希望佢唔好傷害自己！(真實對白)
對於有癡情兵仔為自己企跳， Ruby話：「當日有個自稱管理員打嚟，話有個男仔坐喺欄杆要見我，我都唔知邊個，以為玩電話咋！如果令佢誤會咗真係對唔住！」
港聞版於上月 25日有報道指一名 18歲少男單戀網上認識的美少女，可惜對方請食檸檬，結果於荃灣麗城花園一條行人天橋上企圖跳橋，最終被路人勸掂送院。
上週本刊收到一封告密信，指企跳少年的單戀對象，原來係之前用港式英語寸會考考官而被網友圍插嘅港女 Ruby（鄧凱旻），信中又提到企跳青年原來係 Ruby同學，曾試過於校內上台高呼撐 Ruby，可惜企跳男做咁多嘢女神都係當佢過客， Ruby只說：「我都唔識佢嘅！」最傷應該係呢句囉！
告密信內提到，該少年與 Ruby同讀佐敦一間叫 Sino Education（尚華教育）學校，由網上暗撐到做同學至激動企跳，為期原來只約 3個月。
網上做兵仔
為 Ruby企跳
上月 25日《蘋果日報》報道有青年為美少女企跳成為港聞，當時冇人知青年原來係為咗見 Ruby，但 Ruby表示：「我哋從來冇食過飯！我都唔識佢嘅！」
據知該名對 Ruby癡心一片的少年洋名叫 Sam，當個個狂插 Ruby係港女人辦， Sam卻覺得女神好吸引，不斷於 Ruby fb留言支持女神，告密信稱 Sam曾開咗個叫「綠洲/撐爆 Ruby駅」（現已刪除）的群組，希望博女神歡心，又試過於反 Ruby群組內留言「冇人迫你哋睇，唔鍾意咪唔好睇，點解要罵一個女仔呢，可惡！」網上撐到女神行。
激動上台嗌
港女人辦
今年英文科會考後， Ruby以英語聲討考官及教化妝片段上 YouTube，被網民蜂冚狂插，佢嗱嗱聲道歉不過仍然頻頻自拍放上網，片尾招牌動作 Ruby close更加係經典。
網上做忠心兵仔，但據知上月 3日佢哋二人所讀學校搞迎新日， Sam一見 Ruby原來係同學，即時上前搭訕兼表露身份，又突然當住幾百名新生，走上台向女神高呼：「其他人唔支持唔緊要， Ruby我支持你！」激烈行為令 Ruby更加避忌。
就有關 Sam企跳一事，上週五記者致電 Ruby，佢表示：「我都唔識佢嘅，佢冇我電話，更加冇同佢出過街，佢喺我 fb不斷留言支持我，又話欣賞我，我好多謝佢，不過佢走上台大叫，好似唔係幾好啦！希望佢讀好書先，我希望佢唔好傷害自己身體啦！」做兵仔咪算囉，為乜搞到企跳咁大件事！
告密信爆料
O'camp嗰日佢無端端走過嚟搭我膊頭，嚇死我呀！
我同佢都唔同系，唔知佢上堂點喎！
嚇親女神
親友給該男子相片我睇，我認得是我同校同班同學，據我了解自從九月初某學校公開活動，他之（知）道網絡名人 Ruby都是讀同一院校，他十分開心，更無故上台講了一些頗激的支持 Ruby說話，可能因台下反應令 Ruby不開心，從此 Ruby便不再理會他。
獨自情傷
他覺得不開心，尤其在 Management堂該男同學樣子似乎心事重重，雙眼有點紅時不時拿載有 Ruby相的手機看，然後低頭休息……其實該男同學在課室裏刻意與其他女同學保持距離，以免 Ruby覺得佢花心。
上週二（上月 28日）本刊收到告密信指癡心男 Sam為 Ruby企跳，又話 Sam因 Ruby刻意疏遠而令他冇心機上堂， Ruby無奈說：「我希望佢唔好傷害自己身體啦！」
癡男真身
與 Ruby同讀 Sino Education的 Sam係工商管理 1年級學生，而 Ruby則讀酒店管理。 Sam化名 SE於 fb及微博留言大讚 Ruby靚女，又話撐佢做 model，希望得到女神注意。
Ruby不死 model夢
港女 Ruby近排靜晒，佢喺 YouTube嘅個人頻道都好耐冇 update，以為佢潛咗水，但原來佢最近除咗入讀位於佐敦的私立 Sino Education修讀酒店管理外，又參加形象公司 Inchs的代言人比賽，冠軍可以成為正式 model， Ruby團 model火從來冇熄 o架！
曾表示想學 Angelababy做 model的 Ruby，最近參加了形象公司 Inchs的代言人比賽，繼續發 model夢。
港女 Ruby同 Sam所讀的 Sino Education於佐敦及屯門有分校，提供文憑及大學遙距課程。
高手教拒絕
DJ Bob
唔好拖，要直接同對方講清楚，以免令對方以為仲有機會發展，你可以話：「我怕再咁落去會連朋友都冇得做，我唔想冇咗個咁好朋友！」咁對方都知咩事啦！
Ruby唔理人搞到兵仔傷爆心，喺新城主持節目《新香蕉俱樂部》及 J2台《 Big Boys Club》分析愛情嘅阿 Bob就建議 Ruby點拒絕對方，大家又不妨學吓嘢！
留言列表
