在本周三（29日）的新城頒獎禮，容祖兒成大贏家奪5獎，死敵謝安琪只得3獎。而本刊收到消息，祖兒在本周六（1月1日）的叱咤頒獎禮亦會揮低勁敵謝安琪奪女歌手金獎。本來謝安琪新歌在商台播放率一直領先，祖兒屈居第二。但在46周開始，祖兒新歌播放率卻忽然反超前，最後險勝謝安琪，據知原來與英皇臨尾出招有關。
今年11月初港台公布停頒「四台聯頒大獎」，令大熱容祖兒無緣蟬聯，英皇一怒之下，與東亞齊齊拒絕出席港台頒獎禮。為補償祖兒，英皇即以旗下歌手全部出席叱咤撐場，換取商台將金獎頒給祖兒。商台鑒於無綫未與四大唱片破冰，勁歌頒獎禮欠睇頭，為了成為最多星撐的頒獎禮，最後決定委屈謝安琪攞銀獎！


今年的樂壇頒獎禮可謂星光暗淡，到目前為止，四大唱片仍未與無綫破冰，旗下歌手將繼續缺席勁歌頒獎禮，剩低英皇及東亞歌手撐場。至於港台亦因取消「四台聯頒大獎」，其後又「彈弓手」獨立設置「傳媒推薦大獎」，而被英皇及東亞雙雙杯葛，除人人有獎嘅新城頒獎禮外，剩低商台叱咤成為各大唱片公司必爭之地。

千嬅攞銅獎
眾所皆知，環球高級副總裁黃劍濤（Duncan）與商台助理總經理甘菁菁是夫妻關係，而兩大公司關係一向友好，因此環球唱片旗下的陳奕迅今年將繼續冧莊「叱咤樂壇男歌手金獎」。至於女歌手則是容祖兒與謝安琪之爭，今年兩人均有5首歌上榜，可謂叮噹馬頭。
由於商台機制係以歌曲整年播放率定出得獎歌手，因此Duncan早在年中已幫謝安琪爭金獎。知情人士：「Duncan知Eason男歌手金獎冇甩拖，但阿Kay今年氣勢弱咗，所以佢一早已叫商台幫手力谷阿Kay歌曲嘅播放率，所以阿Kay一直輕微領先，仲試過有三星期攞播放率冠軍，祖兒都係得兩星期咋！」謝安琪原本可以「坐定粒六」奪「叱咤樂壇女歌手」金獎，而今年開完演唱會嘅楊千嬅則奪銅獎。


不過自英皇11月初宣布杯葛港台後，即發功向商台傾獎，承諾旗下歌手必定到叱咤撐場。知情者說：「吳雨親自同商台講，話如果Joey可以冧莊攞女歌手金獎嘅話，英皇會俾面總動員拖行馬去撐場，日後合作亦會盡量配合。其實商台同英皇關係都唔錯，加上祖兒今年又有演唱會，人氣都OK，最重要係叱咤可以成為新城之外，最多歌星撐場嘅頒獎禮，有face又有話題，故最後認承咗。所以臨尾幾周，祖兒首〈空港〉播放率突然超前謝安琪首〈再見〉，令祖兒肯定奪金。」

Kay經理人：唔會唔開心
對於英皇出招搶獎，阿Kay經理人夏森美表示，每年頒獎禮前夕都有唔少傳聞，未到最後亦未知結果，但他強調：「就算阿Kay擺唔到金獎都唔會唔開心。今年阿Kay努力係有目共睹，而身為歌手無論有冇獎佢亦會參與頒獎禮，呢個係對香港樂壇嘅尊重，今年阿Kay會去三個頒獎禮。（無綫有冇邀請佢做嘉賓？）冇。」至於Duncan和吳雨則未有回覆。

爆男歌手得獎名單
商台一向以播放率作為頒獎指標，有民間網站自發於網上統計商台各歌曲嘅播放率，直至本周三（29日）第52周播放率來看，各大獎項如女歌手、男歌手、組合獎均率先爆。

「叱咤樂壇男歌手」

「叱咤樂壇組合」

播放率露端倪
據網上統計商台歌曲播放率嘅民間網站顯示，Joey最後一首派台歌〈空港〉由46周（即11月頭）開始發力，最後播放率成功追過阿Kay〈再見〉，令Joey以456總播放次數險勝謝安琪的439次，反超前領先17次。


又係我攞！（設計對白）
金︰容祖兒與謝安琪近年均在「叱咤樂壇女歌手」金獎爭崩頭，但阿Kay始終未能成功突破Joey「長莊」，本來今年阿Kay可以打破宿命，可惜英皇臨尾搶獎，以至未能擺脫其「二奶命」。


攞到埋手都冇咗！（設計對白）
銀︰環球多年來都跟商台關係友好，旗下Eason、謝安琪、張敬軒等經常囊括叱咤樂壇獎項，可惜謝安琪仍未奪女歌手金獎。


銅︰今年適逢擺酒辦喜事與開個唱嘅楊千嬅連續幾年三甲不入後，終於今年重返三甲得銅獎。


自08年《囍帖街》開始，阿Kay經理人夏森美與環球高層黃劍濤（Duncan，右）近年共同打造阿Kay成天后，Duncan老婆甘菁菁亦功不可沒。


於今年首個樂壇頒獎禮「新城勁爆頒獎禮」上，容祖兒先拔頭籌拿下5個獎項，而謝安琪（圖）則只有3個，首仗先輸一個身位。


英皇高層吳雨臨尾積極出招，向商台承諾拖馬撐叱咤，令容祖兒於成功冧莊女歌手金獎。


金獎陳奕迅


銀獎張敬軒


銅獎古巨基


金獎RubberBand


銀獎農夫


銅獎野仔



arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄