仍未獲無綫解封的張敬軒，雖然無得上電視，但工作量卻未受影響，事關有富貴契爺、「牆紙大王」陳鼎禮關照，經常有機會到澳門和內地唱騷，收入相當驚人，財來自有方，最近軒仔便由月租六萬的西貢大環村，搬到半山馬己仙大廈，每月以十二萬租住入2,500呎豪宅，還有多餘錢幫Boy'z出碟，包起密友小斌女，有福同享。

愈搬愈大
一度憑歌曲《酷愛》大受歡迎的張敬軒，本來事業直往前衝，偏偏無綫與四大風波長達兩年，令軒仔人氣大跌，事業無大起，但收入反而急增，住西貢大環村六萬貴價村屋，又有錢投資開經理人公司、錄音室。近日，張敬軒再升呢，由西貢搬到港島半山馬己仙大廈，這個昔日謝霆鋒曾入住的豪宅，月租要十二萬，軒仔所租住的單位，面積有二千五百呎。「Hins好鍾意西貢間屋，貪佢有無敵大海景，仲花咗三十萬裝修間屋，不過租約期滿，契爺又唔想佢住西貢，於是幫佢响半山搵盤，依家間新居都係契爺出面幫佢租嘅！個單位有二千五百呎，大過西貢舊屋，好闊落！」軒仔身邊人說。

鬧爆高層
四大問題未完全解決，無緣在無綫頒獎禮分一杯羮的張敬軒，有指今年將會在商台叱咤頒獎禮食白果。據知，早前他因為續約問題曾與環球唱片鬧不和，又大鬧公司唔撐佢，因而觸怒高層Duncan，對為他爭獎一事放軟手腳。「Duncan對旗下班歌手啲獎好緊張，就算同阿Kay（謝安琪）經理人夏森美反晒枱，但因為阿Kay私底下做好做醜，今年喺商台好大機會攞女歌手金獎，但軒仔鬧完Duncan，再投訴商台高層甘菁菁（Duncan老婆），埋怨Duncan唔撐佢，Duncan咪放軟手腳唔幫佢fight獎囉！」知情者說。禍從口出，張敬軒最終決定讓步，搵契爺出面約Duncan飯局擺平事件。「今年軒仔喺商台乜獎都無，連周柏豪、周國賢，都有份入叱咤男歌手獎，佢咪騰晒，要搵契爺氹番Duncan囉！」知情者說。

超級契爺
去年張敬軒跟有「牆紙大王」之稱、永明牆紙公司老闆陳鼎禮正式上契，除了專營牆紙生意，他還經營建築材料及裝修工程公司，手上一共持有20間公司。亦有在澳門經營賭廳，人脈甚廣。陳鼎禮經常替張敬軒安排到澳門及美國賭場登台搵錢，與富豪鄭裕彤及楊受成等人稔熟。 09年，陳鼎禮涉足娛樂事業，開設娛樂公司Star Max Entertainment Ltd，與契仔簽下十年長約，同時張敬軒亦是公司股東之一。今年陳鼎禮再大開水喉，出資4,000萬人民幣，讓張敬軒在廣州開設38,000呎豪華錄音室。10年，張敬軒的演唱會銷情未如理想，契爺即以公司名義豪擲50萬包銷，撐到底！

關照密友
去年張敬軒與牆紙大王陳鼎禮上契，高調在君悅擺上契酒，之後軒仔便自爆投資開經理人公司Star Max Entertainment，簽藝人搞音樂製作，其實公司幕後大老細是契爺陳鼎禮，軒仔只是股東之一。同契爺關係密切，張敬軒亦愈來愈富貴。年中他投資四千多萬，在廣州開設面積達三萬八千呎的超豪錄音室，全靠契爺背後鼎力支持。「陳鼎禮喺澳門人脈好廣，依家軒仔不時會去澳門賭廳唱騷，真係執埋唔少，契爺仲約過唔少富豪同軒仔食飯，等佢識多啲人！」自己富貴，軒仔亦照顧埋「正印」關智斌，拆夥多時的Boy'z，近期重組再出唱片，軒仔除了開放廣州錄音室，免費幫Boy'z錄歌外，據知今次Boy'z的唱片背後由軒仔揼水投資。「英皇根本唔睇好Boy'z，Kenny同Steven想再出碟，英皇講明唔會孭條數，Kenny咪搵軒仔幫拖囉！軒仔肯出錢又出力，都係想幫Kenny完成心願啫。」Kenny好友說。

親密關係
張敬軒與關智斌的「密友關係」已是圈中公開的秘密，經過五年共處，關係逐漸浮面。 06年除夕，二人出席時代廣場倒數活動，穿着同款情侶褲，親密關係曝光。之後軒仔頻頻被影到帶住Kenny的秋田犬在天后寓所附近散步，當時正值軒仔事業高峰期，為保飯碗，軒仔一直借好友王菀之做煙幕，在熒幕前扮情侶，淡化跟Kenny的「密友關係」。 08年，二人為方便見面，Kenny索性搬近軒仔，租住天后區的維多利中心，二人的寓所只相距五分鐘路程，軒仔亦被拍得戴齊cap帽、口罩、眼鏡等摸上Kenny新屋，還熟絡地跟管理員打招呼，關係浮面，關智斌更被揶揄為「小斌女」。


為Kenny仆心仆命的軒仔，更為Boy'z的新碟做監製，又替他搭路在內地登台搵銀。雖多次被傳有第三者介入，如MC Jin、許鋌鏗等，早前又有指Kenny翻撻舊女友，令軒仔情緒病失控，但仍無損二人的親密關係。 ####


新居入伙，張敬軒近日四出搜購傢俬，日前便買了一盞吊燈及座地煙灰盅返家，當日所見，軒仔心情大靚。


買燈期間，軒仔攞起古董筆和相機看個不停，相信為友人添置新年禮物。


半山馬己仙大廈，比之前住的西貢大環村保安嚴密得多，軒仔大可放心招呼密友，不易被人擦覺。


買了大包小包的張敬軒，來回幾次將物件搬上樓。


軒仔招呼Kenny及二人好友鄭融、泳兒、洪卓立、鍾舒曼等到其廣州錄音室參觀。


張敬軒從不隱瞞與密友關智斌的友好關係，二人合照時，連眼神、手勢都咁合拍。


富豪契爺陳鼎禮，除不時介紹社會名流給軒仔認識，二人更孖住出席慈善活動。


去年，張敬軒在紅館開騷，關智斌被邀上台合唱，一個唱，一個拍掌，默契十足。


張敬軒（左一）在叱咤頒獎禮攞過不少獎項，去年在叱咤慶功宴上，與高層Duncan及Eason謝安琪合照。


聖誕前夕，關智斌一個人在家執屋，搬走大堆鞋盒。


張敬軒搬離西貢後，Kenny一個人出入三塊田村屋，顯得相當落寞。


情侶褲


幫手放狗


許鋌鏗

arrow
arrow
    文章標籤
    kenny duncan 密友 叱咤 二人 boy 半山 公司 租住 富豪
    全站熱搜

    stacylife 發表在 痞客邦 留言(0) 人氣()

    E-mail轉寄