31歲的廖碧兒近日被踢爆搭上富二代李澤楷表弟林忠豪，進駐對方淺水灣別墅，事後更以勝利者姿態，暗指陳豪放料兼將對方由「好朋友」降格做「人哋」，兩人正式分手。
與陳豪拍拖6年的廖碧兒，一直只當對方水泡，其間不斷暗溝城中富二代，包括空中少爺Dominic Ng、林建岳兒子林孝賢。不過最爆的是，原來廖碧兒06年曾瞞住陳豪，釣過老竇身家過億、楊千嬅老公丁子高，兩人拍拖近一年。
慘被蒙在鼓裏的陳豪，周日（26日）凌晨沮爆自嘲：「我係loser！」又表示不再揀貪錢女人做女友，傷得極深！


入行9年的廖碧兒，05年初同陳豪合拍劇集《心花放》撻着，戀情維持6年，但她原來曾於06年劈腿釣過楊千嬅老公丁子高（Real）。知情者透露：「03 年丁子高同古天樂助手Ronnie合資搞酒吧『1520』，Ronnie不時都會帶啲小生、花旦俾任職公關公司嘅丁子高識，05年尾碧兒透過Ronnie認識丁子高。」
據知一心釣金龜的廖碧兒，其後得悉丁子高爹哋在上海有3間製衣廠，身家過億，即鎖定目標主動出擊。恰巧丁子高亦對佢有意，借自己公關身份，邀請對方出席06年頭的Gucci春夏時裝展兼酒會，其間丁子高對廖呵護備至，未幾兩人便成為秘密戀人。
「07年農曆大年初一，丁子高更帶廖碧兒返屋企同媽咪Susan姨拜年。當時Susan姨對碧兒幾有好感，讚佢靚女又大方，做新抱一流，不過冇耐佢哋就散咗。最初碧兒揀佢，都係貪佢有錢，點知後尾先發現丁子高月薪得兩萬，丁父除咗打本俾佢開酒吧，都冇乜錢過佢手。咁啱嗰陣丁子高同千嬅亦開始醞釀緊，雙方好順利咁和平分手，之後仲係朋友。」

陳豪心死拒復合
周日凌晨（27日），陳豪於九龍城為新劇《心戰》拍外景，全程表現得極沮喪，被本刊記者問及剛過去的聖誕節點過，他淡淡然話留在家裏同家人食飯。記者問他知否廖碧兒曾釣丁子高，他即沮爆說：「唔知！（覺唔覺得自己輸咗？）係呀，我係loser，又點呀？算啦！（有冇聯絡碧兒？想唔想復合？）唔使聯絡啦，過咗去嘅嘢提嚟冇意思，復合機會都好微！」記者問他將來是否會揀唔貪錢、冇機心嘅女仔，陳豪即時笑到見牙唔見眼，點頭默認。他還透露將與朋友合資在馬來西亞搞咖啡店，明年1月會到當地睇舖，寄情事業。
週二（28日），本刊記者到電視城搵廖碧兒回應釣丁子高一事，她即笑容牽強表示：「我唔會再回應！」
本刊致電丁子高，問及他跟廖碧兒的舊情史，他反應極大話：「嗰時佢去咗我負責嘅Gucci騷而傳緋聞之嘛！（但碧兒曾經喺農曆新年到你屋企同你媽咪拜年，你媽咪仲讚佢喎。）佢係我朋友嚟嘅，係經Ronnie介紹識，嗰次佢哋兩個一齊上我屋企拜年。我媽咪係有讚過佢，不過我個個朋友媽咪都有讚o架啦！」最後丁子高表示呢啲花邊新聞，唔需要同老婆楊千嬅提及。

新歡林忠豪緋聞多
32歲林忠豪是匯能燈光主席，專吼圈中女星名模。據知冧女有一手的他，過往曾與諸葛梓岐、盧恬兒、Ana.R拍拖，01年他與亞視女優季軍吳鎧彤拍拖時，更曾於山頂梅道同居。近日有周刊再爆他曾追求周秀娜和莊思敏。本周三（29日）記者致電林忠豪，他說：「雜誌講嗰啲女藝人有啲我根本唔識，有啲就只係普通朋友，好似莊思敏都識咗10年啦，朋友食飯都好平常啫。」不過對於碧兒同過丁子高拍拖，以及與碧兒的關係，佢就落閘話：「呢排好多記者打嚟問我，我真係唔想再回應。」

狂釣金龜
10年︰溝林忠豪
兩周前，廖碧兒到林忠豪的淺水灣獨立屋斷正，事後林被揭是李嘉誠外甥，父親林孝文是中渝置地控股副主席。有報道指是廖主動追求男方，兩人近日頻頻睇千萬豪宅。

冧岳少仔
廖碧兒搭上林忠豪前，有指曾與擁有160億家族資產的林建岳兒子林孝賢拍拖幾個月。今年8月廖碧兒更上林孝賢遊艇玩，證明兩人交情非淺。

08年︰食空中少爺
廖碧兒與加拿大UBC同學兼現職維珍航空的空中少爺Dominic Ng返家密會被斷正，男方家住羅便臣道嘉兆臺，家境富裕。


輸家陳豪被本刊問到對丁子高印象時，居然話唔識佢。記者提到丁與他亦曾經同場出席Gucci騷，他說：「傾偈就叫識，咁識囉。」


對於曾釣丁子高，廖碧兒只一路牽強微笑，拒絕回應。


06年孖住去騷
06年丁子高邀請廖碧兒出席Gucci時裝展，乘機一親佳人，最終得米。《壹週刊》圖片


廖碧兒與丁子高分手後關係友好，丁子高和楊千嬅上周一（20日）擺酒，廖碧兒亦有到賀。



愁爆開工
周日（26日）凌晨，過了一個單身聖誕的陳豪在九龍城拍外景，全晚顯得悶悶不樂，但仍努力拍劇，非常專業。


當陳豪回應完廖碧兒暗釣丁子高一事後，陳豪更顯落寞。


外景當日，仲有邵美琪、楊證樺等演員，不過陳豪心情勁差，跟他們鮮有交流。


《蘋果日報》圖片


周秀娜向記者承認曾和林忠豪吃飯，但又說：「我唔覺佢追我！」


《蘋果日報》圖片



arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄