「國產靚仔」同整容 o靚模拍拖年幾,亦傳過好多次佢哋分手,不過都只係煙幕,查實「國產靚仔」不知幾冧 o靚模。雖然佢兩個分隔兩地,但「國產靚仔」就識出動名牌手袋嚟箍住 o靚模。
有個喺某間名店做 sales嘅老友八俾媽咪姐聽,話一個月前,「國產靚仔」嚟咗香港,而且仲第一時間落咗名店,訂咗兩個同色同款每個價值十萬嘅限量版手袋,但佢冇攞貨走,只吩咐落遲啲會有人攜單嚟攞貨。 Sales就一直好留意,到底「國產靚仔」呢兩個手袋係送俾邊個呢?就喺個多禮拜前,答案出現。當日 o靚模同阿媽一齊落嚟攞手袋,仲即時齊齊孭住走人㖭。嘩,「國產靚仔」唔止闊綽,仲識行外母政策,難怪 o靚模愛得「國產靚仔」要死啦。

arrow
arrow
    全站熱搜

    stacy4life 發表在 痞客邦 留言(0) 人氣()