棄代母計劃　做體外養卵　爆李嘉欣懷孕內幕忽然1周 797期 @ 娛樂八掛大分享☆

10月 19日巨肚銀
當日，佗住 5個多月「亨種」的李嘉欣，身形圓潤不少。肥了 12磅的她亦說：「我已經望唔到自己隻腳。」睇怕呢次應該係佢臨生前最後出席的一次活動。"
封面故事
棄代母計劃　做體外養卵　爆李嘉欣懷孕內幕
2010年11月05日
做豪門新抱唔易，自從李兆基長子李家傑搵代母誕下三胞胎兒子後，徐子淇即刻要站出來大聲疾呼，話要生到有仔至收工。更何況身為許家九代單傳許晉亨的妻子李嘉欣，佢話冇壓力就呃你。
40歲的李嘉欣，儘管曾發表過「搵代母」及「結婚唔包生仔」言論，但自從去年家姐李嘉明大肚後，她亦受感染積極造人。本刊收到可靠消息，一直不肯承認是人工受孕的李嘉欣，其實是去年尾由養和副院長陳煥堂操刀，為她做體外養卵，即「未成熟卵子體外培養」，終於成功懷亨種。
近日，許晉亨在愛巢曉廬加建 BB房，日內將會大肆裝修。為免影響老婆，他已安排好新竇給老婆住，讓她安心養胎。
李嘉欣今次能夠順利懷孕，不得不多得兩位幕後功臣，一個是她家姐李嘉明，另一個是養和副院長陳煥堂。原來，結婚之初，李嘉欣甚抗拒生仔，所以每次提到幾時為許家繼後時，她都大耍太極，更曾對傳媒話與老公未計劃生育：「覺得他（許晉亨）唔太鍾意小朋友」，又話老爺奶奶開通，冇逼佢生仔。不過，自從她家姐懷孕，經常陪家姐到養和驗胎及聽講座的李嘉欣，亦深深感染家姐做母親的喜悅，令她對生仔一事重新計劃。

準媽媽李嘉欣為保「亨 B」安全，出席活動時最少有 4名保安護駕。

秘入養和
兩個月前，許晉亨陪李嘉欣到養和探家姐及剛出世的姨甥仔，自己亦順道做檢查。

代母計劃告吹
「嘉亨」愛巢曉廬，正準備裝修 BB房，迎接 BB出世。

09年曾發表過「搵代母」言論的李嘉欣，當時話：「將我的 DNA與另一半的 DNA放入代母身上，但都是自己的。應該搵香港人（代母），唔會搵外國人。」其實此言論絕非貪口爽，知情者表示︰「其實 Michele（李嘉欣）真係諗過喺美國搵代母生仔 o架。佢兩夫妻上年到美國旅行嗰陣，仲特登搵過當地嘅醫院同律師，了解搵代母生仔的程序。不過，最後請示許氏兩老時，老人家就好反對，有人仲話咁樣生仔『好離譜』囉。」
原來，一向事業心重的李嘉欣，當初曾打算找代母替自己生仔，除了是怕懷孕令身材走樣外，最重要是因為工作關係，避孕多年的她亦擔心自己成孕機會不高。不過眼見年紀比自己大 3年的家姐李嘉明能夠成功懷孕，終於母憑子貴，冧掂老爺嫲嫲讓她入門，下嫁顧毅勇。嘉欣有見及此，亦萌起生育計劃。
今年 4月，正暗中做緊「體外養卵」的李嘉欣，被問到可接受人工受孕，她亦鋪定後路話：「過幾年有需要先，暫時就 OK！」 9月中，她出席活動時，被問到婦科醫生時，亦自爆話：「我睇開嗰位醫生姓陳，睇佢超過十年。」
養卵花廿萬
知情者話︰「今年 1月，李嘉欣到養和檢查身體，並進行了一次抽卵子化驗，陳煥堂醫生認為她的卵子質素 OK，於是便建議佢做體外養卵（未成熟卵子體外培養），因為呢種方法嘅受孕機會高過一般體外受孕。不過， Michele都唔係一擊即中，佢要做第三次至成功，總共用咗近廿萬。」
自從宣布懷孕以來，李嘉欣不停出席活動繼續銀，至近日才表示要個肚大到站着見唔到腳趾才停工待產。老公許晉亨亦十分緊張，不但下令老婆停工養胎，近日更積極籌備裝修，在愛巢曉廬為金叵羅建 BB房。而一直是傳媒焦點的李嘉欣，為免有差池，除探姨甥仔外，亦甚少外出。

5月，李嘉欣陪家姐到養和婦檢，當時，她已經在養和秘密進行體外養卵。

今年的萬聖節，嘉欣無懼大肚忌諱，在微博中暗示自己參加萬聖節 party。

避裝修搬竇
「 Julian（許晉亨）依家物色緊地方，暫時將老婆 Michele（李嘉欣）搬離曉廬，於港島區一個新竇收埋老婆休養，仲將架豐田保母車改咗個新車牌，方便老婆避開傳媒。因為呢個月開始，間屋會大肆裝修， Julian打通咗兩間客房用來造 BB房外，仲將偏廳改建成一個小型兒童樂園同圖書閣。佢話希望將來可以抽多啲時間，同自己嘅小朋友一齊玩一齊讀書。」至於 BB房外的設計，大部分由媽咪話事，李嘉欣指定 BB房顏色以柔和的粉藍為主調，全房擺滿公仔外，連牆紙都指定要卡通公仔。
「歷盡艱辛」終於得咗，加上李嘉欣早前自爆 BB出世後可以着「表哥」的衣服，暗示佗的是男丁。這位億萬富豪後嗣小亨 B，未出世已經帶挈媽咪與爺爺嫲嫲關係修好，有傳許世勳為了獎勵新抱生仔有功，更送上 5億作禮物，又一個母憑子貴。
廣告價倍升
婚後的李嘉欣已甚少在幕前演出，佗 B後的嘉欣，雖然閒時只接廣告及剪綵，但 BB腳頭好，令媽咪吸金能力強，宣布懷孕後一樣有錢搵，連接三個活動。嘉欣的廣告價亦由二百萬增至五百萬，她亦自爆目前已有纖體廣告商以七位數字利誘她拍廣告，就算做了媽咪，一樣錢途無限。

時間　活動　酬勞
19/10　〈 Leica Love Project〉揭幕儀式　 25萬
20/9　〈新浪微博一周年童鞋星級禮〉活動　 15萬
7/8　 Harlan's高級日本料理店開幕　 20萬
合共︰ 60萬

3個月準媽媽李嘉欣，暫停幕前演出，閒時只出席宣傳活動賺奶粉錢。

4個月
自認「貪靚精」嘅李嘉欣，出席活動時，仍繼續着 3吋高踭鞋。

微博玩自爆
李嘉欣的家姐李嘉明產子後，嘉欣對住精靈姨甥仔愛不釋手，母愛氾濫，不時在微博晒 B照。

10月 12日
趕去睇 BB

10月 20日
母愛氾濫

10月 22日
專業大肚照

10月 25日
笑着回味

10月 26日
洋葱圈當午飯

10月 28日
放別人大肚相

10月 29日
亨亨陪散步

11月 2日
姨甥變小男友

未成熟卵子體外培養 50萬造 B
40歲高齡的李嘉欣，去年尾接受養和醫院副院長兼婦產科主管陳煥堂醫生推薦，做「未成熟卵子體外培養（ IVM）」，終於成功懷有「亨種」。
一般的體外受孕是先在母親打排卵針，然後再將卵子抽出，再經受精成胚胎，然後再「植入胚胎」，至於未成熟卵子體外培養，與一般體外受孕的分別，是病人毋須使用排卵藥，只要在母體抽取卵子在體外培養，省略了打排卵針引起的副作用（如卵巢積水等）。
過程是先從陰道取出未成熟卵子，放到特殊的營養液中培養，經過一至少兩天後便會成為成熟卵子，再進行受精培養成胚胎後，然後植入母體。
養和體外受孕中心發言人表示：「不成熟卵子體外培養雖然比一般體外受孕成孕機會較高，但母體的卵子一定要有番咁上下質素至得，而每月只能做一次，失敗後要下個月才抽卵子再做」。而體外培養未成熟卵子的費用每次約 7萬，但因為李嘉欣連續做了 3次，合共約廿萬。

李嘉欣曾自爆其婦科醫生姓陳，原來就是養和副院長陳煥堂。

養和有個體外受孕中心，一條龍全套服務。《蘋果日報》圖片

39歲的黎姿，去年做一般體外受孕，打排卵針進行「胚胎植入」，今年 7月為丈夫馬廷強誕下孖女。

養和醫院 37樓的秀群套房，面積達二千呎，日租 1萬 6千 8百元，呂麗君亦曾入住此房生仔。《蘋果日報》圖片

BB病室嘅 BB房保安系統森嚴，十分安全。《蘋果日報》圖片

李嘉欣養和造 B收費
未成熟卵子體外培養︰ 20萬
秀群套房： 1.68萬 X 5= 8萬 4千
醫生費： 20萬
麻醉師費： 2萬
藥費： 5千
伙食及雜費： 8千
合共： 51萬 7千

李嘉欣懷孕內幕放棄代母計劃做體外養卵

李嘉欣
40歲的李嘉欣盡管發表過“結婚不包生子”言論，但自從去年姐姐李嘉明懷孕後，她也深受感染積極懷孕。據收到可靠消息，一直不肯承認是人工受孕的李嘉欣其實是去年底由養和醫院副院長陳煥堂操刀爲她做體外養卵，即“未成熟卵子體外培養”，終于成功懷孕。

近日，許晉亨在愛巢加建嬰兒房，日內將會大肆裝修。未免影響老婆，他已安排好新家給老婆住，讓她安心養胎。