住埋三個月　陳豪陳茵媺　深井甜蜜試婚

2011年09月29日

最近高調以情侶檔姿態出騷賺錢、拍劇的陳豪陳茵媺，即使戀情越來越浮面，但當事人依然唔肯講出口，承認拍拖真相。
其實，陳豪同陳茵媺拍拖是鐵一般事實，三個月前更進展到同居地步。陳豪以二萬二千元租住位於深井碧堤半島一千二百呎向海單位，進行試婚生活。
上週末（廿三、廿四日）剛完成手頭工作，新劇《天梯》又未開工，陳豪陳茵媺大部分時間都留在「豪」宅，玩煮飯仔享受家庭樂。情到濃時，陳茵媺更向男友送上愛的抱抱，甜蜜到漏。
鐵證如山，陳豪陳茵媺終於改口親證拍拖！

住埋三個月　陳豪陳茵媺　深井甜蜜試婚""
餵埋口
陳茵媺十分體貼，臨瞓前要男友食維他命丸，更親手逐粒逐粒餵埋口。

 

女友揀樓

上星期，陳豪同陳茵媺這對緋聞情侶，連續兩日拍住拖工作，先為手錶活動做嘉賓，再為新劇《天梯》試造型，難得一齊現身，被傳媒追問是否公開戀情，向來怕醜的陳豪，尷尬到面都紅晒，依然大耍太極，唔肯公開承認拍拖。
雖然口硬，但陳豪同陳茵媺拍拖七個月，發展進度超級神速，據知他們在三個多月前，已經在深井碧堤半島築愛巢，正式開始同居關係。
「聽啲行家講，五月尾嗰段時間，陳茵媺同個女仔朋友嚟搵樓，佢好 nice冇乜架子，淨係要求個單位要高層、單邊望海，要私隱度高啲。之後帶佢睇咗幾個單位，佢用電話影咗啲環境相，用英文傾完一輪電話，應該係同男友講完，好快就扑槌租咗一個 1208呎，向海望青馬橋嘅高層單位。」一名地產經紀說。
據知，陳茵媺負責出面睇，但租金就由陳豪全權負責，而他們為了避開耳目，更搵朋友代租車位，但車位大部分時間是方便女友，陳豪自己就將車泊在其他地方。

住埋三個月　陳豪陳茵媺　深井甜蜜試婚
嘟嘴想要

住埋三個月　陳豪陳茵媺　深井甜蜜試婚
在屋內兩人著住情侶 T恤，陳茵媺戴住頭箍，要餵陳豪食維他命丸，而陳豪就十足小朋友般嘟起個嘴等食。

住埋三個月　陳豪陳茵媺　深井甜蜜試婚
陳茵媺負責煮飯，陳豪就負責執碗同洗碗。

住埋三個月　陳豪陳茵媺　深井甜蜜試婚
輪流餵
食飯時，兩人你一啖我一啖，輪流餵對方。

住埋三個月　陳豪陳茵媺　深井甜蜜試婚
愛的抱抱
陳豪洗完碗行出客廳，陳茵媺即從後送上愛的抱抱報答男友。

住埋三個月　陳豪陳茵媺　深井甜蜜試婚
坐梳化睇電視期間，陳豪情不自禁攬住女友嘴了一啖。

視帝屋苑

位於深井青山公路 33號的碧堤半島，是區內樓齡最年輕的一線屋苑。屋苑共分三期，一共有八座，建築面積由 669呎至 1208呎。由於每期的景觀和樓齡不同，所以屋苑的呎價參差。
屋苑環境清靜，私隱度高，視帝黎耀祥、麥長青也是捧場客。屋苑內全部逾千呎的大單位都享有海景，主要望馬灣及北大嶼山海面，部分單位望青馬大橋。
陳豪與陳茵媺租住的千呎單位設有 40呎露台，三房一廳，其中一間為套房，另設工人套房，大廳呈長方形設計，租金約$18,000至$23,000，平均呎價約$6,200。

住埋三個月　陳豪陳茵媺　深井甜蜜試婚
他們所住的單位間隔四正，景觀開揚。

住埋三個月　陳豪陳茵媺　深井甜蜜試婚

二人世界

陳茵媺上星期為劇集《 ATF反恐》煞青，而陳豪亦剛拍完《 4 in Love》，難得有幾日假期，於是全程留守「豪」宅，甜蜜過二人世界。
由於近期天氣開始轉涼，他們將露台門、窗簾全部拉開，青馬大橋夜景海風全收。同居生活，各司各職，當晚陳茵媺賢妻上身，親自下廚，女友煮飯期間，陳豪就在客廳玩電腦。而食飯期間，兩人不停互相餵對方，你一啖，我一啖，好溫馨！
食完飯，陳豪主動體貼幫手執枱洗碗，十足十住家男人，當他洗完碗行出客廳，陳茵媺馬上從後攬住，送上愛的抱抱，之後一齊坐低睇電視，儼如夫妻的生活。

住埋三個月　陳豪陳茵媺　深井甜蜜試婚
吸金男女
上星期陳豪與陳茵媺首次以情侶檔出席賺錢活動，兩人酬勞比單人時，高出三分一。

住埋三個月　陳豪陳茵媺　深井甜蜜試婚
當陳茵媺有其他嘢做時，陳豪就玩他的 27吋 iMac。

住埋三個月　陳豪陳茵媺　深井甜蜜試婚
臨瞓前陳茵媺將房內窗簾拉埋。

住埋三個月　陳豪陳茵媺　深井甜蜜試婚
陳豪（箭嘴）熄了廳燈後，返回房內。

特務豪

廖碧兒聲稱以前同陳豪拍拖，從未得到對方確認，的而且確，陳豪警覺性媲美 G4，故甚少被傳媒影到拍拖證據。

用布遮車
04年，陳豪與廖碧兒剛撻着，女方被發現駕着七人車到男友位於西貢的村屋短聚，陳豪為免被傳媒發現廖碧兒的車泊在他家門前，於是用布將女友坐駕封冚，十分鬼祟。

跳車速逃
07年，二人同車拍拖到蘇豪區地中海餐廳撐枱腳，陳豪全程將 cap帽拉低，更選擇餐廳暗角坐。離開時，二人更棄七人車轉坐的士，發現有記者跟蹤，陳豪立即跳車。

唔敢上門
原本打算到廖碧兒位於將軍澳寓所相聚的陳豪，發現有記者在門口守候，立即折返，在女友寓所附近的餐廳呆等兩粒鐘，以靜制動。

餵食情趣

休息前，陳茵媺攞住維他命丸要陳豪食，只見他嘟着嘴，讓女友逐粒逐粒餵，對外郁吓都面紅的陳豪，原來相當有情趣。
陳豪與陳茵媺的關係發展神速，但因為公司高層建議二人暫時不要過分高調，所以他們從不公開認拍拖，就算出入愛巢，都要走隱蔽通道，絕不會一齊出入住所，以免被傳媒發現。
為了掩人耳目，他們更會在自己原本的寓所擺空城計，將用開的坐駕分別停泊在自己的屋苑內，讓傳媒以為他們仍在家。

筍盤終於肯認

週二（九月廿七日），陳豪出席俊文寶石店開幕活動，知道拍拖證據確鑿，一直唔肯開口認的他，終於改口確認陳茵媺女友地位。

壹：見到你同 Aimee連續幾日喺碧堤半島出現喎，你哋係咪同居？
豪：（即時尷尬面紅）冇冇冇，千祈唔好咁講，嗰度係 Aimee租，我哋拍拖始終喺街度唔方便，喺屋企聚會好啲。
壹：即係承認拍拖？
豪：其實都知遲早會俾人捉到，我哋都唔想瞞來瞞去，總之現階段我哋好 sweet好開心。
壹：你哋喺屋企做啲乜？
豪：（越講越面紅兼喪笑）唔係你哋諗嗰啲，我哋好健康，食吓飯、傾偈，同埋我沖咖啡俾佢飲啫！

想買風水屋

至於原本分別住在將軍澳都會駅及清水灣半島的陳豪、陳茵媺，何以搬到離將軍澳電視城頗遠的深井，是與風水有關。
「阿 Mo（陳豪）個風水師傅，都係黎耀祥、古天樂佢哋睇開嘅苗師傅，佢話港島區就貝沙灣，九龍區就碧堤半島，兩區都好風水，旺娛樂圈人。阿 Mo搬咗入去又真係再旺啲，廣告又接多咗，同 Aimee（陳茵媺）發展得又好好，所以佢考慮喺呢度買番個單位，早排都開始睇樓。」陳豪身邊人說。

結婚對象

陳豪與陳茵媺即將在新劇《天梯》中合作，原本兩人在戲中沒有感情戲，但因為兩人新聞熱烘烘，現在加插了陳茵媺暗戀陳豪的戲份。

現年四十歲的陳豪，其實已為人生大事作打算，雖然他與陳茵媺拍拖只有短短七個月，但已視女方為結婚對象，但由於對方事業剛起步，所以亦不急於一時，以免令對方有壓力，二人亦協商過，用兩年時間發展事業。
「阿 Mo帶咗 Aimee見家長，伯母都好鍾意，覺得佢好乖又有禮貌，唔會好似之前嗰個（廖碧兒）咁以為自己係大明星，要所有人都服侍佢，所以佢都有催阿 Mo快啲結婚。」陳豪身邊人說。
得到豪媽認定，外間又接受，陳豪與陳茵媺呢一對，應該好事近。

小生愛禁室

無綫一眾小生，為了將戀情保持低調，拍拖要避過傳媒耳目，唯有將女友私藏，玩「樓上拍拖」。

林峯
向來喜歡「金屋藏嬌」的林峯，今年先後被踢爆搭上兩位國產佳麗潘霜霜和芳芳。年初，林峯與潘霜霜的「床照」曝光，女方更被拍得自由出入林峯帝景園寓所，之後另一國產佳麗芳芳，又在微博上載在林峯家中自拍的照片。

黃宗澤
拍拖六年為方便見面，今年胡杏兒與黃宗澤搬住同一屋苑晉名峰，同一座但不同樓層。

鄭嘉穎
鄭嘉穎去年被拍得帶國產女模 Jenny返西貢寓所，二人長期抗戰，在屋內足足逗留了三日三夜才離開。

吳卓羲
因為拍內地劇搞掂爆乳女神張馨予，為避傳媒，張馨予每次來港也匿在吳卓羲帝庭園寓所內，幾乎足不出戶，吳卓羲更故意租用七人車接載女友，但百密一疏，張馨予竟將在吳卓羲家中自拍的照片放上網，令戀情曝光。

陳山聰
今年初，陳山聰溝掂賭王千金何超雲，成功做「何家駙馬」。二人初時對戀情保持低調，超雲更安排男友入住陽明山莊的豪宅，方便約會。

無綫撐陳豪陳茵媺同居無罪

陳豪和陳茵媺被周刊拍下在家中玩煮飯仔並互相餵食，戀情終於完全浮面，往後亦可更名正言順以情侶檔搵食，巧合地今天兩人將一起拍拖出席活動，兩人可正式公開戀情。無綫外事部副總監曾醒明對於陳豪及陳茵媺在家中被偷拍，他表示藝人私隱再一次被侵犯，他表示兩人在家中屬於私人地方，被偷拍是很不應該，但已慶幸沒上次黃宗澤被偷拍的情況嚴重，但依然強調他們私人空間被侵犯很不應該，希望傳媒自律。

他又謂無綫早已獲悉陳豪及陳茵媺拍拖，對藝人私生活不會干涉。陳豪及陳茵媺被踢爆同居，問麥長青是否一早知道？他說：「陳茵媺常與陳豪來我屋企食飯當然知，男未婚女未嫁好正常，大家住在樓上樓下方便照顧。」

「雙陳戀」獲高層開綠燈

本報早前獨家踢爆陳豪和陳茵媺在深井共建「行宮」方便相聚，令兩人戀情浮面，近日陳茵媺又被拍得在深井單位內餵陳豪吃東西的煙韌鏡頭。「雙陳」昨日齊齊封嘴，據悉留待今日在跑馬地雙雙出席活動時才回應。

無綫高層樂易玲接受電話訪問時說：「前幾日見到陳豪都有問佢感情狀況，佢話開心嘅，見到個報道，自己覺得冇問題，情侶餵食嘢唔止喺屋企會咁做，喺街都係咁啦。」樂易玲似乎為二人戀情開綠燈，她說：「陳豪同陳茵媺好合襯，我都希望佢哋開花結果。」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄