寶馬 X5啱啱 Facelifted版改款，加入 Turbo後的 35i已如脫胎換骨，好玩非常，令人更期待實戰更高規格的 50i。走入相思灣，村路又窄又斜，不但難唔到大牛龜 X5，就算上落誇張斜路，都只係吊住千零轉，順滑又好彎，仲輕鬆過揸日本車仔。記者：徐影龍攝影：譚盈傑Model： Hazel@GME ModelsHair： Chin G
其他副刊影片 舞大車一樣悠閒 放大圖片 
■電子波棍及 iDrive仍在熟悉位置，就手好用。
早排試 X5有成 306匹嘅 35i，唔會錫住嚟揸，飛砂走石周圍劈，今次換上馬力足足大 100匹嘅 50i，當然加重力度，搵齊唔同路面環境去狠試狠劈。 50i跟 35i一樣，偏向頗大肌肉型，霸氣橫溢，但四條專屬 19吋胎軨及一對方形雙出式隱藏尾喉，令人一望就知係最頂級嘅 50i。
放大圖片 
■改款後更具肌肉霸氣感，前方網狀欄柵更令 X5充滿動感。
放大圖片 
■ 4.4L V8配上最新 TwinPower技術，馬力驚人耗油有驚喜。
放大圖片 
■黑、啡真皮互襯，再搭金屬飾邊，感覺相當豪華得體。
放大圖片 
■ 360度距離偵測，再加 270鏡頭監察，好易舞得掂 X5。
窄路窄彎頗靈活
X5 50i車櫳闊落得像一架豪房，故車身體積點都有番咁上下。咪以為咁大架車只適合行公路，玩完大清轉落相思灣，入到村，雖然路窄彎更窄，不過 X5實在太易睇位，毋須刻意偷位轉彎，加上全車 360度距離偵測，偶爾遇到亂泊街車凸出路面，都有聲響提醒迴避，連踩過高高減速壆位，都唔覺太大震動，懸掛調度得相當恰當，整段下坡道，就如揸緊 MINI咁靈活。
放大圖片 
放大圖片 
放大圖片 
試車時先走一轉大清，路面順暢無乜車，除咗特意試起圍爆炸力，踩高轉數令 Turbo介入玩推背外，全程輕輕鬆鬆，足以掂住道路限速疾駛，爽快順暢到不得了。
放大圖片 
遇着稍急彎路，毋須踩 Brake，只需放油門溜入， 8速波箱聰明地自動拖低兩個波，保持足夠轉數，讓你喺彎心再畀番油，順利應付一堆彎路。咁大架車可以揸得咁悠閒，都算少見，這全靠 DSC動態穩定系統及四輪驅動，同車 Model仲可以補妝兼打 iPhone Game，證明 50i有幾舒服及穩定。
千零轉上山無吵聲
相思灣正值潮漲，掩蓋晒沙灘雜亂之物同垃圾，視野景觀可謂全年最靚。泊低 X5，攝影師從偌大尾廂中拿出器材，忙着度位拍攝，靚女 Model就坐喺 X5獨有嘅尾廂矮門上，吹着海風欣賞美妙海景，呢個時候，你會覺得高級車是物有所值的。斜陽徐徐落下，回程時爬山上番路面， 50i憑住 600Nm強大扭力，幾斜嘅路一樣應付得毫不氣喘，靠着 8速波箱迅速配合，基本上吊住千零轉已足夠，又快又慢咁上山，都唔會聽到引擎高轉嘈吵聲，整天試車之旅，愜意得如放假遊車河一樣。
放大圖片 
放大圖片 
■尾門可調校高度之餘，下方矮門更可打開，方便搬運龐大物件。
BMW X5 xDrive 50i
引擎： 4,395cc V8 Turbo馬力： 407hp/5,500-6,400rpm扭力： 600Nm/1,750-4,500rpm傳動： 8速 Steptronic+/-波箱售價：$978,000查詢： BMW HK（ 2714 5271） 
■同新 5系一樣，頂級版配有專屬胎軨，一望就認得。
留言列表
