娛樂八掛大分享☆

繼 09年《 Dreaming Wedding》演唱會同舊年《煙火》新曲加精選後，將近年半都唔見黎天王喺樂壇出招。若果你以為 44歲黎明疊埋心水專心拍戲做老闆就錯晒！其實 Leon已經親自度橋 sell新歌〈遲 D見〉， MV仲由 Leon執導玩 3D，後期製作前後 9個月，成為今年 Leon新碟重頭戲。

放大圖片

 

頸變鋼管
MV壓軸一幕，係 JM埋身攻擊 Leon， Leon頸部會被扯長變鋼管，俾 JM騎上跳鋼管舞，咁有創意，真係好等睇。

 

放大圖片

 

老闆指導
黎明首個 3D MV搵咗製作《忍者龜》同《阿童木》電影動畫的意馬動畫製作 3D效果，身為故事創作兼導演， Leon全程監場，一絲不苟教 JM擺面部表情。

 

放大圖片

 

原裝密實
雖然 MV全部係動畫， JM淨係拍攝頭部表情，都拍足一個星期，夠晒認真。

 

放大圖片

 

身為 Leon愛將， JM全程表現都被黎老闆大讚滿意， MV 4月就會喺香港作全球首播，好快有得睇。

 

放大圖片

 

真身平咪
JM三年前為 Online Game《天龍八部》代言造型，嬌小 A cup上圍比起今次絕對小巫見大巫。

 

放大圖片

 

JM 07年主演《內衣少女》跳鋼管舞已經殺死班宅男。

 

勁過 GaGa

之所以後期製作耗時 9個月，皆因黎天王創意勁，構思出人、神、妖同機械人大鬥法、象徵世間男女在愛情世界無限角力的故事。由於黎天王要求高，加上後期製作連番加時，製作費更嚴重超支：「計到家已經超過二百萬，仲有宣傳同後期未做完，仲未埋單，最後數字仲未知！」東亞唱片（製作）總經理張家豐透露：「〈遲 D見〉有廣東話同國語〈 See you later〉兩個版本，係話俾 fans聽，黎明今年喺音樂方面好多搞作，大把機會見。其實真人頭同動畫人身嘅 3D MV絕對係全球首個，連 Lady Gaga都未做過！ 4月中就會結合戲院 3D首映、同 LG最新 3D電視廣告全球推出，首 MV仲俾揀做試機碟添！」

JM假大胸

Leon年度重頭作，旗下愛將梗係會得益，據知〈遲 D見〉除了 Leon外，還有老死雷頌德飾演嘅機械人、衛蘭飾演嘅蛇頭女妖，當然仲有老闆 Leon最多身體接觸兼同場的女神 JM。
JM出道已經係宅男 No.1女神，不過完美主義者 Leon仲嫌唔夠勁，親自幫 JM設計咗噴血 F cup女神造型，張家豐續說：「我哋係想貼近遊戲同動畫嗰種極盡科幻同 sexy嘅女神啫！到底個上圍有冇 F cup，其實大家都冇考究，最緊要出嚟確實極盡性感，帶俾大家想像啫！」
唔只有諗頭，黎明仲識搞噱頭。據悉，下半年將會出碟又開演唱會，黎明對回歸樂壇頭炮 MV極為重視。為了保持神秘，公司上下包括女主角在內，都未有幸親睹完成版，一概等到４月中舉行的盛大戲院首映，才真正全球首播。咁又係，女神巨咪收得密，有咩遐想得過睇唔到 o架？

放大圖片

 

舊愛迷惘
月初自爆與 7年圈外男友阿峰正處於冷戰期瀕臨分手，但上週又被週刊拍到約會， JM不願多講只說：「好迷惘……我都唔知！」

 

放大圖片

 

新歡歐遊
同屬 Amusic旗下藝人， JM與李治廷經常拍住合演電影及出席活動，近日終於傳出緋聞，兩個都係時下 o靚仔 o靚妹偶像，肥水梗係唔益人啦！

 

放大圖片

 

微博涉蜜
3月初 JM飛起男友往歐洲旅行，每日在微博上載巴黎靚相，同期李治廷自爆在米蘭工作，即被傳出緋聞。

 

黎明製作勁

正如一係唔出聲，一出聲必成金句，黎天王嘅唱片產量雖然唔高，不過一旦出招，必定大手筆製作高科技天馬行空電影版 MV，還傾盡公司精英甚至出賣身邊人， 11年前經典作〈全日愛〉就有舊愛舒淇性感幫拖。

放大圖片

 

1999動畫 leon
12年前經典快歌〈眼睛想旅行〉，黎明起用全動畫製作，兼且大膽運用互聯網作首播平台，創港產 MV先河。

 

放大圖片

 

2000舊愛露髀
二千年的另一經典〈全日愛〉更有噱頭，有當年緋聞女友舒淇露長腿扮古裝女神，故事穿越古今，一樣天馬行空。

 

放大圖片

 

 

 

放大圖片

 

2006色慾級數
5年前黎明帶領衛蘭、衛詩、應昌佑及老友杜汶澤拍攝超想像音樂電影《緣邀知音》，拉隊飛往紐約更豪租《 Sex and the city》場景，又成功引起話題。