2月 26日晚上 10點， Dominic與糖妹丟低大班飯聚朋友，並肩走出食肆在 Dominic的車上放下雜物。
主動示愛
夜會黐實
上月尾（ 26日），糖妹與糖兄工作完後在旺角分手，糖妹獨自一人跳上的士，前往佐敦的川菜館會合男女友人。
進入川菜館不久，糖妹跟在周秀娜師弟、組合 Bro5成員 Dominic身後，把隨身雜物和粉絲小禮物放在 Dominic座駕上，然後並肩在附近士多購物，再回到食店。
兩人默契十足並肩而行，關係看來十分密切，身為跳舞組合成員， Dominic勤力健身最愛在微博騷大隻相，資料更顯示 Dominic今年 22歲，正好比糖妹年輕一歲，而 Dominic所屬的 Bro5今年亦將正式加入樂壇推出多首 MV與廣告，非常脗合糖妹新歡條件。惟獨上位糖妹表示表白後被新歡疏遠， Dominic看似與糖妹感情依舊，飯後還體貼接載糖妹。
「第時咩都有可能」
週一(14日)，記者分別致電糖妹和 Dominic，一早發現成為追蹤目標的二人果然交情深厚，答案一致，都表示 Dominic不是糖妹的心儀對象。
糖妹：「條件真係好脗合，不過 Dominic確實唔係我表白對象。喺我表白咗之後，對方已經幾個月冇同我聯絡啦。我同 Dominic喺彭秀慧（舞台劇導演、梁洛施閨中密友）嘅演技學校識，我畀嗰個男仔拒絕後，都有問 Dominic意見，想知男仔心裏邊諗法。我哋太熟啦，熟到冇可能會過電！」
至於曾經與 o靚模師姐 DaDa（盧頌之）一劇撻着的 Dominic就玩爛 gag：「我同 Dada分手之後，怕咗女仔。其實我鍾意嘅人係糖兄阿峰，想搵糖妹幫我搭路咋……哈哈！糖妹鍾意嘅人真係唔係我，嗰個人我都識。換着係我，唔會因為女仔向我示愛而同佢疏遠，尤其係糖妹。識佢耐就知，佢份人傻吓傻吓咁，人好好，我唔會咁而唔要個朋友囉。會唔會鍾意糖妹？第時咩都有可能發生，我又唔想講得咁實。」識留條後路喎！
微博早傳情
Dominic微博不時上載與糖妹遊玩相片，去年 10月咁啱又係 10月生日嘅 Dominic同糖妹、陽光妹 Leanne（右二）一齊去生日會，糖妹坐正喺佢隔籬仲要放心大覺瞓，關係非比尋常。對於車廂瞓着，糖妹解釋是一班演技班同學坐 Dominic車齊齊往話劇界才女彭秀慧家中聚會時所攝。
糖兄不是兵
糖兄妹走紅以來，不只歌 hit、專輯出過六版全部沽清，二人更是討論區熱話，糖妹被封為宅男女神。不少網友認定糖兄阿峰（潘雲峰）是糖妹的觀音兵，攻擊糖兄拜倒甜美可愛的糖妹裙下，更愛惡搞二人合照醜化糖兄。
事實證明工作後相差 8年的糖兄妹各有各玩，糖兄還有個相戀六年的穩定女友：「我六年前喺商場彈結他，佢係商場公關，六年前平安夜，我偷聽到佢冇人約，膽粗粗約佢咁就撻着。我哋喺好多人心目中係美女與野獸組合，好多人唔睇好我哋。」糖兄嘅愛情故事，糖妹聽咗都話感動，宅男唔好再屈糖兄係兵啦！
糖妹：我有矜持！
F：《 FACE》糖：糖妹
F：咁點解戴嘅戒指同 Dominic同款？
糖：我哋成班人戒指都好似，連 Anjaylia（陳嘉寶）都戴嗰款，咁啱啫！
F：暗戀對象話拍拖影響你哋圈中發展？
糖：我都有問過公司，公司話冇所謂，拍拖咪公開囉，家歌迷都好樂意祝福嘅！
F：恨唔恨拍拖？
糖：好恨 o架其實，尤其係見到阿峰同女朋友咁 sweet！
F：咁你會唔會似阿 G.E.M.一樣，仲係處女？
糖：吓？我好有矜持 o架！唔講呢啲！
F：係好有矜持仲係處女，定好有矜持唔講呢啲呀？
糖：好有矜持唔講呢啲呀！
o靚模殺手
今年 22歲，身高 179cm嘅 Dominic（何浩文），出身教育家庭，爸爸喺教育局工作、媽咪教書，他 07年留學英國兩年後回港，旋即被經理人睇中加入 4人跳舞組合 Bro5，不時又做吓 model嘅佢同時又參與 TVB做四葉草，為咗加入娛圈擱置咗學業，仲有 1年先可以攞正牌做會計師。
09年 7月︰四葉仔出身
簽約 GME前，身為男模的 Dominic（紅圈）拍住巨胸謙（後右一）做過無綫劇《四葉草之南華夢飛翔》主角之一，出道時染長金髮嘅佢舞蹈了得，曾被冠以「 o靚版 Rain」。《蘋果日報》圖片
麥玲玲批糖妹：「熱情過人！」
人仔細細嘅 Kandy感情路上主動過人，入行前主動斬情絲與四年男友分手，最近又女追男主動示愛，玲玲師傅都話符合命理：「糖妹屬兔， 10月 16日出世，係魁罡日將軍命，喺呢個日子出世嘅女仔生成男仔性格，好清楚自己喜好，會幫自己做決定。佢眼仔碌碌係大眼妹，亦代表佢個性外向熱情過人，桃花旺盛。 Kandy桃花運由 16、 17歲已經開始行緊，不過真姻緣要到 38歲虛齡至到，之前嘅好易散！」
留言列表
