龍年到！一眾女星佗住嘅龍B，將會陸續出世，唔知龍仔多定龍女多呢？仲有大家關心嘅圈中情侶，龍年又會否開花結果？本刊搵嚟三大玄學家李丞責、麥玲玲及吳佩孚，預測眾星今年運程。上年見報率最高嘅栢芝同霆鋒，被狠批絕對唔會復合，其中愛情至上的栢芝仲會有新戀情；而打風打唔甩嘅黃曉明同Angelababy，竟然會散硬喎！事業方面，chok王林峯，早排俾人插爆，原來龍年佢仍然會繼續紅。一齊睇吓今年預測有幾爆啦！ 
拒絕回應
上周四(19日)，Angelababy出席賀年活動，就玄學家狠批她與曉明會分手一事，Baby聽後面色一沉，定神後即被經理人Kim緊張拉走。
龍鳳配
圈中有好多對金童玉女，栢芝同霆鋒呢pair，被批零機會復合，至於其他恩愛情侶，又有幾多對會喺龍年修成正果呢？
伊健YoYo修成正果
吳佩孚：「鄭伊健今年有利妻緣，蒙嘉慧亦有夫公進神，兩人結婚機會好大。」望入鄭家門望到頸都長嘅蒙嘉慧，一定開心晒！
杏兒Bosco夫妻宮夾
吳佩孚：「胡杏兒同黃宗澤嘅命格夫妻宮好夾，今年佢哋嘅關係會再進一步，好大機會結婚。」杏兒近日已開晒口要問Bosco攞家用， 大家做定禮金啦！
黃浩然人氣急升
吳佩孚：「黃浩然會有貴人相助，龍年運大旺，人氣會非常勁。」佢去年已經有份角逐視帝，而且仲好有觀眾緣㖭！
黎耀祥又攞視帝
吳佩孚：「黎耀祥會有正印星，今年福星高照，又會攞視帝。」正為今年無綫重頭劇《大太監》開工的祥仔， 認為自己好有機會憑此劇再攞視帝。
徐子珊有望做一姐
吳佩孚：「徐子珊龍年會有貴人出現，事業運相當唔錯。」貴人會唔會係殼王？
胡定欣有運到
吳佩孚：「胡定欣命中有龍鳳配，即係今年有運行兼利姻緣，會遇到個好男人。」等咗咁多年，終於等到上位啦！
周麗淇人財兩得
吳佩孚：「周麗淇今年有進神，事業財源唔錯之餘，仲會有新戀情。」早前有傳周麗淇同紗廠太子爺分咗手，今年再有新戀情就要好好把握喇！
吳卓羲衰桃花冇運行
吳佩孚：「吳卓羲今年比劫生財，龍年冇獎項緣，仲會同人爭女同爭財。」去年已經有個張馨予搞搞震，今年吳卓羲再衰桃花， 真係冇人幫到佢。
MC JIN有波折
吳佩孚：「MC JIN雖然去年攞獎亦有事業運， 但今年唔同，佢家庭事業都有波折。」攞完無綫飛躍男藝人，MC JIN即被揭背妻勾女，依家太太又有咗，睇嚟佢煩到頭都大！
龍仔or龍女？
去年唔少女星都趕住做兔新娘，希望生番個龍B，結果好多都一擊即中，吳佩孚同李丞責仲批今年龍仔特別多。
楊千嬅 仔
吳佩孚：「楊千嬅屬木，木向陽，大陽火，旺子女星，所以佢生仔機會大。」
楊思琦 仔
吳佩孚：「睇思琦命格會係仔，不過佢應該會早產。」
郭羨妮 仔
李丞責：「郭羨妮眉骨高，命格來看龍年生仔機會高。」
朱麗倩 仔
吳佩孚：「朱麗倩觀星得地，生仔機會都好大。」李丞責：「雖然朱麗倩龍年太陰守命，不過劉華骨重肉輕，因男性主導所以生仔機會高。」
香港運程
去年香港股市及樓市大起大跌，經濟前景令港人擔憂。踏入龍年，麥玲玲表示今年形勢有逆轉危機，投資者應審慎為上。
離婚唔夠半年嘅栢芝同霆鋒，因為一張二人與囝囝Lucas及風水師的合照，而被傳復合，不過霆鋒已否認傳聞。
留言列表
