15萬泰國請鬼神上身　栢芝求財唔求愛 - YouTube









15萬泰國請鬼神上身 栢芝求財唔求愛 









自與謝霆鋒鬧婚變開始，身為兩子之母的張栢芝已經醒覺要靠自己搵真銀。近日她在上海為新戲《危險關係》開工，不惜與死敵章子怡大鬥法。
10月14日，栢芝帶仔秘遊泰國，兩日後返港時不忿被記者踢爆行蹤而發爛渣。據知，栢芝開開吓工都要飛泰國一轉，原來為咗求神庇佑。有指栢芝婚變後改信了泰國筍笛神，早前飛瑞士工作更大大個神牌戴上身。
《怪談》主持人陳譽之師傅表示，栢芝身上的筍笛神牌現值約15萬，這古董神牌已超過二百年歷史。據講可以招財保平安、辟邪、助人緣，不過姻緣就「唔work」。想個神牌發揮最高效用，必須每月拎返泰國俾師傅加持，難怪近來栢芝去泰國去得咁密啦。


張栢芝03年高調自稱信主，要做虔誠基督徒，不過近年她已沒有再返教會，因為她已轉會。據知栢芝媽和細佬柏文向來都信奉泰國佛，故栢芝於去年醞釀婚變期間亦受感化而轉軚，追隨泰國五大古佛之一的筍笛神（Phra Somdej）。

拜佛拜上癮
近來，張栢芝不時被發現到訪泰國，早前她帶埋Lucas和Quintus同往，表面上是帶兩子去遊樂場玩樂，實質是為早前所請的古董神牌加持。知情人士說：「栢芝媽本身拜開四面佛，柏文就有拜其他泰國佛。早前栢芝因為婚變單嘢好迷惘，六神無主之下跟咗栢文去泰國拜佛。幾個月前佢仲買咗個神牌，成日戴住喺身，同朋友講個牌係由師傅開咗光，堅嘢嚟㗎！自從拜咗筍笛神，栢芝覺得事業順咗好多，接job都唔會俾人壓價。」

半年至少三遊泰國
據知，栢芝買了這個神牌後，每隔個多月都會抽空返泰國寺廟，搵和尚為神牌加持，而每次加持時間都需要一天以上。由於栢芝覺得效果顯著，無論工作怎忙都會抽空走一轉泰國。今年4月、8月她都被香港遊客影到由曼谷返港。現時正在上海為《危險關係》開工的張栢芝，10月中亦被本刊獨家發現她與兩子現身曼谷。據知栢芝曾到過遠離曼谷市中心約一小時車程的廟宇為神牌加持，而她每次添香油都以千千聲計，與泰國一般善信相比，出手絕對闊綽。除轉軚拜泰國神佛，有報道指栢芝在陽明山莊家中，專登騰出一房間加建一個大神壇，當中除了有筍笛神，更供奉了其他神佛，有說部分神佛形如童子，還以糖果和玩具供奉。更有指童言無忌的Lucas，曾向栢芝的友人說房內有好多糖果、公仔和飛機玩具。玄學家吳佩孚聞後更直言：「通常咁嘅陣，好大機會係拜鬼仔。」

栢芝頻頻赴泰
栢芝近半年經常秘密去泰國廟宇為神牌加持及搵大師問卜，今年4月及8月她由泰國返港時均被遊客認出，甚至拍下她的照片放上網。 10月16日，她更抱住Quintus拖住Lucas出現曼谷機場，抵港時見記者更發爛渣狂奔。

求財得財
筍笛神信唔信得過就見仁見智，但張栢芝自半年前婚變，信奉筍笛神後，近來開公司做CEO，拍廣告、電影接踵而來，齋睇帳面佢真係豬籠入水，撈得好掂。

拉姑寸栢芝鬼祟
近日，栢芝的前奶奶狄波拉被揭豪擲60萬，為荃灣竹林禪院的四面佛重新敷金。本身為四面佛虔誠信徒的拉姑，對栢芝改信筍笛神，則說：「拜神要拜真嘅佛……唔好收埋收埋咁拜。」似是暗寸栢芝鬼祟請神上身。

神牌200年歷史
本刊找來熟悉泰國神佛，現於有線《怪談》做客席主持的陳譽之師傅做訪問，對於栢芝身上的神牌，陳師傅一眼就認出是筍笛神牌，皆因她亦擁有一個相同的，故甚清楚知道神牌來歷。「佢（栢芝）呢個係筍笛神牌，仲要係古董嚟，保守估計有200年歷史，呢個神牌係由阿贊多（Achan Toh）大師親手做，仲應該係第一批㖭！依家市值約15萬左右。呢個牌主要功能係招財、招人緣保平安，不過愛情就唔work囉！個神牌要隨時跟身，信奉者亦可以放一隻大啲嘅佛像喺屋企供奉。」她亦表示信奉者要定時返泰國加持，目的是潔淨神牌，「其實個神牌最好每個月拎返泰國加持升運，廟內嘅和尚會幫你唸經潔淨。個神牌千祈唔可以濕水，沖涼一定要除低。」

陳師傅：鬼仔保護主人
至於養鬼仔之說，陳師傅則有另一番見解。「我哋叫鬼仔做古曼童，養佢哋係做善事嘅一種，係一件好事，幫你儲功德，屋企有小朋友都可以養。你帶咗佢返屋企，就要幫佢改名，咁佢就係你個仔，而你嘅小朋友亦等於係佢兄弟。師傅會同佢（鬼仔）講『呢啲就係你屋企人』，咁佢又點會傷害小朋友呢？古曼童會好好保護主人，基本上你可以叫佢做好多嘢，當然傷天害理嘅事就唔可以啦！（養古曼童會唔會影響人嘅情緒？）古曼童係唔會影響到主人嘅情緒，情緒大起大落，可能只係佢自己本身多嘢煩啫。（如果屋企有神壇，又用玩具同糖去供奉，係咪有養古曼童？）我要見到真人先睇到有冇，不過我相信藝人屋企有養都好正常。」拜得神多自有神庇佑，不過栢芝情緒咁易失控，不如搵個可以幫佢紓緩情緒嘅精神治療師好啲！

養鬼仔藝人名單「女神」養十幾隻傍身
「女神」有36F導彈身材，但入行10年都係做二打六，自從埋咗「二仔」堆，拍咗部三級片即鹹魚翻生。雖然部戲俾人話重口味，但「女神」曝光率飆升，不停出騷搵真銀，名利雙收原來有因。佢去年中去咗泰國一轉，養咗十幾隻鬼仔，佢好有心機，日日準備新鮮果汁同小朋友最鍾意嘅糖果去供奉，出街亦會帶埋班鬼仔。「女神」上位期間識咗個闊少，為咗入豪門佢決意洗底，雖然唔使撈等嫁，但佢冇忘本，嗰十幾隻鬼仔到依家仲跟住佢好食好住。

「三索女」靠鬼仔上位
好識扮靚嘅女子組合「三索女」，一出道就成為娛圈焦點，任何公開場合都拋胸露腿，不過唔夠幾年貨仔就散band作個別發展。據知佢哋三個為上位，早年齊齊養鬼仔，其中「阿三」就最三分鐘熱度，佢養咗兩隻鬼仔，開頭有事相求就乜都得，但事成後又唔供奉，唔知係咪呢個原因，令佢是非纏身兼俾公司怒炒，成為最霉嘅一個。而其餘兩位組員「至靚」同埋「至醜」就好神心，有借有還，按時供奉。依家一個搵到個有錢男友，一個喺大陸勁登台搵真銀。

「師姐」唔神心行衰運
三色台姐仔「師姐」咁多年都係做二線女主角，前男友早年娶北姑仔都生埋，佢就同有婦之夫搞埋。「師姐」唔想變雙失，去泰國請咗隻鬼仔返香港，但佢一啲都唔神心，冇放嘢供奉，就咁放喺屋企唔理。泰國師傅見佢遲遲唔拎鬼仔返去加持，打電話提醒佢，但「師姐」都係當耳邊風。可能因為咁，佢近年運仔都係麻麻，35歲人成日俾男人呃，依家仲要拋個胸出嚟，真陰功。

「黑仔」種生基致富
「黑仔」初入行瘦蜢蜢青靚白淨，做來做去都係拍吓卡拉ＯＫ，喺電視台做吓大茄。後來有機會做劇集男主角，知名度開始大增，喺事業起飛之時，朋友介紹佢認識養鬼仔師傅。起初佢認為養鬼仔好邪，但見朋友養咗之後事業一帆風順，佢就試養兩隻，仲定時以鮮奶供奉。「黑仔」想再上一層樓，叫師傅幫佢種埋生基，之後佢撈埋電影，拍個廣告閒閒哋收幾百萬，現時身家已經億億聲。

玩具果汁供奉鬼仔
本周一（24日），記者到訪陳譽之師傅的神壇，她展示了供奉多年的古曼童（俗稱鬼仔），並介紹由泰國大師煉製成的人緣油。人緣油是由近百種植物提煉而成，經過和尚加持、誦經和開光，有指搽在眼眉及人中位，可增加人緣。據知有唔少圈中人使用。

泰國通胡慧冲：養鬼仔好普遍！
香港人一般認為戴泰國神牌、養鬼仔都係好邪嘅事，但原來喺泰國好普遍。
記者就拜筍笛神及養鬼仔一事向泰國通胡慧冲了解，他說：「筍笛係泰國嘅主神，泰國人一般都篤信，信徒會隨身帶住開咗光嘅神牌，如果係已故大師開過光嘅神牌，可以賣幾十萬港幣。」雖然筍笛神多泰國人篤信，但講到普遍，竟然唔及養鬼仔。「超過一半泰國人都有養古曼童（即養鬼仔），泰國人認為係一種善心，好似助養兒童一樣。而每次做善事前都會叫一聲古曼童嘅名字，功德就歸於呢隻古曼童。」
而且養古曼童不是「個人」專利，「好多餐廳、商店甚至銀行都會養兩三隻古萬童，生意會好啲，亦可以防止打劫、失竊等。」真係估唔到，養鬼仔係可以用來防盜。 ####


泰國神牌中，阿贊多大師創造的筍笛神牌最為善信愛戴，有佛中之王之稱。由於阿贊多大師已離世，經他開光，甚至親手製造的神牌買少見少，最貴售過百萬港幣。而栢芝6月飛瑞士時身上所戴的筍笛神牌，約值15萬港幣。


隨身戴15萬神牌


阿贊多本身為泰國皇族血統，自小與佛有緣，在生時有泰國活神仙之稱，即使死後，經他開光的神牌都價值連城。


《怪談》法師私人珍藏
陳譽之師傅私人珍藏數個神牌，全部都經阿贊多大師開光，其中一款與栢芝所戴的同款。


拉姑每年風雨不改到曼谷拜四面佛，今年更拎60萬來修建位於荃灣的四面佛。對於栢芝拜筍笛神，拉姑語帶雙關說：「拜神唔係收收埋埋咁拜。」




4月孭仔由泰返港


10月拖仔現曼谷機場


家有神壇鋒芝婚變後，栢芝搬往陽明山莊，有指她把一間細房變做供奉房，房內滿布神佛，每日由工人定時供奉，非常神心。




月初栢芝媽搬往價值1,500萬的九龍城御豪門豪宅，更直認係栢芝買俾佢住，睇嚟栢芝最近真係財運亨通。












玩公仔由於古曼童係細路仔，所以陳師傅會放好多公仔、玩具甚至小朋友衣服係壇前供奉。


日食五餐古曼童有不同大小、形狀，更有男女之分，圖中有二男一女的古曼童。而每日都有供奉三餐正餐和兩餐零食，正餐會有熱騰騰的飯餸及果汁。


隨身攜帶有人鍾意喺屋企供奉，亦有人會隨身帶住，呢款係方便帶住四圍去嘅古曼童，陳師傅話一定要勾在低於腰的位置。


人緣油由不同大師自製的人緣油，更有支裝，方便收藏仲可以扮唇膏掩人耳目，價錢由3千至1萬不等。


疑搽人緣油日前栢芝由泰國返港時，人中位置忽然反光，疑似搽咗油。


《蘋果日報》圖片

arrow
arrow
    文章標籤
    供奉 曼谷 四面 信奉 有指 玩具 lucas 上位 quintus 女神
    全站熱搜

    stacy4life 發表在 痞客邦 留言(0) 人氣()

    E-mail轉寄