31歲、人稱「維園阿哥」的馬草泥任亮憲，近日桃色醜聞愈揭愈多，除涉及非禮及強姦案，前女友周澄話佢「有其他女友」，其中社民連的19歲女義工黎依嵐更自爆曾被任追求。
馬草泥睇得中當然有料到，據知黎熱愛做model，本刊於網上更發現黎依嵐的龍女靚相，大眼仔索樣果然係嗒得杯落。
不過連周澄都俾人話借機抽水，唔知黎依嵐自爆又算乜呢？


19歲浸大學生黎依嵐（Rachel）今年初加入社民連做義工而認識任亮憲，Rachel日前自認於今年6月曾接受過任亮憲追求，更喺fb大爆：「佢（任亮憲）係追過我，但我哋冇發生性關係。我都希望佢係一個好人，但暫時以我所知，佢唔係！」黎依嵐自爆後，即有傳她便是自稱遭馬草泥車廂非禮嘅B小姐，及後黎依嵐再稱：「我認識第二名報案人，知道她很多事，但我不想再向傳媒說任何事，因為警方展開調查，有可能影響案件。」

大量索相
自爆同馬草泥有關係成為名人，但本刊發現黎依嵐於網上有唔少戴大眼仔嘅龍友靚相，黎又喺網上自稱：「I am a model !」又話自己想「to become a better artist」19歲女原來愛政治亦愛發星夢，有社民連中人便指黎依嵐為人一向熱情：「佢出席率唔係好高，不過平時出親活動都化行妝，影相又識擺晒甫士，講嘢都幾嗲o架，有男會員同佢傾偈，佢都好welcome嘅，又話自己做緊兼職model，都幾受男會員歡迎。」

任亮憲：Merry Christmas
本刊於上週五（24日）致電任亮憲，對於兩人關係，任亮憲說：「唉，關於呢單嘢涉及嘅人太多，唔再講喇，唔好問啦！Merry Christmas！」但身為立法會議員兼社民連成員的長毛就話：「我冇乜留意佢（黎依嵐）喎，唔覺黨內有靚女，佢話同馬草泥有關啫，都唔知係咪真嘅！」長毛唔覺有靚女，咪留番畀馬草泥發掘囉！

社民連街頭刮索女
以長毛及黃毓民帶頭的社民連多靚女成員，除咗黎依嵐外，又有「翻版張栢芝林采薇」全因社民連愛於街頭派傳單拉兵，好似林采薇就係收到傳單後主動申請加入，想入會攞正牌就要填表申請，不過原來做義工就簡單好多，本刊致電社民連詢問，職員陳先生說：「只要上網見到我哋啲活動自己到場就得，你可以留個e-mail畀我哋，到時我哋發通知，你show up就得。」

馬草泥桃債混亂
馬草泥任亮憲被指溝盡政壇新女，醜聞一出後，多位任亮憲緋聞女友即時現晒形，其中承認同馬草泥拍過拖的新民主小女神周澄更加鬧得最狠，睇嚟馬草泥堆桃花債有排還。

民主女神　周澄瘋狂數臭
曾以「大專2012幹事」身份於今年參選5區立法會新界東補選，有民主小女神之稱的24歲周澄，公開承認同馬草泥曾於去年五區公投運動後撻着，周澄稱「覺得佢個人幾鹹濕」又話馬草泥隱瞞自己已婚方便溝女：「佢原來未離婚，又有其他女朋友，真係幾得人驚！」愈爆愈多料。

政圈栢芝林采薇　敬而遠之
除周澄外，有社民連栢芝之稱的社民連行政委員會成員林采薇，亦有傳同馬草泥過從甚密，但其後林強調馬草泥並未對他作出追求，但25歲的林采薇卻指馬草泥已「臭名遠播」，所以自己一向「敬而遠之」。

民主黨小百合鄭莉莉　劃清界線
自從馬草泥被爆專溝政壇新女後，有民主黨小百合之稱的鄭莉莉亦被拉上關係，但其後小百合發表聲明，稱自己跟馬草泥並冇發展過，但就喺聲明中寄語從政者要「謹言慎行，潔身自愛。」


身高167cm，體重135磅的19歲浸大生Rachel戴藍色大眼仔瞓地任影，唔怪得網友都話想仆倒入社民連啦！


除咗fb，Rachel仲將自己疑似半裸黑白相放上專畀model留言的Model Mayhem網站，又自稱「I am a model!」恨做model出晒面。



Uwants爆料
以網名rachellai0425自稱的黎依嵐，連日來喺Uwants自爆被馬草泥追過外，仲話等馬草泥呢一日等咗半年，莫非因愛成恨？



微博稱失戀
雖然Rachel喪鬧任亮憲，但原來8月時Rachel曾喺微博隱晦話：「他已經不是我的」，似乎有所暗示喎。


fb踩兩腳


唔好問啦。(真實對白)


癲狗合照
Rachel將同毓民嘅合照放上fb，仲似足毓民火爆喪鬧任亮憲：「邪不能勝正，衰人有天收，佢最好坐10年8年喺獄中度過啦！」


社民連熱衷街頭運動，亦愛喺街頭招兵，對於吸納唔少索女入黨，長毛就話：「我唔覺黨內有靚女。」《蘋果日報》圖片


佢同一時間呃住幾個女仔，我覺得好唔舒服。(真實對白)




arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄