上星期三（十一月十六日），李詩韻被揭發經營的美容生意中，有關公司涉嫌以「種金」層壓式推銷手法經營，引起廣泛注視。原來靠樣搵食的明星藝人，除了出面做代言人之外，還會自己創業經營美容生意，而且搵錢手法進取，絕非玩玩吓咁簡單。

其實明星藝人投資做美容生意，又豈只李詩韻一個，本刊今期搜括到其他星級美容王國的揸fit人，包括張兆輝、周汶錡、江芷妮、李思蓓及姚樂怡，他們開設的美容公司總市值估計逾億元，記者並逐間進行潛行「放蛇」，揭開他們獨門且神秘的吸金手法。

張兆輝 靠羊腸豬胎賺半億

入行近二十年的張兆輝，近年由大銀幕跳回電視圈，接拍無綫最新處境喜劇《結．分＠謊情式》，人氣熱爆。不過，張兆輝拍劇純粹為過戲癮，事關○一年他已進軍美容界，與老婆郭碧妍拍檔打造美容王國「gvg」（醫之美）。據悉，兩夫妻首先在土瓜灣開設美容中心，轉瞬再於火炭工業區開分店，○六年更進駐尖沙咀千四呎的商廈，既替顧客做facial、減肥，又批發護膚產品；開業翌年每月已有五十萬收入，起初投資的五百萬話咁快回本，從商十年即成半億富豪。

張兆輝開設在尖沙咀的美容中心，除了一般面部護理之外，亦引入不少「另類療程」吸引顧客，例如：韓國的微針再生術，就是利用滾輪上許多微小的針頭，直接於皮膚上滾動，其效用聲稱可打開微細管道，刺激真皮層的膠原蛋白對抗衰老。不過，上月消委會提示類似美容服務存在醫療風險。

至於產品方面，「gvg」亦有代理鮮有聽聞的「高濃度豬胎盤素」，據稱該產品是提取自醫用豬（Medical Pig）之健康豬胚胎的細胞，進行無菌處理後，對皮膚有更生抗老化功效。

鄉音接待

早前，本刊記者親到「gvg」位於尖沙咀的分店「放蛇」，一位操鄉音的接待員隨即招呼記者坐下，記者表示欲試做保濕facial，她卻表現得一知半解，然後說：「我唔係好清楚，啱啱調過嚟呢間舖，你等一陣！」她隨後走入店內，數分鐘後步出，對記者說：「不如你試吓做『微針療程』啦，好有效o架，黃瑩個妹都做過，佢本身成面暗瘡，做完之後，依家塊面不知幾滑呀！一次療程四千八百蚊，買十次抵好多，都係二萬八千八百蚊！」

接着，記者問她有否試做價，該接待員初說沒有，及後又說：「半價啦，頭一次二千四百蚊，好抵做o架，我老闆娘都代理咗好多個牌子嘅護膚品o架！」她繼續推銷：「我哋呢度都有幫客做依家好流行嘅羊腸線減肥，你試唔試吓吖？」不過，兩個月前，報紙頭條指有女士以羊腸線減肥減出禍，這種減肥方法可謂極具爭議性。記者本欲意做個簡單面部護理，卻被推銷貴價「微針療程」及「羊腸腺減肥療程」，難怪張兆輝的身家億億聲。

名模周汶錡人靚身材更達至世界頂級model的標準，她搞扮靚瘦身的美容生意，絕對是「開正佢嗰瓣」，自己更可兼任公司代言人，實行省靚生招牌，自然吸引不少中產、OL的女顧客。而且，她這間開設在銅鑼灣鬧市的美容院「Megeve」，更有奇招拓闊生意客源，除了廣納女客之外，更兼攻男士市場，找來同是「模界」的台灣型男高以翔任代言人，招攬男客，在芸芸主力吸納女客的美容院中，一枝獨秀，吸金可謂男女通殺。

全店分有男女賓部，女賓部設有十五間美容房，男賓部僅有四間；不過，面積卻比女賓房的更大更豪華，而且男賓部內的設備絕不比女賓的輸蝕，一樣有齊休息的禮賓廳及沖涼換衫的更衣室，可謂一應俱全。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄