風騷人婦
28歲法拉，樣靚身材正，難得 3年前肯專一情歸一個男人， 08年喺美國秘嫁 Neway大少薛世恒。幕前風騷入骨嘅法拉，誓估唔到要同一個 22歲 o靚妹鬥。
棒打狐狸　法拉迫老公棄養 HotCha妹
2011年04月20日
佘詩曼決心離巢向外闖，與無綫改簽部頭合約，正式返大陸搵人仔，萬人迷陳法拉走馬上位，坐正花旦位。
事業得意，法拉愛情卻唔多順境。兔年新正頭，本刊踢爆 Neway大少薛世恒趁老婆法拉去美國登台作反，速會 22歲 HotCha Regen（張惠雅），事後 Regen發誓兩人冇下場，但據知一直蒙在鼓裏的正室法拉嬲到出煙，怒極棒打狐狸，勒令老公同小花斬纜，令到本有老細睇起租住大角咀私樓的 Regen，隨即打回原形。週日（ 17日）慘遭棄養的 Regen，被本刊撞正素顏執拾細軟遣返東涌娘家，爆無奈頻呼：「好樣衰呀！」

坐擁家族 7億身家，在 08年秘密娶無綫花旦陳法拉的 Neway大少薛世恒，有靚老婆仲身痕，近水樓台暗交 Neway旗下的 HotCha成員 Regen（張惠雅），農曆年初三（ 2月 5日）本刊發現 33歲薛世恒約會細佢十一年嘅 Regen，孖咇行街食甜品，大少仲用法拉專車送女返大角咀屋企再直落下場。 
獨家踢爆
 
2月見光死
農曆年初三，本刊喺尖沙咀商場 K11發現 Regen同老闆又係法拉老公薛世恒約會，沿路二人有講有笑，仲到 PAUL LAFAYET食甜品，行咗 1個鐘，大少就揸住一向由法拉用嚟出入嘅 55萬凌志跑車送女返大角咀屋企，難怪法拉嬲到要出手嘅。

斷供斬纜
其後， Regen出席新城團拜時澄清：「我同佢（薛世恒）未入行時已認識， 16歲我參加歌唱比賽，佢簽我入佢公司，同佢好熟，嗰日提早同佢拜年，我發誓只係同佢食咗個 cake，冇下場。」
雖然 o靚妹解話，但據知當時身在美國登台的正印法拉卻非常震怒。知情者透露：「其實 Regen入 Neway後冇耐，已經成日靠嗲功親近大少，仲成日扮無知去吸引人，冇幾耐就有人見佢哋兩個（ Regen和薛世恒）單獨約會，愈玩愈埋。之前 Regen同屋企人住東涌居屋，但上年頭， Regen忽然喺大角咀租咗個 300幾呎單位，表面上 Regen話係為咗方便工作搬去九龍，但其實公司好多人都知大少好照顧佢！直至今年 2月單嘢揚咗，法拉先知兩個行到咁埋。」紙包唔住火，為咗棒打狐狸，法拉不停向老公施壓，勒令老公即時斬纜。


狼狽搬竇
遣返東涌居屋， Regen一次過將舊屋嘅衣物、電腦、健身單車等多袋雜物由親友幫手車回東涌，再獨力攬住家具喺停車場同屋企來回幾轉，手持大大部 iMac嘅佢見到記者好狼狽，仲重到要搵膝頭借力。
 
手擋肉酸素顏
 
撤離金屋
 
微博呻　好難受
本刊踢爆 Regen疑似係「小三」後，法拉大怒命老公同 Regen割蓆，冇老細照顧嘅 Regen被迫撤離大角咀金屋，週日（ 17日）， Regen喺微博話：「要走了……好難受。」唔捨得間屋，定係唔捨得某人？
 
大角咀 7千 cheap租
據知 Regen得到大少眷顧多年，直至上年初，冇乜工開嘅 Regen用 7千蚊月租大角咀富新樓一個 340呎兩房單位，住得唔算豪，但勝在方便過東涌。
 
160萬居屋娘家
Regen搬回東涌裕東苑嘅居屋娘家、一個 700呎兩房單位，市值可達 160萬。
 
人手 cheap搬
Regen同親友夾手夾腳步行近 5分鐘，拎住紅白藍加幾袋雜物，冇用車仔全用人手由停車場搬去屋企樓下，等緊嘅佢周身唔自在。
 
阿媽睇實
2月，本刊撞破 Regen同大少約會前，曾見過 Regen阿媽買兩個飯盒去大角咀探女，兩人仲手拎幾袋蔬果、紅蘿蔔等，似係阿媽專誠入城煲湯。

素顏搬竇 
二少坐穩
法拉感情多暗湧，反而 Neway二少薛嘉麟就早宣布年尾迎娶諸葛梓岐，不過諸葛話搵地方大排筵席，結果婚禮要順延至明年初。

老闆娘發功雪藏，兩個月間 Regen只間中現身兩、三個活動，冇 job冇錢，連租住大角咀愛巢都冇錢畀， Regen焗住遣返娘家東涌居屋。
「雖然大少已經脫離咗 Neway，做隱形老闆開咗間『星煥』捧自己老婆出碟，但佢同 Regen搞單咁嘅嘢出來，都令到薛家人唔多高興， Regen都唔慌有運行。佢哋工作量又唔多，搞到 HotCha都危危乎！」消息指， HotCha其他兩位成員更對 Regen和大少關係有微言，而未來發展大計，據知 Neway有意將三人分開發展，免受 Regen拖累。週日（ 17日），本刊在東涌撞正佢執拾細軟，大袋二袋搬回娘家。素顏嘅佢，一見記者採訪，尷尬傻笑，又狼狽托實部大大部 iMac電腦，自嘲好樣衰。
F：《 FACE》 R： Regen
F：係咪法拉嬲，所以你要搬呀？
R：吓！（一臉錯愕）因為唔方便，同埋價錢嗰啲（屋租），所以想搬番屋企同媽咪住，又有湯飲囉！
F：法拉知你同大少啲嘢，好嬲喎！
R：吓？唔關事喎！（不知所措）冇化妝，好樣衰呀！
F：公司雪藏你，冇 job做喎？
R：唔係……公司對我好好……好樣衰呀！
F：大少有冇……
R：（搶住答）冇呀！公司對我好好！……間屋我自己 o架！自己租 o架！自己租 o架！
係咁重複話係自己租，騰雞成咁！ o靚妹果然冇法拉咁有大將之風！
女神坐正
佘詩曼返大陸掘金，帶挈法拉同楊怡兩個無綫親生女坐正花旦位，週日，無綫為撼亞視直播金像獎，將早於 3月 22日錄影嘅《華麗明星賽》加埋《女拳》大結局對撼，《華麗》有佘詩曼、陳法拉、鄭伊健同葛民輝坐鎮，收視即升 1點，平均有 25點。


讚拉踩佘
網友仲大讚短髮法拉條裙夠短，好野性。


忙拍新劇
法拉近日為新劇《潛行狙擊》特登剪短頭髮扮女警司，仲一日踩 10幾個鐘，喺微博話：「 Madam講案件講到口吐白沬」。
 
登台冇王管
冇王管嘅薛世恒 2月偷會 Regen，正值法拉去美國登台搵真銀兼探父母。法拉仲將喺 Venetian賭場登台嘅相上博。 


煮嘢箍老公
自從發生老公農曆年偷會 o靚妹，法拉向老公施壓嘅同時，又同步向外公開婚姻關係，先喺 3月 14日白色情人節出席活動，法拉被問到如何同老公慶祝時，佢冇否認話：「暫時未知，睇有冇驚喜。」最近仲學做賢妻煮番幾味，在微博晒廚藝。
HotCha分拆上市 


07年三人組合 HotCha出道，身為隊中最索、有「翻版楊思琦」之稱嘅 Regen（中）發展得最好，試過單飛拍無綫劇《五味人生》，惜自緋聞傳聞傳出後，慘遭公司雪藏，連帶其他組員都冇工開，只出席過博愛及港大活動，幾乎零收入，據知 Neway正密謀三女分拆上市，各自推出單曲及拍劇，望挽回形象。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄