激過鴨仔長發　舞男黃長興餵飽 63歲富婆 face週刊 157期 @ 娛樂八掛大分享☆

本週六齊出鏡
上年 12月徐美琪以慈善舞后身份亮相保良局騷，當晚與黃長興大跳辣身拉丁，因此撻着，仲籌得 140萬善款！今年 2人再為公益金籌款，亦會表演拉丁舞。

法國情人幾時都係女人蜜糖， 05年落選香港先生黃長興，喺無綫發展一般，不過生得高大有型又 fit爆，再加上有拉丁舞底子，有齊「情聖」必備條件，又點會冇女嗒糖？
黃家「一門雙傑」，細佬黃長發先冧掂鞋王三奶 Karen，再有契媽 Christine呵； 31歲大哥長興亦唔輸蝕，上年尾同數億身家 63歲嘅金象苑泰國菜館老闆娘徐美琪為保良局跳拉丁舞，據知兩人一舞訂情火速搭上，舞伴變情人，本週六以情侶檔上 TVB為公益金籌款，再跳拉丁舞。
長興亦即時變上等人，大鑼大鼓下月開法國餐廳，更出入豪宅名門勁升呢。
31歲的黃長興，入行 5年發展平平，在劇集擔演奀角居多，連二線小生都未達標，月入萬幾，不過要富貴唔一定要上位做一線小生。據知最近長興打算下月開法國餐廳，忽然富貴，原來背後有富婆撐腰。

撻着 5個月
黃長興 07年參加過湖南衛視嘅《舞動奇蹟》練得一身好舞技、 09年同徐美琪表演駕輕就熟，其後徐接受雜誌訪問，更帶埋黃長興做御用舞伴示範。

黃長發對中女有計，估唔到大佬長興亦對年紀大嘅女人咁有吸引力。《蘋果日報》圖片

拉打撻着

雖然黃長興做唔成香港先生，不過又靚仔又大隻，o依家仲有富婆照住，真係好過做小生！

對本刊自爆獨資揼本 50萬開法國餐廳的黃長興，據知有富婆大水喉射住。撐住黃長興嘅富婆大有來頭，就係金象苑泰國菜館老闆娘徐美琪（ Margaret）。三年前以三億八將石澳大浪灣大宅賣予趙世光，億萬身家嘅徐美琪，雖年已 63，有兒有孫，風韻猶存，對拉丁舞更非常狂熱， 03年在天后木星街開設跳舞街（舞蹈文化中心）外，更不時搵名師指導，除自娛外亦會作慈善表演。巧合地，聲稱獨資 50萬開法國餐廳的長興，其新餐廳開鋪地點，則在「舞后」徐美琪的跳舞學校隔籬鋪位。
據知去年尾黃長興為《保良局開心跨越 131》與徐美琪跳拉丁，二人更因排練朝夕相對而撻着，知情者透露：「 Margaret覺得長興唔只靚仔，而且跳舞好叻，好夾到佢，所以嗰次做完保良，佢都繼續搵長興練舞。佢哋舊年 12月尾開始行埋，兩個好癡纏， Margaret要日日對住長興，不過佢哋交往得好小心，短短幾個月，佢兩個已去過幾次 trip！」

墓園拍拖

做得黃長興阿媽有餘嘅徐美琪，據知曾結過三次婚，與第三任徐姓丈夫離婚後，忽然沉迷拉丁舞。「 Margaret喺寶馬山有個私竇，成日請班拉丁仔上去跳舞，跳完就好熱情咁招待班拉丁仔，對佢哋都好疏爽 o架！」社交舞界中人透露。
因拉丁舞發展超世紀忘年戀，據知徐美琪對黃長興家人亦十分關照，徐美琪在屯門青山村經營家族墓園生意「善緣」，而「善緣」的行政管理更有傳交由黃長興父親「打理」，而這個墓園更成為黃長興與徐美琪的拍拖勝地，有目擊者親眼見二人在墓園內儼如一對情侶。反觀兩人在公開場合則好避忌，上週五（ 21日）原本二人要出席本週六晚演出的《萬眾同心公益金》排舞探班，不過卻臨時甩底。
除照顧長興父親，徐美琪亦暗中打本畀長興開法國餐廳，週日（ 23日）本刊拍得黃長興喺木星街 18號新鋪打點，見他畀完錢裝修師傅亦走入徐美琪的跳舞街（舞蹈文化中心），之後黃更騎着電單車「天若有情」戰 look直駛豪宅「名門」。

揼本開法國餐廳

週日（ 23日）黃長興到木星街巡視餐廳裝修進度，之後更行過隔籬跳舞街（舞蹈文化中心），證明同富婆徐美琪關係匪淺。

黃長興話法國餐廳 6月中開張，o依家搵緊法國師傅，餐廳名叫 A LA MAISON（法文指 house的意思），月租約 5萬。

一鋪之隔
黃長興新鋪 A LA MAISON同徐美琪跳舞街（舞蹈文化中心）一鋪之隔，黃長興去搵徐美琪，跑上去 10秒都唔使。

白韻琴：祝長興身體健康！

除馮姓富商外，據知徐美琪之前亦有兩任丈夫，第一任為景福集團後人楊秉江，第二任為唐姓富商。而當年有份出席石澳大宅派對的白韻琴就話：「我唔認識佢喎！嗰次係朋友帶我去！（長興同佢拍拖？）吓！係咩？咁我祝佢身體健康喇！」
07年白姐姐同謝偉俊都有去徐美琪大屋歡送派對，仲霸住個咪唱懷舊英文歌。

《壹週刊》圖片

做年半唔夠 13萬

黃長興話攞 50萬出嚟開法國餐廳，不過由 09年至o依家喺無綫工作都係拍劇，以佢大約千二蚊個騷，計埋出面接騷拍電影，唔食唔交佢住緊嘅君匯港月租萬三，應該儲落 13萬啩！

50萬夠開鋪？

黃長興 50萬開法國餐廳，聽落好似唔多夠使，不過開法國餐廳 Olala開到出晒名嘅肥仔周就話：「幾廿萬！夠開，睇你點開啫！ 50萬當然夠啦。」幾廿萬夠開，不過長興年半都搵唔夠 13萬就難啲。

肥仔周

「佢還佢，我還我！」

前度 BiBi
黃長興之前同過去日本發展 BiBi梁寶賢拍拖兼同居，後有傳因曹敏莉介入而分手。《壹週刊》圖片

黃長興忽然富貴，細佬黃長發現為 Synergy Model Management經理人，對哥哥黐富婆表現冷淡，仲話：「佢還佢，我還我，我唔知佢開餐廳，亦唔知邊個徐美琪！」而上週三（ 19日）黃長興出席《談情說案》宣傳，主動報料將做法國餐廳老闆：「我 6月中開法國餐廳，投資 50萬左右啦。全部自己錢嚟 o架！冇同人夾 o架！」經本刊連日追訪，平時有 call即覆嘅長興， call足 3日都唔覆。

一門雙傑

黃長興、黃長發兩位都係香港先生，黃長發早前同鞋王三奶 Karen（李姿霆）撻着、分開，形象插水成為 TVB棄將，搞到o依家要喺 Synergy Model公司做經理人＊萬幾蚊人工，早排仲爆出情慾短片流出衰到貼地，反而大佬喺無綫雖然未係一線，但叫做拍劇冇停手，家陣又有富婆揼本開鋪做老闆，大佬真係醒好多！