本月20日，45歲的吳國敬在其清水灣寓所與鄰居發生爭執，吳涉嫌失控揮刀恐嚇鄰居，暫獲准保釋候查，1月中上庭受審。
事件爆發後，吳國敬心情跌到冰點，就連（24日）上廣州做BIG4演唱會嘉賓也冇心機。26日出席香港活動時，他又慌慌張張。不過，幸好有BIG4幾位好兄弟支持，令他感到人情溫暖。29日，吳接受本刊訪問時，直認自己「EQ低，容易得罪人」，更指以後會學懂忍耐：「俾人打都要死忍！」


有「霹靂敬」之稱的吳國敬，性格率直，容易惹是非，發生官非後，阿敬於平安夜首次公開露面。當晚，心情沉重的他到廣州擔任BIG4演唱會嘉賓，獻唱飲歌〈我說過要你快樂〉。平時口多多的他因事件影響變得沉默，唱完歌講了句「多謝！」然後便匆匆落台。
26日，阿敬同樣穿上大前日的裝束，現身荃灣出席「華麗金曲唱不停」，吸引半百傳媒採訪。他事前已透過公關表示，活動完畢才接受訪問，表演時亦顯得十分不安，不時撥頭髮、托眼鏡、手震及咬唇，小動作多多。
訪問時，阿敬緊張得不知所措，手震震、口窒窒講：「我之前真係發生一啲事故，差人依家調查中，唔方便講太多。將來適當時候我會同大家交代，唔好意思要大家咁頻撲，多謝大家關心！」

BIG4帶挈賺24萬
85年參加新秀入行的阿敬，多年來在娛圈浮浮沉沉。一首〈我說過要你快樂〉唱到現在，多年前替Sammi作〈我們的主題曲〉和蘇永康的〈愈問愈傷心〉後，事業走下坡。近兩年開始為亞視的《星光大道》擔任評判，曝光率多番，多了返內地登台，亦有幫衛蘭作曲，而兄弟BIG4亦帶挈他做個唱嘉賓搵外快。最近他事業再露曙光，但卻突然惹上官非。
阿敬接受本刊訪問時，亦表示兄弟們患難見真情︰「好衷心多謝班兄弟，佢哋幫我解決咗好多煩惱，尤其係阿Dick（張衞健）。我哋係小學三年級同學，成30年朋友。件事發生後，佢仲安排咗個暫時住所俾我，張媽媽仲擔心到淌淚，連車淑梅同黎明都send咗訊息嚟問候，多謝大家關心！我會積極面對。」

從未打過人
「我認EQ低，份人太率直，睇唔過眼會出聲，係好易得罪人，但我敢講自己係一個好人，私下做好多慈善嘢，只係人哋唔知。由細到大我亦從未打過人，俾人打就試過。呢件事後，以後我俾人打都要死忍。
「其實件事唔係咁大，不過自己係藝人，加上近排又冇新聞，所以單嘢至炒到咁大。報道話我彈結他騷擾鄰居，就唔係事實，因為我唔識彈結他，我作曲係用電子琴。」
致電阿敬兄弟張衞健，他亦幫口︰「我同阿敬由細玩到大，佢份人唔火爆，相反好肯幫人。以前我經濟唔掂，佢二話不說將一半身家俾咗我，佢份人就係咁有義氣。」
許志安亦說：「做兄弟心照啦，希望佢冇事！（BIG4係咪帶挈阿敬搵唔少？）唔好用帶挈。我哋走8站（巡迴），阿敬同歐陽德勛都有份。我哋六個人識咗廿年，組成BIG4係諗住聚舊。其實阿敬做咗《星光大道》後，多咗好多騷，佢成日都有登台，佢自己都好努力，佢一直係靠自己！」
BIG4在廣州開個唱共收120萬人仔，做嘉賓的阿敬每場收3萬，走8場的話，BIG4都帶挈咗阿敬最少搵24萬。

微博顯心情


29日，本刊相約吳國敬做訪問，他說因為整晚作曲，眼腫腫，所以要用黑超遮掩。


去年Big4開騷，有傳阿敬不滿被飛，但其實Big4巡迴，他都有份做嘉賓，山大斬埋有柴燒，都進帳24萬。《蘋果日報》圖片


自從做咗《亞洲星光大道》評判後，阿敬工作多了，黎明、肥媽都找他作曲，還多了登台機會。《蘋果日報》圖片


12月24日一套衫走兩場
雖然阿敬犯官非，但他為Big 4做嘉賓。一出場台下觀眾都報以熱烈掌聲鼓勵。兩日後，他以同一套戰衣出席活動。


梁漢文唱新歌〈中鋒〉時，找來不少好友拍MV，其中阿敬及歐陽德勛都有幫手客串。


張衞健在台上忘形騷肚腩，引來fans起哄。


12月26日
當日，他穿上幾日前嘅戰衣出席商場活動。完場後，阿敬被半百記者圍住做訪問，其間他神情緊張，動作多多兼反白眼。


阿敬離開時，由兩、三位助手護送走，其中一個更是張衞健最細的細佬（左）。張衞健出動細佬為好友護駕，真夠朋友。


12月22日︰分享做人道理
犯官非後，阿敬有感而發，將「做人十心機」與網友分享。


12月21日︰體重新低點
唔知係咪因為心情欠佳，阿敬自爆得番132磅。


12月27日︰心情好轉
12月27日吳將在蘇豪區晚膳的照片放上微博，更提醒網友勿酒後駕駛及用藍牙耳筒，看來心情好番好多。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄