同樣model出身嘅林志玲、阮經天，成為同志眼中求卵/精做人目標，一個大方得體，一個係金馬影帝，用嚟配種，一流！

性能力強
有錢人借肚生仔，好事成三話咁易，使唔使承擔法律責任暫時未知，不過最近「台灣同志家庭權益促進會」，就向1,200名男女同性戀者進行調查，問題係：「你/妳想借誰的精子、卵子生小孩？」
其實台灣未婚人工受孕，同香港一樣唔合法，但同志組織希望借今次調查，能夠向當局表達同性戀者渴望有小朋友組織家庭，希望借肚生B合法化。
至於調查結果，「最佳精援」第一位，係早年曾經傳出包養王力宏嘅裕隆汽車集團董事長嚴凱泰。已婚並育有一女嘅嚴董，得獎原因除咗生得靚仔，IQ、EQ亦兼備；排第二就有啱啱攞到金馬影帝嘅阮經天，入選原因相當離奇，事關小天早年被前度女友爆料，指佢性能力異於常人，被訪者希望將來小朋友好似小天咁「精壯」；至於第三位，就係同周汶錡公然啜嘴嘅男模高以翔，得獎原因當然係靚仔高大，同佢乳頭大細絕對無關。

總統失威
講完精子，「最佳卵助」三甲，第一位係名模林志玲，認為佢天生麗質又夠聰穎，DNA質素超晒班；而第二位係天后張惠妹，由於佢性格熱情充滿活力，任何一個父母都希望自己嘅小朋友得人鍾意；至於第三位由小S當選，活潑精靈頭腦機靈係佢打入三甲嘅原因。
卵又好，精都好，得獎人大部分都係明星，政界人物似乎唔多啱口味，尤其係總統馬英九，雖然馬總統高大靚仔又有學識，但受訪者一致認為「太呆板，我怕小孩有這樣的遺傳。」痴痴呆呆坐埋一枱，唔生好過生囉！

台男易服癖
男人有易服癖、鍾意戴胸圍着絲襪扮女人，莫講話見到，聽到都打冷震，不過當男主角換成圈中俊男型仔，居然全城叫好叫索！
頭號絕色佳麗有小豬羅志祥，佢曾經真人示範戴假髮化妝易服比Jolin更加索，今次利用科技移花接木，加大眼仔再黐假眼睫毛，簡直靚爆燈。小豬更將玉照公開，聲稱相中人係「失散已久的妹妹」。
家有靚妹，小豬老友主動問攞電話，有人護妹心切，幫手請食檸檬：「她很高喔！你要追嗎？想要追請報名喔！」
除咗小豬，易服索爆仲有近年鍾意留鬚嘅李威。
話說李威前度女友陳怡蓉，早前公開一張金髮美女照片，更語帶雙關話：「不可思議！『她』曾經是『他』喔！」
雖然無指名道姓，但好快俾人認出係李威，講到舊愛係人妖，李威透過經理人解釋，當日只係同化妝師一時貪玩扮女人，無諗過私藏玉照會俾前度女友公開喎！好玩唔玩走去扮女人，打埋排球吖嘛！


No.1


No.2


No.3︰乳頭大細只係其次，最重要係高以翔生得高大靚仔，打入精選三甲意料中事。


No.1︰早年有台灣主持人爆料，話裕隆董事長嚴凱泰同王力宏秘密去日本。呢段緋聞……唔怪之得攞第一。（台灣《蘋果日報》圖片）


No.2︰張惠妹响同志界別一向多fans，佢過往嘅作品，都能夠唱出同志心聲，佢嘅天后卵，更加受歡迎。


No.3︰個人唔明點解小S會排第三，試諗吓！自己個女成日駁嘴駁舌，見到靚仔就撲埋去攬，我寧願生叉燒！


Out︰馬總統一向有師奶殺手稱號，可惜調查對象係同志，唔啱channel，出局！



小豬真人示範易服挑戰Jolin，邊個索啲？大家有眼睇！


卡娃依
大眼仔假眼睫毛，仲要加多朵夏威夷花，小豬扮女，索過王祖藍，呃得吓人！


反面教材
唔係個個扮女都可以艷壓群芳，吳奇隆呢個小丸子look，真係想埋去摑佢兩巴！


朱唇誘惑
金毛襯綠色眼影，加埋粉紅櫻唇，老老實實，我真係認唔到佢係李威囉！



美人生鬚
潘瑋柏見到小豬扮女，於是戴假髮扮埋一份，可惜一頭亂髮鬚又唔剃鬚，俾人鬧人妖，但潘瑋柏堅持：「真正的女人味！」嘔咗！



Lady瓜瓜vs如花二代
科技發達，fans想偶像扮女人㩒個掣就得，同阿Sa合唱《小酒窩》嘅林俊傑，被fans惡搞變成Lady瓜瓜，不過最反胃都係黃曉明，仲醜過如花呀陰功！


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄