如迷你 SUV。

當然廠方所講的 CT200h揭背革命一定唔止得咁少驚喜，一個識自動轉 Look轉顏色的錶板夠過癮，備有 EV純電、 ECO節能、 Normal正常及 Sport動感四種行車模式，頭三種模式的錶板會有電能運行狀態顯示，更以藍光配襯，只要輕輕一扭中控台旋轉扭改為動感模式，錶板即變成紅光換轉數錶顯示，實用夠 Fun。致力打造一部超豪揭背車，藍芽、免匙、導航等當然齊備，中控頂部的 7吋中央顯示屏一着車便會自動打開，如老鼠仔的遙距觸感操控夠好玩，符合人體工學設計的電鍍波混仔亦夠晒型。新一代油電混合引擎同樣有驚喜，時速 40公里以下可以純電模式行車，停車拍攝時着了車一段時間先自動着引擎叉電。平均油耗低至 23.9km/L，總輸出 136匹馬力的起動略嫌未夠澎湃，但寧靜車廂及前後橫置式吸震器的穩定，令人不知不覺已加速至 100km/h，反而要小心會超速呢！

放大圖片
■電、環保及正常行車模式以藍光錶板顯示。

■電、環保及正常行車模式以藍光錶板顯示。

放大圖片
■動感模式行車，錶板即轉紅光及換上轉數錶。

■動感模式行車，錶板即轉紅光及換上轉數錶。

影混能新貴贏日本機票

全新凌志 CT200h將於今、明兩天上午 10時至晚上 8時於尖沙嘴海運大廈展覽大堂展出，大家記住帶定相機把握機會幫呢部混能新貴影一張靚相，並上載到 CT200h Facebook專頁參加「 See& Capture the Hatchback Revolution攝影比賽」，贏取日本東京雙人來回經濟客位機票連酒店住宿 3晚。詳情參閱http://www.facebook.com/LexusCT200hHK

LEXUS CT200h規格放大圖片