亮燈儀式排位見地位，愈企得埋六叔愈得寵，除 Lisa姐、 Do姐外，企得最近嘅係鄧萃雯、黎耀祥、陳豪和佘詩曼， 4個珍姐黨贏晒；反而 Tommy黨企得最近嘅只得林峯。"
企得耐
亮燈鬥排位 爆 TVB變天預言
2010年10月20日
週一（ 18日）無綫台慶亮燈，力捧小生花旦盡出企靚位，除幕前各人爭獎爭上位，高層亦權力鬥爭。無綫劇集製作部一直由珍姐（曾勵珍）同 Tommy（梁家樹）話事，各有地盤，二人鬥足十幾年，下年終於有了斷。
據知珍姐將會全權控制戲劇部，而 Tommy就調去邵氏電影。珍姐一統天下圓多年心願，心情 high爆，上月挽留一名 PA（助理編導）辭職時，除安撫外更爆驚世變天預言：「半年後呢個世界唔同晒！」暗示下年全面控制戲劇部。嘩！ 2011年 2月珍姐玩晒，呢場戲肯定好睇過節目巡禮劇集啦！
珍姐（曾勵珍）同 Tommy（梁家樹）的恩怨，要數到十幾年前，當時電視城仍在清水灣，據知當時劇集製作部珍姐打晒骰，但之後發生「分家」事件，一分為二；另一邊由 Tommy接管。珍姐由大權獨攬變削一半權，呢啖氣珍姐一直頂住多年。
降呢
胡定欣
陳敏之
缺席
黃宗澤上海拍劇
廖碧兒拍《依家有喜》
楊怡拍《真相》
馬德鐘佛山登台
米雪
一統天下
但自從上年邵氏重開電影，加上《 72家租客》大收，變數就出現。據知方小姐希望拍電影出身的梁家樹，專心打理邵氏電影，加上論劇集質素近年以珍姐派佔上風，由佢一人掌管絕對冇問題，所以近幾個月內部一直有傳珍姐將會一統天下。
消息透露，上月一名 PA（助理編導）請辭，過往普通 PA辭職，最多由監製作挽留，但這次珍姐卻破例出口，令一眾幕後頭，而該名 PA遞信時態度去意已決，但之後竟留任，原來珍姐講出變天預言。
知情者說：「當時珍姐同佢講：『你收番封辭職信啦，忍吓先，半年後呢個世界唔同晒！』呢個預言搞到珍姐嗰邊個個開晒香檳； Tommy嗰邊就嚇餐死，驚冇得撈！」
週一（ 18日）台慶亮燈儀式，珍姐否認得嚟唔係好堅決，佢話：「（有冇講過預言呀？）邊個話？梗係傻 o架！（半年後你睇晒劇集部？）嗱！傳啫！我冇講過呀，我唔知。」而曾傳與珍姐亦鬥到七彩的樂易玲，今次竟撐珍姐，佢笑住話：「冇聽過喎。佢睇晒？係咪幾好囉！」係咪心嗰句？《讀心》姚 sir都好難估喎！
'09
上年巡禮以《宮心計》和《富貴門》做膽，兩劇主角企第一排，今年得番阿佘繼續企第一排。
同四大唱片仲未講掂數，無綫一於靠自己，所以頭陣有《巨聲》、福祿壽壓軸唱舊歌，成班演員喺背後做布景板。
亮燈儀式之後打頭陣表演唔係小生花旦，反而係巨聲一二幫，而備受力捧用到佢盡嘅林欣彤，亮燈時更企第一排，雖然最側，但都破天荒啦！
珍預言︰你忍吓先！半年後呢個世界唔同晒！
自從珍預言一出，即令整個製作部地震，珍姐派當然開心，連想辭職嘅都唔遞信。
珍姐玩晒
亮燈儀式開始時二人排排坐，一散場各自走，問到分家一事， Tommy笑容有啲尷尬，反而珍姐風騷笑住否認。
未聽過，冇啲咁嘅事。(真實對白)
傳啫！(真實對白)
林峯︰冇聽過呢個預言， Tommy哥帶我出身，佢做乜都撐，不過好多謝珍姐，冇佢嗰幾套劇，我冇今日。(真實對白)
吳卓羲︰冇聽過，但係作為上面安排，我哋做下屬當然聽公司指示。(真實對白)
陳豪︰權力鬥爭嘅嘢，我哋呢啲理唔到，做好自己啦！(真實對白)
鍾嘉欣︰呀……冇聽過我唔知呀！我唔 comment o架！珍姐呢，我點都會撐，因為珍姐對我好好。(真實對白)
樂小姐︰冇聽過，係咪幾好囉！(真實對白)
楊怡下年最多劇
嚟緊除咗睇視帝、視后爭獎，仲可以率先睇 11年有咩劇上。暫時估計有 16套播映， 10套時裝、 6套古裝，其中以楊怡最多劇，有 4套之多；小生方面就分布平均，各佔兩套，黎耀祥孭飛嘅《大太監李連英》、《法政先鋒》就最重頭。祥仔話：「《法》劇就一定拍，不過係做法醫，唔係做差人，至於《李》我都一頭霧水，我連邊個監製都未知，巡禮啲劇變數好大。」
《拳王》
鄭嘉穎以 skin head造型飾演自由搏擊拳手、鍾意打交打到連老婆（徐子珊飾）大肚都唔理。
《回到三國》
馬浚偉扮關公、黃德斌扮呂布、陳法拉扮小喬，吳卓羲打打吓機入咗三國世界，同日本漫畫《龍狼傳》橋段一樣。
《荃加福祿壽探案》
福祿壽今次唔係做騷，而係同阿姐玩 60年代查案，有啲似當年《難兄難弟》。《壹週刊》圖片
《萬凰之王》
《宮心計》翻版，又係講宮廷鬥爭，佘詩曼變咗宣萱，楊怡變咗胡杏兒，級數好似差少少。
《超級巨聲 3》
監製麥鎮東話：「《巨聲 3》下年年中先搞，首要任務係幫許廷鏗、林欣彤出個人大碟。」
楊怡
《不速之約》
《點解阿 Sir係阿 Sir》
《真相》
《大太監李連英》
林峯
《不速之約》
《花花世界花家姐》
吳卓羲
《法證先鋒 III》
《回到三國》
《抉宅男女》
《點解阿 Sir係阿 Sir》
黃宗澤
《大太監李連英》
《女拳》
陳法拉
《回到三國》
《女拳》
陳豪
《點解阿 Sir係阿 Sir》
《心戰》
再爆《義海豪情》劇情 麥包勾義嫂
《義海豪情》首週播映，呢個星期除咗睇九姑娘（鄧萃雯飾）有幾惡、排骨仔（敖嘉年飾）有幾慘之外，另一條線劉醒（黎耀祥飾）同佢老婆趙冬妮（江美儀飾），仲有梁非凡（麥長青飾）嘅三角關係，就係下週 6至 10集重點。第 8集奸佬麥包除咗喺江美儀面前數臭黎耀祥外，仲要灌醉江美儀，之後帶佢去公寓爆房，結果俾黎耀祥捉姦，嬲到要開槍射麥包。最後都係要雯女幫手，終於搞到麥包要踎監。雯女話：「我最深刻係我同心姐爭煙館話事權，嗰場有過百門生企晒喺度，啲氣氛同對白好正！」
麥包藉口幫祥仔復職，約江美儀飲嘢之後仲帶佢上公寓爆房。
祥仔跟蹤老婆，之後仲撞門捉姦，點知麥包爬水渠走咗。
麥包搞祥仔老婆，最後雯女出手，搞到麥包坐監。
必睇！法拉獻身日軍
上星期《義海豪情》宣傳造勢，其間播出宣傳片，片中最搶要數陳法拉除衫獻身日軍救家人，雖然只係露膊，不過意識就相當大膽，法拉就唔係好想大家着眼點喺呢場戲，佢話：「嗰場戲其實好慘 o架！希望大家唔好只留意女演員嘅身體，劇情、演技大家都要留意，因為大家做得好辛苦！」
法拉 23集獻身日軍，不過最後都冇俾日軍佔便宜，因為劇情講個日本軍官（戴耀明飾）見法拉唔自願，唔想強迫佢，之後放走咗佢。嘩，同歷史講嘅日軍好大出入喎！
TVB台慶亮燈小生花旦鬥排位 高層爆變天預言
10月18日TVB台慶亮燈，受力捧的小生花旦占盡靓位，除幕前各人爭獎爭上位，高層權力鬥爭也加劇。TVB戲劇制作部一直由曾勵珍與梁家樹掌管，各有地盤，二人鬥足十幾年，明年終于有了了斷。
留言列表
