早前朱韻蓓著件倒奶衫晒胸前紋身開記招否認係「扑性Day」短片女主角。野戰唔打，但就被主播男友張俊賢狂打。

扑出名堂

聖誕期間被網友瘋傳的《香港真人扑性Day》短片，一對慾火男女在天后一個公園涉打野戰，之後蕭若元誤證片中女主角係「香港寬頻優質生活台」的主持朱韻蓓（Tess）。被人當性女，朱韻蓓一炮「成名」被大起底；繼早前被踢「男女皆宜」後，原來性女去年不只無同男友當街打野戰，反而疑被愛玩泰拳的NOW主播男友暴打，要入院驗傷，甚至告上法庭，正好是崔建邦同中巴女鄺敏慧翻版。

噴髮膠當武器
據了解，朱韻蓓去年中發現拍拖大半年的NOW主播男友張俊賢（Tan）偷食，雙方在大埔鹿茵山莊寓所吵大鑊，其間她搶去男友電話要check偷食短訊，擔心斷正的張俊賢即發爛渣，有人隨手攞起支噴髮膠當「武器」，向朱韻蓓左手狂扑，女方左手被暴打到變豬手。「當日Tess搶咗阿Tan部手機就衝入廁所，點知阿Tan喺廁所隨手攞起支噴髮膠係咁扑，佢好大隻又打開泰拳，Tess俾佢㩒住砌根本無力反抗，結果支噴髮膠打到凹晒，Tess隻左手就俾人打到腫咗。個男人打完搶番部電話就走咗去，Tess就打俾啲朋友求救，啲朋友咪勸佢即刻報警囉。」知情者說。記者在朱韻蓓的facebook找到她自拍的傷勢相，左手紅腫如豬手，朋友亦紛紛留言鬧爆張俊賢。

張俊賢：佢屈我
涉暴打的NOW主播張俊賢，事後被帶返大埔警署問話，並遭警方落案起訴，但上庭當日，卻離奇被女友放生。「Tess因為受公司施壓，要佢息事寧人，就算成班朋友都勸佢唔好罷休，但Tess怕俾公司雪，所以喺庭上同法官話乜都唔記得，最後搞到證據不足，個男嘅當場無罪釋放。身邊朋友都戥Tess唔抵，因為大家都知對方係軟飯王，同Tess拍拖，所有開支都係女方俾，仲要Tess幫佢還賭波數。」對於郁手打女人一事，張俊賢先是呆了數秒：「係……係有打交呢件事，不過當日係佢屈我打佢，所以證據不足，我無罪釋放。以後關於佢嘅嘢我唔想知唔想提！」

扑性女：講大話
記者再求證捱打的朱韻蓓，她不斷反問記者：「你哋點解會知？過去咗嘅嘢唔想講，有咩想問就打俾我公司！」記者告知她張俊賢聲稱被她屈打人時，她變得好激動：「屈佢老×！呢條軟飯王擺明講大話，作賊心虛先咁講！當日佢唔係打到我隻手咁樣，佢就唔會俾警方扣留一晚，要搵人保釋；佢無事係因為當日我想大事化小，所以放過佢。若果佢再亂講話我屈佢，我隨時可以搵番當日嘅口供文件出嚟做證。」

男女通啜
男女通殺的朱韻蓓，在fb狂晒跟TB及男友的啜爆相。呢頭跟酒吧仔影婚紗相，甜蜜非常，但轉頭又同TB煙韌拍床照，服咗佢！

豪放女主播
現年23歲的朱韻蓓（Tess），父母在內地搞印刷生意，住大埔鹿茵山莊，家有五架名車，包括波子、Benz、法拉利等。Tess曾赴瑞士修讀酒店管理學位，2010年入行做私模任影，愛以「龍女」自稱。現職香港寬頻優質生活台主持，其個人網誌上載了不少性感照，亦有唔少攬仔照，老中青不同國籍包羅萬有。早前網上瘋傳一段《香港真人扑性day》情慾短片，蕭若元踢爆Tess就是片中「扑性女」，她極力否認，更展示身上紋身對證。

上海仔
25歲的張俊賢（Tan），花名「上海仔」，身高183cm生得健碩，16歲拜師已故藝人羅君左門下，曾獲選世界最佳模特兒大賽best model（中國賽區）最上鏡男模和最佳十強。Tan拍過唔少MV及廣告，行騷登台、擔任大小商演活動主持，曾任有線生活台主持，現職NOW成人台903TV主持。 ####

 
NOW主播張俊賢


變豬手


在女方fb發現去年中她被男友打到紅腫和瘀痕纍纍的傷勢，及在醫院經包紥後，敷住冰袋的相。


朱韻蓓直指前度張俊賢是軟飯王。


拍拖大半年的他們，情到濃時拍下不少啜嘴相，但最後係打交收場。

 
豪放女朱韻蓓，經常影性感相，大晒34C倒奶上圍。


張俊賢跟打女友的崔建邦一樣，都係泰拳迷。

 
家境富裕，曾在英國留學的朱韻蓓（左一），跟毛玉萍兒子Eric非常老友。

 
返港後曾做Bar tender的她，參加過調酒師大賽贏得亞軍。

 
為證自己非「香港真人扑性Day」女主角，朱韻蓓騷出左腳的紋身洗脫嫌疑。




TB


酒吧仔




鹿茵山莊


arrow
arrow
    文章標籤
    tess tan 主播 主持 泰拳 now 打到 大埔 拍拖 香港
    全站熱搜

    stacylife 發表在 痞客邦 留言(0) 人氣()

    E-mail轉寄