婷婷好受喎！（設計對白）
你兩個啲嘢我唔想知！（設計對白）"
娛樂頂點
揭安志杰李玟曾拍拖 謝婷婷扮儍：我唔知！
2010年10月15日
大方公開戀情的謝婷婷與安志杰(Andy)，無論人前人後都愛得如漆似膠，十分癡纏。不過安志杰原來曾因太黐身而被女飛，對方正是將於明年下嫁億萬總裁 Bruce的李玟(CoCo)。
據知兩人於 02年拍 MV時秘密撻着，之後安志杰即對李玟陷於癡戀狀態，要求日見夜見，最終李玟因難頂男方過份黐身而決定斬纜。安志杰愛情重創，終日借酒澆愁。對於男友曾癡戀李玟，早已知情的婷婷竟然扮傻話：「我唔知！」至於前女友李玟，難得沒有否認之餘，還祝福安志杰，非常大方！
安志杰與李玟的地下情於 02年發生，當時男方在港發展麻麻，被經理人公司中國星送到台灣發展。同年已貴為國際歌手的李玟碰巧回台灣出唱片，並在公司安排下找來安志杰擔任〈有你就夠了〉 MV男主角，兩人因而撻着。
MV內容講述已是巨星的 CoCo，因為生活苦悶喬裝出外，與正在行街的安志杰火速撻着，可惜戀情被狗仔隊發現， CoCo為了不想男方承受公眾壓力而提出分手，但最後終被安志杰留住。現實中，安志杰與李玟早在美國洛杉磯時已認識，李玟又在台灣捱過，相似背景令兩人走在一起。但 CoCo當時事業如日中天，兩人只能發展地下情，與拍攝的 MV何其相似，只是現實結局並不一樣。
原來安志杰外表雖然花弗，但對感情非常專一。知情人士說：「 Andy（安志杰）一拍拖就好認真，講一生一世，好想俾人知。但 CoCo事業心好重，當年隻身由香港走去台灣，經過一番努力先出頭。之後 CoCo唱電影《臥虎藏龍》主題曲喺美國聲名大噪，之後喺中國發展又唔錯，當時佢點會公開拍拖。」
你咁黐身，我頂唔順！（設計對白）
對於與 CoCo的一段情，安志杰在回應時顯得非常尷尬。
婷婷回應男友安志杰曾與李玫拍拖時表示不知情，令人難以相信。
失戀狂劈酒
除了專一，安志杰亦極度黐身，這成為他與李玟的分手導火線。知情人士說：「 CoCo同 Andy拍拖初期成日對住都好 sweet，但半年激情過後就開始淡，但 Andy仲要成日見。加上個時係 CoCo搏殺期，成日要飛嚟飛去，邊有咁多時間陪男友，結果咪成日鬧交。最後尾 CoCo覺得長痛不如短痛，索性提出分，拍拖一年就玩完。其實 CoCo大把有錢人追，點會同 Andy一生一世！」
癡戀最後換來被撇，安志杰受唔住打擊，終日借酒澆愁。知情者說：「安志杰好口密，佢淨係同朋友講同 CoCo拍拖，其他嘢佢絕口不提。所以就算失戀，都只係搵朋友陪佢晚晚劈酒，飲足 3、 4個月。不過就算佢點醉點唔開心，都冇講過一句 CoCo唔好，只係好傷心不停咁喊。之後佢好多年都冇拍拖，直至 08年先同婷婷一齊。」
李玟大讚合襯
對於曾與安志杰拍拖，李玟在電話中未有否認，還大方祝福安志杰和婷婷，「私人事我唔想回應，但我知道佢依家同婷婷蜜運中， I wishing them all the best and they look really good together！」但婷婷對男友舊戀情則表現避忌，一聽提問即扮傻說：「我唔知！我哋好 enjoy依家拍拖生活，冇提以前嘅事。大家都有過去，所以大家都唔會講。」
本周二（ 12日）記者在活動後求證安志杰，他雖否認，卻尷尬追問消息來源，「我同 CoCo只係朋友嗜！（分手時你好傷心喎？）邊個講俾你知？（ Co Co宣布結婚，你有冇嘢同佢講？）恭喜佢！」
其實件事已經過咗咁耐，大家都各自找到幸福，坦白又何妨呢！
MV撻着
安志杰因擔任李玟 02年的新歌〈有你就夠了〉男主角而和對方拍拖。 MV中兩人又攬又啜非常投入。可惜這段情只維持了 1年，沒有像 MV一樣大團圓結局。
舊愛各自精采
安志杰和李玟分手後各自發展新戀情。由於安志杰、謝婷婷以及李玟和未婚夫 Bruce都是西化人，兩對戀人經常攬攬錫錫，大晒恩愛。
安志杰與婷婷拍拖不久，便於跑馬地同居，他們不時被拍到煙韌行街，當街咀嘴。
08年 Bruce 50歲生日，李玟親手為未婚夫打造半億生日會，令男友非常感動，不時在嘉賓前錫錫。
情到濃時，安志杰和婷婷 shopping也可以大耍花槍，玩得非常開心。
李玟與 Bruce 04年拍拖，一年後便訂婚，由於 CoCo仍希望在事業上有一番作為，拖至明年才肯與 Bruce拉埋天窗。
身家差好遠
安志杰
年齡： 33
國籍：美籍華人
做乜：動作明星
身家：冇車冇樓，只與婷婷租住跑馬地愛巢
Bruce Philip Rockowitz
年齡： 52
國籍：加拿大
做乜：利豐執行董事、 Pure Group主席，另身兼 9間公司的董事
身家：逾 20億
揭安志傑李玟曾拍拖 謝婷婷扮傻稱不知情
安志傑被爆曾與李玟相戀
大方公開戀情的謝婷婷與安志傑，無論人前人後都愛得如漆似膠，十分癡纏不過安志傑原來曾因太粘身而被女人甩，對方正是將于明年下嫁億萬總裁布魯斯的李玟(CoCo)。
留言列表
