粒石再大啲仲冧！（設計對白）
娛一叮
與林忠豪假分手　廖碧兒生日收 18萬鑽石
2011年01月14日


近日有指廖碧兒（ Bernice）向其新歡、李澤楷表弟林忠豪（ Alastair）迫婚不成，連帶對方答應送贈的豪宅亦化為烏有，因而怒斬四月情。據悉廖碧兒的確迫婚樓不成，但向來識計數的她眼見自己形象插水，６年男友陳豪又斬纜，惟有暫時箍實林忠豪，總好過人財兩失。不過為挽救事業，擺脫貪錢形象，廖碧兒在人前假扮與林忠豪分手，實質兩人仍然行埋。
既然未分手，上周四（ 6日）廖碧兒生日，林忠豪亦有預備禮物。據悉他原本打算送上 40萬的鑽石冧女友，不過經常講一套做一套的他最終縮皮，只送了價值 18萬的鑽石。當拜金女遇上大隻講，感情唔慌長！
被踢爆搭上林忠豪後，廖碧兒形象插水，林忠豪亦被指是表面闊少，遭其任職中渝置地控股有限公司副主席的父親林孝文閂水喉。雙方備受壓力，只好將戀情轉地下發展。上周四（ 6日）是廖碧兒的 32歲生日，她到 ifc出席活動，當被記者問到與林忠豪有否見面慶祝時，她即劃清界線：「冇，但係我收到好多外國朋友嘅 email。」人前扮分手，生日前一天（ 5日），她由父親接載，到灣仔星街和家人及朋友食日式燒肉賀壽。當晚她返回將軍澳住所後，便於凌晨時分乘的士再次外出，校啱時間與林忠豪慶祝正日生日。 
冧唔冧呀？（設計對白）
 
上周四（ 6日），壽星女廖碧兒到 ifc出席活動，大會為她送上生日蛋糕，得她笑口噬噬。已收了男友林忠豪（左）鑽石的她卻對記者說冇收過對方禮物，在人前扮分手。
 
李澤楷表弟林忠豪的母親莊月華（右），是李嘉誠老婆莊月明細妺。林母近日向傳媒表示兒子不會跟廖碧兒結婚。

問人攞折買鑽石
知情人士說：「 Alastair（林忠豪）份人好吹得，又未玩夠，點會結婚同買樓俾 Bernice（廖碧兒）！但女友生日，佢都有表示。之前佢周圍問人邊度買鑽石平啲，又周圍問人攞折，慌死人唔知佢送禮。」據悉他在友人介紹下，去年 12月 22日上了尖沙嘴一家鑽石批發公司挑選鑽石，當時他還跟店員說：「我想揀粒體面啲嘅鑽石俾朋友， 3卡左右，最緊要靚！」當店員告訴他，最靚的是零瑕疵 FL級、 D color鑽石，價值百萬。他聞言即改口說：「有冇其他抵玩啲嘅 3卡鑽石？係咪可用激光喺鑽石度刻字？我想刻啲嘢俾朋友。」當日他看了一批 40多萬的鑽石，揀足兩粒鐘，但最終空手而回。


周日（ 9日），廖碧兒被問到林忠豪送上鑽石做禮物，她即表現愕然，煞有介事話：「冇啲咁嘅事。」
 
周一（ 10日），陳豪到銅鑼灣出活動期間，求得天賜良緣的好籤，他呼籲傳媒放過廖碧兒，本刊記者問他有否與對方聯絡，他即說：「我只會同佢 email聯絡。」

碧兒拒絕激光刻字
到廖碧兒生日前三日（ 3日），林忠豪再次上該鑽石批發公司，這次他向店員說：「我想搵 2卡左右嘅鑽石， D color乜嘢價錢？」當知道要 30萬左右，他又說：「其實 F color（低兩級）都差唔多啫，都睇唔出 o架！」最後他揀了粒 F color、淨度較差的 2卡鑽石，由原價 20萬，講價到 18萬，最後成交。林忠豪送禮縮皮，對其他人一樣大隻講。早前他答應戴蘊慧出三百萬為戴思聰開悼念演唱會，誰知其後唔認數，戴蘊慧忍唔住公開寸他：「佢唔應該搵先人抬高自己！」
林忠豪計到盡，廖碧兒亦非省油的燈。據知鑽石店店員最後問林忠豪是否需要激光刻字時，他說：「唔使啦！朋友話唔想。」業內人士解釋，沒有刻字的鑽石較易轉手放售，廖碧兒要求唔刻字，的確醒目。
周日（ 9日），本刊記者向廖碧兒求證獲贈鑽石生日禮物時，她表現愕然，口窒窒說：「冇呀！」隔了一秒，她強裝鎮定說：「冇啲咁嘅事，我冇收過任何人任何嘢。」然後黑面極速鬆人。之後記者多次致電林忠豪，但他未有接聽。
扮單身
廖碧兒為救人氣扮單身，由生日到之後幾天，不是見 fans就揼骨、拍劇，避見林忠豪。


生日與 fans慶祝
1月 6日生日當天，廖碧兒自爆沒跟林忠豪慶祝，又謂沒收到對方的 sms。出席活動後，幾位女 fans帶備蛋糕，跟她在 ifc外慶祝生日。
 
探朋友
見完 fans，廖父先送廖碧兒到中環嘉兆臺，個半小時後再送她到西環寶翠園與朋友共聚，至晚上 10時仍未離開。
 
開工獨家村
上周五（ 7日）早上，廖碧兒到奧海城為《依家有喜》拍外景，其間扮大肚婆的她，全程同劇組零交流。
 
梳乎揼骨
上周日（ 9日），廖碧兒（右）在荃灣出席《居家兵團》活動後，由助手陪同，再到黃埔揼骨消磨數小時才返家。

揀鑽石準則 


不少人覺得鑽石愈大粒愈好，其實還要睇 4C，即色澤（ Color）、淨度（ Clarity）、克拉（ Carat）同車工（ Cut）。鑽石最高質素屬「無色透明」，即 D、 E、 F color，亦賣得最貴； G、 H、 I、 J則接近無色，價錢次等。淨度方面，如鑽石愈少內含物和表面瑕疵，可以折射得愈靚，檢視淨度以十倍放大鏡為標準，最高等級為「 FL」（無瑕疵），其次是 If、 VVS1、 VVS2、 VS1、 VS2同 SI1、 SI2等。
鑽石的重量和車工亦是關鍵，如 8心 8箭切割方法是 58辦標準切工，該鑽石亦賣得較貴。而揀鑽石，最好不要揀鑲好的，皆因隨時被 K金遮住內含物。
如以一粒 2卡鑽石計， D color同 V淨度，價錢起碼要 52萬； F color同 SI淨度，市值 25萬； I Color同 SI，亦要$18萬。
網友狂插
撐碧兒

廖碧兒與林忠豪假分手 生日收18萬鑽石

廖碧兒與林忠豪
近日有指廖碧兒向其新歡、李澤楷表弟林忠豪迫婚不成，連帶對方答應送贈的豪宅也化爲烏有，因而怒斬四月情。據悉廖碧兒的確迫婚不成，但向來會算計的她眼見自己形象低落，6年男友陳豪又分手，惟有暫時看緊林忠豪，總好過人財兩失。不過爲挽救事業，擺脫貪錢形象，廖碧兒在人前假伴與林忠豪分手，實質兩人仍然在一起。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄