娛樂八掛大分享☆

古天樂和吳君如一對搞笑組合拍攝的賀歲片《神奇俠侶》將於農曆年檔上映，兩人均飾演武林高手，婚後為了想生兒育女，終日親熱，甚至「食食吓飯都要嚟！」兩人為拍出效果更學習性愛瑜伽，結果弄至腰痠背痛。

古天樂和吳君如再度合作，拍攝陳可辛監製的《神奇俠侶》。兩人早前接受訪問暢談拍片苦樂，古仔說：「因為想生仔，所以成日搞，連食食吓飯都會搞。但因為有啲動作係人類極限，有啲身體部份要用替身。」他們苦練高難度的性愛瑜伽，更搞到腰痠背痛，古仔說：「好多動作好慢，甚至要維持一個固定動作，好似點咗穴， NG幾次手腳已經麻痹、背部僵硬。」

放大圖片

古仔與君如特地學習性愛瑜伽來拍親熱戲，效果搞笑。

放大圖片

古仔單手舉起君如的場面，應該是後期製作居多。

「有啲部位接觸到」

問到會否感到尷尬時，他說：「其實同君如私下都熟嘅，不過最親熱就係拍呢部片， Peter（導演陳可辛）又在場，仲指點我教我點做。」君如一提到與古仔拍親熱戲即笑不攏嘴，她說：「第一日開工就要拍性愛瑜伽嘅場面，真係有啲尷尬，因為有啲部位都接觸到。」問到古仔可有生理反應時，她即大笑說：「有就好啦，不過拍《金雞》嗰陣 Eason話有，仲同我講唔好意思。」問到老公陳可辛可有呷醋時，她說：「公私分明嘅，《金雞》都拍咗兩部啦，佢仲鬧我唔夠放，一埋位就唔係兩公婆，仲俾佢抦。」

王柏傑喝醉斷片 放大圖片

王柏傑在前輩古仔及君如身上學到不少演戲技巧。

此外，拍畢《十月圍城》後，被傳於台灣與女友柯佳嬿因感情問題失控自殘的王柏傑，於片中飾演一名大反派，他說：「第一次拍動作戲有點難，第一天開工就要與古仔纏鬥有點緊張。」至於早前的自殺傳聞，他說：「只是喝多了吧，喝醉有時候會斷片。」他又稱與柯佳嬿「都是好朋友」。採訪、攝影：藍文浩


古天樂與吳君如老友鬼鬼，拍親熱戲絕不尷尬。