C AllStar向記者表示自己唔靚仔，只希望將鍾意嘅音樂同fans分享，形象超老正，所以佢哋係大專、中學活動首選嘉賓，梁釗峰話：「我哋唱超過50個騷，實際幾多真係唔記得！」
真身sell歌
人哋派新歌上電台，最多搵宣傳人員，但C AllStar就親身上office，真人sell歌邊唱邊介紹自己，雖然被DJ玩話：「又係你哋，好煩！」結果成功打動班DJ狂plug〈天梯〉。
送碟上門
為答謝fans畀錢買碟，C AllStar人肉送碟，親身做速遞員將CD送上fans屋企，有誠意過「麥麥送」。
主音 黃山怡Kandy
結他 潘雲峰
糖兄妹大碟其中5首歌喺台灣錄，Kandy話：「台灣製作超認真，一首歌都錄成日，唔似香港咁趕！」
朗豪坊駐場
糖兄妹曾經喺朗豪坊唱過半年live，糖妹Kandy說：「當時乜嘢歌都唱過，連兒歌同〈嗶嗶嗶〉都有人點唱，唱咗半年真係攞咗好多經驗，至少識得點執生先啦！」
因為糖兄妹同林宥嘉同公司，所以今年香港個唱，有機會做表演嘉賓，Kandy說：「因為我哋簽咗台灣唱片公司，所以好多機會同佢哋歌手合作，學到唔少嘢o架！」
雖然爸爸秦沛表面唔多撐，但原來私下做埋宣傳人員不斷向圈中世叔伯大讚仔女出碟好叻。
Benji說：「因為我哋首〈Showtime〉喺YouTube hit咗，當時《超級巨聲》助導打畀我哋叫上去踢館，隔咗幾個月先排到我哋上《勁歌》，絕對冇打尖o架！」
全站熱搜
留言列表
