11/4 17:10 CX278巴黎
週一下午約六點，鄭伊健同蒙嘉慧一人一喼返香港，兩人更着埋黑灰色情侶裝兼用同一款 Rimowa情侶喼。
中女趕嫁潮　唔撈等嫁　蒙嘉慧巴黎迫婚
2011年04月13日
拍拖近 5年的蒙嘉慧（ YoYo）和鄭伊健，雖已在男方的南灣豪宅同居，可惜有指 43歲伊健未玩夠， 35歲蒙嘉慧要　甩剩女之名仲未係時候。
男友唔着緊，中女 YoYo惟有主動出擊，趁伊健上月開完演唱會有假放，要求去歐洲旅行。本刊目擊 YoYo同伊健上週齊齊現身巴黎，一向鍾意運動的二人，在巴黎羅浮宮附近甜蜜踩單車， sweet爆。
據知巴黎之行名義上陪男友散心，事實卻是 YoYo藉浪漫之旅夾男友做老襯，加上 YoYo去年與無綫改簽部頭合約唔肯再搏，疊埋心水等做鄭太。

早前獲男友在個唱公開多謝的蒙嘉慧，雖然同鄭伊健拍拖近 5年，但一直無名無份，二人同居的 4千萬南灣豪宅由鄭伊健一人持有， YoYo平時用作代步的 25萬 Honda四驅車，則屬男友名下。


幸福雙下巴
玩足咁多日，冇化妝嘅蒙嘉慧望落好似肥咗唔少，果然係心廣體胖喎！
 
1蚊歐羅租單車遊羅浮宮
巴黎政府鼓勵單車旅行，遊客只需畀 1蚊歐羅（約 11港元）便可租半小時。伊健同 YoYo踩足成日都唔使 1千蚊，抵！
 
出到停車場， YoYo即時跳上七人車休息，剩低伊健拎住兩大個喼慢慢行。 


炒餸唔炒股
冇車冇樓冇錢過手，愈諗愈唔對路的中女 YoYo，據知一直諗盡辦法入鄭家門。知道男友唔鍾意人炒股賭錢， YoYo連麻雀都戒埋，積極學煮飯。
上月參加由草蜢主持的《華麗明星賽》時，更開到口叫蔡一傑教佢整幾味，擺明想做一個入得廚房的鄭師奶。
眼見女友愈來愈生性，伊健近期亦開始轉口風，表示「有諗過結婚，但未有時間表」。出嫁有着落， YoYo打蛇隨棍上，趁男友放假夾佢去巴黎，更投其所好陪踩單車，乘機迫婚。兩人上週五（ 8日）下午約 1時在巴黎市內租單車遊車河，身穿淺色情侶裝的二人由羅浮宮金字塔對開馬路開始，一直向塞納河方向踩去，伊健更一馬當先帶頭，蒙嘉慧就跟實男友。


鄭伊健上月在紅館開騷，尾場時主動多謝女友，「唔使你哋（歌迷）要求，我都要多謝蒙嘉慧！」而台下冧爆的 YoYo就全程照顧伊健父母（右一、二），盡晒女友責任。 
梁詠琪同伊健分手後轉食西餐，本來同美國駐港外交官 Matthew感情穩定，但因男友要調離香港而 Gigi唔肯為愛情放棄事業，結果和平分手。

狂推劇長唞 
自從 09年尾拍完《 Only You》後，蒙嘉慧冇再接劇，將所有時間畀晒男友，至上月宣傳劇集時才公開露面。

為長時間陪住男友， YoYo唔介意放棄埋事業，上年年尾同 TVB由經理人合約轉為部頭，講明每年只拍一套劇。「阿 Yo（蒙）想多啲時間陪住伊健，所以決定同無綫簽部頭，唔使困身，就算伊健要飛去第二度做嘢，佢都可以做跟得女友一齊去！而且阿 Yo之前賣咗層樓（炮台山富澤花園）有成 6百幾萬落袋，咪情願賺少啲，都唔想劇接劇咁辛苦囉！」 YoYo身邊人透露。
有份主演的《 Only You只有你》月頭播完後再冇劇開，有推劇前科的 YoYo，索性放自己大假，同公司講明 5月先接新劇。
蒙麵週一由巴黎返回香港機場時，食肥晒嘅 YoYo一見記者即時面色一沉，反而伊健則大方得多。記者問二人是否專程到巴黎試婚紗，伊健即時微笑回答：「唔係你哋諗嗰啲嘢，我哋去玩咋！」
斬手指戒賭


《蘋果日報》圖片

有傳曾炒燶 80萬孖展，要鄭伊健填氹的 YoYo，為顯示自己娶得過，不惜一改爛賭性格，唔炒股唔打牌唔過大海，轉走健康路線，陪男友打羽毛球踩單車，建立賢妻形象。
戒：炒孖展、台灣牌、入賭場

蒙嘉慧密謀嫁鄭伊健 欲奉子成婚頻看中醫養生

自06年，蒙嘉慧同鄭伊健因打羽毛球而譜出“蒙面戀”，雖然二人拍拖接近5年，但一直未傳出二人婚訊，甚至傳出蒙嘉慧“逼婚不遂險分手”。最近已踏入35歲的蒙嘉慧開始軟硬兼施，不但爲男友戒掉壞習慣，更投其所好，不時陪鄭伊健做健康運動，令鄭伊健大爲感動，但原來一切都在蒙嘉慧計劃中。

日前蒙嘉慧頻頻看中醫，以中醫調理身體，趁男友對婚姻態度軟化，即乘勝追擊出動最後一擊，密謀奉子成婚。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄