秋天到，想型啲揸架開篷車出街兜兜風，與大自然來個近距離接觸確係幾爽！不過香港人精打細算，夏天嫌熱，冬天嫌凍，一年開篷次數有數得計，但心癢癢想過下手癮，買架二手開篷車反而更實際。今次除介紹幾款靚仔二手開篷車外，仲搵埋專家醒你揀開篷車貼士，齊齊做個精明車主。記者：趙慧敏攝影：陳盛臣Model： Ling@Zmodel
其他副刊影片 Micra C+C Cute味型男 放大圖片 
開篷車永遠同型字掛鈎，今時今日開篷唔止型，仲可以 Cute得起！呢架日產 Micra，大家可能覺得熟口熟面，其實 Micra是 March的兄弟車，正式名字是 Micra C+C，即是 Coupe＋ Convertible，雙門與開篷車的混合體。雖屬 07年車，但完全沒過時感覺，最煞食之處莫過於一身 Cute爆兼圓碌碌的車形，唔使開篷已搶晒鏡，雖屬電動硬頂，不過流線型的車頂以天幕玻璃設計，就算唔開篷都夠開揚。內櫳亦貫徹可愛造型，中控台設計雖簡約，但大部分按鈕均以圓形為主，與車身襯到絕。配備方面可能較輸蝕，因採用 1.6L偈，只有 110匹馬力，不過牌費畀多啲，可能覺得唔化算，既然揸部開篷車都為求型，就無謂咁計較啦！
放大圖片 
■眼仔睩睩甚討人歡心。
放大圖片 
放大圖片 
■中控台夠簡約，合乎車仔風格。
放大圖片 
■硬頂屬天幕設計，唔開篷都夠開揚。
放大圖片 
■開篷 22秒搞掂！
放大圖片 
日產 Micra C+C引擎： 1,597cc年份： 2007年行車里數： 3,500km手數： 0手售價：$149,000查詢： 2877 6700（富利堡汽車）
BMW 325Ci Cool味型男 放大圖片 
寶馬的開篷車較適合穩打穩紮的你，這款黑色 325Ci屬電動軟頂設計，落雨都唔使自己動手關篷咁狼狽。內櫳以黑色為主，襯埋黑色車身， Cool味甚濃。配搭一副 2.5公升偈，加上屬加減波設計，不失駕駛樂趣。
放大圖片 
引擎： 2,494cc年份： 2005年行車里數： 35,869km手數： 0手售價：$218,000查詢： 2262 1118（大昌行易手車）
BMW 318Ci抵玩型男 放大圖片 
如果覺得十幾二十萬的開篷都偏貴的話，十萬以下的開篷車就抵玩得多，好似這部 318Ci屬軟篷設計，除年份稍高外，與 325Ci如孖生兄弟般，不同之處是配搭較輕量級的 2公升引擎。
放大圖片 
引擎： 1,995cc年份： 2001年行車里數： 68,902km手數： 0手售價：$99,000查詢： 2262 1118（大昌行易手車）
買開篷車睇緊啲軟篷易浸水 放大圖片 
■大昌行易手車部經理楊永康 Lawrence
一般人覺得買開篷車都很煩惱，就是漏水問題， Lawrence話：「硬篷的漏水機會相對較低。至於軟篷，雖然現時多採用三層隔水物料製造，漏水機會相對降低，但假如遇上暴雨，或軟篷使用時間較長，縫合位置便有機會出現滲漏，而雨水大多沿 A柱位滲漏，遇到這情況便要回廠維修軟篷。」
放大圖片 
■開篷車的 A柱位最容易出現滲漏。
放大圖片 
硬篷隔熱隔音 放大圖片 
■硬頂隔音及隔熱相對較佳，不過佔用車尾箱不少空間。
其實硬篷軟篷各有優缺點，硬篷佔用空間較多，車尾箱空間所剩無幾，不過漏水機會就較低，而隔音及隔熱程度都高過軟篷。軟篷佔用位置較小，亦較輕身，車身負重較小，至少可以慳番唔少油費。
鉸位要識唧 放大圖片 
■得閒用潤滑油滋潤一下鉸位，開關篷頂都暢順得多。
唔理係軟篷定硬篷，用得耐鉸位都會老化，開關篷時會卡住或者唔暢順，所以平日最好唧啲潤滑油上去，咁咪順晒囉！另外喺啲膠邊上亦要定期塗上膠邊水，避免膠邊硬化，保持柔軟度。 
留言列表
