上週六（八月廿一日），一班港男在電視城施展渾身解數，谷胸晒肌，但講到鬥大，今屆司儀之一的呂慧儀憑一招中門大開，34D環迴導彈胸最火爆，雖遭網民圍插過分暴露，但享受住嚟鬧，純粹搵嘢噏。
除了長腳蟹橫行，台下過百嘉賓同樣波光四射，胸巢而出同港男鬥晒事業線。
剛被本刊踢爆在鄭嘉穎西貢村屋玩足三日的國產女模徐靖雯Jenny，代表Elite撐場，經理人以「鄭嘉穎緋聞女友」介紹，但她一早與嘉穎夾好口供，辯稱雙方只是朋友關係。同《港男》show一樣，毫無新意！
篤胸
司儀之一的伍詠薇，與中門大開的火紅呂慧儀行紅地氈，引起現場人士起哄，伍姑娘話剛才用手指「篤」呂慧儀心口，但卻不肯「案件重演」。
對到正
有縮水孫耀威之稱的(4)葉建希，抽中問題要說服呂慧儀放棄要求他簽婚後協議書。五呎六吋的他對正高妹長腳蟹雙峰，Do姐加多句笑葉建希矮：「呢啲咪正宗心口對正頭囉！」
焗住走
完騷後，伍姑娘擺甫士繼續影相，Jenny行過眼望望，但為免高調，焗住跟Elite大班model一齊離開。
亂噏
在鄭嘉穎屋企過咗幾晚夜的國產女模徐靖雯Jenny，例牌否認同嘉穎拍拖，又口口聲聲話無過夜，只係响屋企傾偈……嘩，咁大話嘅！
唔敢攬
曾於○五年參選「亞洲男士」選舉獲亞軍的(10)翟威廉，以大熱姿態成八料冠軍，伍姑娘衝上台熊抱對方（右圖），但心口兩團肉太突出的呂慧儀只敢握手道賀（左圖），唔敢埋身。
嫩版三哥
六嚿腹肌加激凸泳褲，配合埋翻版三哥笑容，令(10)翟威廉，全晚由頭帶到尾攞冠軍。
收胸
浸大E神Carol楊梓瑤（左）同椋名凜齊齊到，賣E cup胸的Carol收起性感，以普通吊帶裙上陣，至於自稱攝了胸墊的椋名凜，粉紅晚裝風塵味濃。
真空警鐘
同是o靚模的警鐘胸Jessica C.真空露背裝上陣，無靠任何承托，警鐘胸依然堅挺。
另一紅爆look係同屬港姐兼有料之人高海寧，谷胸谷到上心口，可惜仍不及呂慧儀搶鏡，但她搶着說：「咩呀！我都有（事業）線o架，仲有幾吋長添！」
走樣咪神
產後的徐淑敏Suki暴瘦至九十五磅，她否認抽脂減肥：「梗係唔係啦，我靠做機同飲減肥茶收身。」昔日「咪神」得番棚骨，窄身裙變鬆身裙，Suki怕tube dress滑落，走埋一邊抽番起條裙。
戴錯bra
Freeze成員陳樂榣以露背鬆身短裙示人，可惜舊bra又殘又舊，大煞風景。
假胸人
隆胸成功的莊思敏（右）同「豬扒」港姐細妹莊思明合照，莊思敏話自己的「再造胸」近日已消腫，但一個月內不能戴bra，因此無法製造逼爆效果。
撞鐘
二人來個擁抱，胸對胸撞鐘，伍姑娘大呼過癮。
我有線o架！（真實對白）
我抽！
留言列表
