記者上前追訪 Ponny，她立刻急急腳行去的士站。記者截住她，她回應幾句便匆匆離開。
大封面
爆陳賤聰撇妻內幕　 Ponny首開腔：我好 hurt
2011年03月18日
34歲陳山聰，拋棄糟糠妻 Ponny Yeung，冧掂賭王千金何超雲，換車住豪宅踏上富貴路。
近日本刊收到內幕消息，陳賤聰為了高攀富家女，去年尾不斷迫前妻離婚，更與 Ponny在情人節簽字離婚，藉以趕及當晚飛到澳門與超雲名正言順慶祝。 Ponny飽受傷心折磨近一個月，終於忍唔住前夫如此無情絕決，首度開腔︰「我好 hurt！」
月入二萬的陳山聰，自從冧掂賭王三太大女何超雲後，身價三級跳，不僅由清水灣半島，搬入三太名下、月租十二萬的陽明山莊，更將揸了多年的豐田黑色 bB換掉，改揸寶馬三系。雖然大話聰初時死口唔認與超雲拍拖，但戀情漸漸浮面，有讀者公開二人農曆年遊澳門的照片，而超雲亦忍唔住出口撐。


3月 16日下午 3時許， Ponny在海港城的潮牌 Y’S揀衫，但她件件睇吓就放低，冇厘心機！
 
3月 Ponny生日，失婚的她依然有一班圈中好友，如林峯等與她一起到台灣旅行散心。

情人節簽字離婚
老公貪戀富貴女而跟自己離婚，前妻 Ponny心情跌落谷底，加上為了避開記者追蹤， Ponny月中到台灣旅行散心，然後再搬到友人家中暫住。本周三（ 16日）下午三時，記者發現戴上黑超的 Ponny面容憔悴，在尖沙嘴港海城名店漫無目的遊逛，記者上前做訪問。提到陳山聰，她咬一咬牙。
忽： 有傳你同陳山聰喺今年情人節去律師樓簽字離婚？
P：件事令我好 hurt，唔想再提呢個人（陳山聰）。唔該你哋（指傳媒）唔好再騷擾我同我屋企人，我阿媽高血壓又中過風，唔好再搞我哋啦！（急急腳想離開）
忽： 你喺微博寫「天……在看的」，又轉載「不要為一個不愛你的人去浪費一分一秒」，係咪暗示陳山聰呀？
P：只係抒發自己嘅心情。


本周三（ 16日）陳山聰出席劇集《回到三國》造型活動時，避談前妻，明顯劃清界線。
 
超雲唔認包養男人，但對於與陳山聰發展可能性，就沒有否定。
 
visvim黑色 Hexagon 8L腰袋
 
日版卡其色帽
 
visvim卡其色褲
有讀者向《蘋果日報》提供照片，指陳山聰與何超雲農曆年齊齊到澳門睇煙花，而當日陳山聰揹的袋及穿的褲，記者從其舊相中亦找到一樣的款式。

Ponny微博吐心聲
昔日， Ponny不時在老公陳山聰微博留言及打氣。如今，山聰為超雲拋棄糟糠，對前妻不問不聞，連日來 Ponny亦在微博發表心聲。記者問到山聰對前妻在微博的留言有甚麼感想，他竟滿不在乎話：「冇睇喎！佢寫咩唔理。」日日上微博的山聰，連微博都取消了關注 Ponny，又點會留意前妻的傷痛呢？


3月 13日網友撐 Ponny
Ponny在微博寫希望藉汗水帶走不快。
 
微博甫出後， Ponny獲唔少童鞋力撐，作為陳山聰及 Ponny的老友陳敏之亦留言。
 
而鞋童「睇你點 PK」亦留言力撐 Ponny：
 
3月 11日心死留言
 
1月 23日簽紙前發火
Ponny在微博寫上「唔好再挑戰我」，當時她和陳山聰正着手辦理離婚事宜。
 
12月 11日離婚前呻爆
Ponny轉載了「全球時尚」一段文字，來剖白心情。

提超雲扁嘴
忽：係咪何超雲介入，令你哋婚姻出現問題？
P：（扁一扁嘴）唔想講。
忽：同山聰分開後，有冇再聯絡？
P：冇！（決絕地）
忽： 對於贍養費，山聰就話同你已經解決咗，佢有冇俾錢你？
P：佢都講咗啦！佢話咩就咩啦！
忽： 陳山聰連環被踢爆講大話，你哋一齊咁耐，佢有冇呃過你？
P：你都話佢成日講大話啦，我點知佢邊句真。（說罷即截的士離去）

去年 6月，陳山聰同已是陳太嘅 Ponny在圓方潮流家品店掃貴價家品。當時已有些少知名度嘅山聰在公眾場合十分避忌，從不會與老婆拖手。 


出埠後嗌離婚
據知，大話連篇的陳山聰，去年已經瞞住老婆暗中搞搞震。知情者話︰「 Ponny同山聰一齊 11年，佢係廿四孝老婆，一向對老公千依百順，但山聰一黐埋個女人度，就即刻嗌離婚。 12月初，山聰呃 Ponny，話同朋友去泰國旅行，但其實係去溝女。佢一返嚟就突然提出要離婚，話同 Ponny淡咗喎！不過 Ponny同好多圈中人好熟，佢好快收到風知道老公出軌。」適逢當時何超雲身在英國倫敦，亦在微博晒幸福。
發現肉麻留言
與此同時， Ponny亦發現山聰經常匿埋講電話同用 whatsApp發信息，她開始知道事態嚴重。「 Ponny有偷睇山聰嘅 whatsApp，裏面好多肉麻嘅留言。個女人喺半夜三更 send嚟，內容是︰『我好掛住你，我好想見你，你可唔可以出嚟見我？』、『今晚有冇掛住我？』及『你有幾愛我？』等等。佢見到呢啲留言梗係火啦，同山聰炒咗幾次大鑊。」
不過，據知 Ponny為了挽救婚姻，曾經打算讓步，提議與老公去旅行坐低傾下，但陳山聰就好堅決，一味話唔使再傾。之後仲玩失蹤，試過三日冇返屋企瞓，理由是拍劇。 Ponny才如夢初醒，知道兩人冇彎轉。


陳山聰經常用 iPhone自拍潮物上微博，想不到這部電話也是他與超雲拍拖的重要工具。
 
情人節當晚，超雲捧着 99支紅玫瑰，更表示：「 Thanks my love!」

山聰超雲微博傳情 


陳山聰為何超雲撇老婆後，旋即被全球插爆，成為新一代賤男。雖然陳山聰打死唔認同超雲拍拖，但兩人在微博晒幸福，超雲更開聲力撐「十卜賤聰」。

3月 15日男澄清女力撐
陳山聰被傳有私生子，他即於清晨近七時留言，澄清沒有私生子。而超雲晚上亦留言十卜（ Support）。
3月 11日默認拍拖
有童鞋在陳山聰微博上力撐他，指「藝人也有權拍拖，他們開心就好了……」陳山聰表示「多謝支持！」默認了拍拖。同日超雲亦在微博發功，「堅信日久見人心！」
1月 31日熊公仔示愛
1月的微博上，兩人已暗中傳情，只見超雲攬實寫上「 with love」的熊 bear bear。翌日陳山聰竟同樣上載了張熊 bear bear照片，更寫上「妳愛我嗎？」
自認貪慕虛榮
「二月初，山聰打電話俾 Ponny，話已經搵咗律師辦手續，仲約咗情人節嗰日朝早去簽字。當時 Ponny好激動，問佢點解偏偏要揀呢日，又問佢係咪貪慕虛榮到咁嘅地步。點知個男人發難話︰『係！咁又點吖！』嗰刻 Ponny真正心死，佢好傷心，打咗俾幾個朋友，邊喊邊呻，成個人崩潰。始終十幾年感情，個男人真係做得好絕！」而陳山聰之所以趕住情人節離婚，原來當晚他已約了超雲齊齊慶祝，更以此作為情人節禮物，向對方表示心跡。


齊返陽明山莊
3月 7日，陳山聰駕着新換的寶馬，返回陽明山莊新居。《壹週刊》圖片
 
何超雲車
3月 15日下午 3時，超雲乘 Benz由三太家到陽明山莊，至凌晨時分仍未見離去。
 
去年 12月，超雲在倫敦街頭抱着一束玫瑰花晒幸福，無獨有偶，陳山聰當時亦同老婆 Ponny話，同班朋友去泰國旅行。


周日（ 13日），陳山聰為劇集《我的如意狼君》開工，現場所見他十分風騷，心情勁靚。

老婆包裝變潮
其實，陳山聰借女上位已不是第一次。 11年前，陳山聰在 party巧遇 Ponny時，當時他半紅不黑，知道女方不但開舖賣潮服，又因為做設計師關係與圈中人熟稔，便即展開熱烈追求。借助 Ponny的人緣及對時裝的觸覺，陳山聰不但開始認識日本潮服，後來更為不少明星到日本入貨，逐漸成為今日的「潮山聰」。「山聰一直覺得自己仲有得上，所以佢雖然同 Ponny拍咗拖咁耐，但喺公眾場合好避忌，成日同老婆保持距離，直至俾雜誌影咗一齊行家品店，先局住認啫！咁多年嚟， Ponny都幫佢唔少，但男人嘅嘢真係話變就變。」
至於陳山聰，本周三中午 12時（ 3月 16日）出席無綫新劇《回到三國》造型時，回應前妻的事，他氣定神閒。
忽： Ponny喺微博寫「天……在看」，係咪話你？
陳：佢寫乜我唔理，亦唔方便講，近排好少聯絡，我要開工嘛。
忽：咁你有冇俾贍養費？
陳：呢啲咁私人嘅事，我唔會講，我哋兩個人之間嘅事自己會解決！
忽：有傳三太棒打鴛鴦？
陳：真係唔識三太。有冇見過佢？冇見過！
唔想提往事


據知三太對超雲黐實奀星甚為不滿，曾棒打鴛鴦，但超雲卻依然暗中與山聰交往。

對於他與超雲坐直升機去小島私度溫馨二人世界，及私生子一事，陳山聰連聲否認，並指同謝凱珊（陳冠希舊愛、 T&T主音）拍拖，已經是多年前的事，唔想再提。
周三（ 16日）下午，何超雲理髮時接受記者訪問，問到陳山聰與她戀情發展的可能性時，她報以甜笑，並承認與陳山聰有短訊聯絡，問到陳山聰人品時，她說：「幾好」。
緋聞一籮籮
陳山聰口甜舌滑，圈中女人緣旺盛，除了契姐伍詠薇外，緋聞女友一籮籮。


98年與組合 T＆T的主音謝凱珊拍拖，其後因女方移情陳冠希分手，亦因此最近被爆兩人早有私生子，惟陳山聰否認。
 
07年 2月， Tobby 24歲生日，大搞制服派對，當晚陳山聰以男主人身份，拖着壽星女出現，因而傳緋聞。
 
07年 1月，剛與錢嘉樂甩拖的李珊珊，與陳山聰結伴睇波，因而傳出緋聞。
 
07年 4月，陳山聰與徐淑敏拍攝電視劇《緣來自有機》，兩人在片場共用粉盒，態度親暱，被指戲假情真。

陳山聰抛妻勾搭賭王愛女 前妻開腔斥無情無義

陳山聰抛糟糠之妻搭賭王愛女，踏上富貴路
34歲的TVB藝人陳山聰，抛棄糟糠妻子Ponny Yeung，轉去勾搭賭王千金何超雲，換車住豪宅踏上富貴路。

近日記者收到內幕消息，陳山聰爲了高攀富家女，去年底不斷迫前妻離婚，更與Ponny在情人節簽字離婚，借以趕及當晚飛到澳門與何超雲名正言順慶祝。Ponny飽受傷心折磨近一個月，終于忍不住前夫如此無情無義，首度開腔：“我好受傷害！”

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄