許志安 含春 安仔 冧談 Sammi 鄭秀文

 

鄭秀文 被揭 復合 Sammi 心情 靚爆

 

訪問過程中，安仔講演唱會就侃侃而談，但提到復合及 Sammi，則變得扭扭擰擰，問佢十個問題先答兩句，不斷講：「你明啦！」
大封面
Sammi三度發放復合信號　許志安：“唔會再俾佢走”
2011年03月11日
上周四（ 3日），許志安與鄭秀文被拍到在太平館甜蜜撐枱腳，復合曝光，兩人卻只笑不回應。四日後，安仔在個唱記招上首度承認復合；同日， Sammi亦風騷寫了篇「太平宣言」，交代重拾愛情的心聲。
據知安仔之所以有勇氣追番 Sammi，全因女方三個愛的信號。拉鋸廿年，兜兜轉轉，兩人發現始終最愛對方，最後在今年情人節前，安仔鼓起勇氣約會 Sammi，一擊即中。
重燃愛火， Sammi冧爆話「希望這關係可以開花結果」，而安仔接受本刊訪問時亦深情表示︰「唔會再俾佢走。」今次應該打風都打唔甩！

這陣子，安仔為 5月個唱頻頻做宣傳，適逢被踢爆與 Sammi復合，每次出現都被記者逼供。談到復合，他像錄音機重複又重複︰「我哋嘗試重新開始認識，希望可以俾多啲時間同空間我哋，始終做咗好耐朋友，性格都唔同咗，依家只係起步。」
剛復合已經被傳法國結婚兼趕生仔，安仔尷尬說：「我哋啱啱一齊番，見到呢啲報道嚇咗一跳，真係唔係，希望大家俾啲空間我哋。」

尷尬

含春

同 Sammi行到尾
安仔為本刊做專訪時，記者當然不會放過他，每當提到 Sammi時，他面上不期然甜絲絲：「真係好開心，要講嘅都講咗，唔想理咁多，淨係想開開心心。依家個人成熟咗，識得珍惜，唔會再俾佢（ Sammi）走！（係咪同 Sammi行到尾？）都係 o架！」
記者逼問他幾時求婚，他求饒說︰「唉！你哋咪咁！同佢啱啱開始咋！我希望以後可以正常少少、低調少少。」
周一（ 7日）的記招活動上，現場 fans祝福安仔重拾舊愛，問經理人郭啟華會否請 Sammi做安仔個唱嘉賓。他說：「有諗過，但安仔第一個反對！」

 經理人郭啟華

3月 6日封嘴
上周六（ 5日）， Sammi與杜琪峯出發到雲南，拍電影《高海拔之戀Ⅱ》。當日上午她現身機場時，依舊封嘴拒談戀情。


 
3月 7日太平宣言
7日， Sammi發表「太平宣言」，並坦言希望與安仔「開花結果」。

Sammi雲南心情靚
3月 6日， Sammi乘中午機到昆明，當晚即乘內陸機到香格里拉取景。 Sammi入住當地一間著名的六星級酒店，由於連日大雪，攝製隊花了兩天時間，在拍攝現場先搭建帳幕。
有哮喘底的 Sammi先在酒店休息兩天，待適應當地三、四千米海拔的高原氣候，才於 9日正式開工。由於攝製組包場拍攝，閒人未能進入拍攝現場。而為了保密， Sammi下榻的酒店樓層，亦守衛森嚴。當晚 Sammi收工後，本刊上前拍照，工作人員及保安立即上前阻撓，並粗暴推撞記者兼搶相機，最後驚動酒店經理擺平事件。
同日晚上 10時許， Sammi在微博自爆心情靚靚嘆茶，又多謝眾人在網上的祝福。

3月 9日微博報平安

保安護駕推撞記者
9日晚， Sammi開工後，坐銀色保母車從酒店後門的特別通道入酒店，藉此掩人耳目。


工作人員喝止記者拍照，並推撞記者兼搶相機。之後記者又被一操流利廣東話的工作人員問：「你哋好熟口面，係邊間？」記者反問她 Sammi明天在哪裏開工，她不發一言返回酒店房。


拍攝組包了三樓貴賓房全層，更安排保安在酒店輪更守衛，十分嚴密。


《高》片在普達措國家公園的森林及湖泊取景，並就地搭建了帳幕放置器材及供演員休息。

冧爆情侶餐

上周四（ 3月 3日）， Sammi與安仔在佐敦太平館撐枱腳，被記者撞破拍照，當時安仔緊張狂飲水壓驚，反而 Sammi則氣定神閒冧笑。
安仔與 Sammi被傳媒影到在太平館甜蜜撐枱腳，安仔擦$80一份豬髀（左下圖）， Sammi則幹掉$93的鹹牛舌。「復合」照片一出，近日唔少市民都慕名而去，更指定「柯打」他們的「情侶套餐」。 


一齊平安面對
Sammi因信主，變得親切可人，安仔亦受感染信主。大半年前，安仔開始返教會，但為免尷尬，他並非返 Sammi位於金鐘的「港福堂」，而是跟孫耀威返尖沙嘴的教會。信主後，安仔承認改變了不少：「係呀！個人豐富咗，以前只係識得『攞嘢』，依家學識『接受』同『安排』，從中學習，睇嘢嘅角度、感覺都平和咗，唔會咁執着。」
問他復合有否初戀感覺，安仔低頭傻笑：「答唔到。」問到怕唔怕被攻擊借感情做宣傳？他想了想認真說：「呢方面我睇得好開，相信冇人會用真感情嚟做宣傳，咁樣講係侮辱，總之我哋個心要平安先，一齊平安面對。」
至於前女友余德琳被指患上抑鬱症？安仔說：「人最緊要向前望，以前嘅嘢過去就過去咗。佢係圈外人，你哋唔好打擾佢！」
談感情安仔左閃右避，不及 Sammi敢愛敢恨，更坦言講自己的愛情。據知去年開始， Sammi曾三度向安仔發出愛的信號，終令安仔放下心中包袱放膽去愛。第一次是前年 12月， Sammi在個唱中與安仔忘我一攬，之後自爆：「相信上帝會安排一個很適合我的人，不過我依然好希望呢個人是單眼皮」。
第二次是去年 7月，安仔宣布與前女友 Michelle分手後，被指「第三者」的 Sammi發聲明，剖白心情︰「如果你問我心底有沒有想過與安仔復合這事，我會坦白︰『我有！』……但最終有沒有發生過？沒有！」，毫不掩飾對這段情的留戀。
第三次是去年十月的上海東亞騷， Sammi在後台與安仔碰面，當時她不但熱情攬住安仔影合照，更與對方咬耳仔成分鐘。 Sammi俾晒提示，安仔當然收到。一班兄弟如張衞健及梁漢文等亦收到風，個個舉腳支持，不過安仔只欠一個表白的機會。

安仔的過氣女友 Michelle，自與安仔分手後，回復 OL生涯，在中環卡地亞 office上班，更被指患上抑鬱症。《蘋果日報》圖片

周五，被踢爆與安仔復合的 Sammi，依然冇避忌，風騷出巡去做腳底按摩，全程笑咪咪。

09年 12月第一信號仍愛單眼皮

前年 12月，安仔為 Sammi個唱做嘉賓，合唱完忘情一攬，之後兩人傳憑歌寄意翻撻， Sammi公開說安仔已是「過去式」，但仍然相信上帝會為她安排的人是「單眼皮」。
去年 7月第二信號剖白想復合

7月，安仔宣布與女友 Michelle分手，被指第三者的 Sammi，即發聲明表白想過與安仔復合，強調兩人當時只是朋友關係。
去年 10月第三信號後台攬實

去年 10月，安仔與 Sammi在上海出席音樂騷，兩人在後台相遇， Sammi主動攬安仔合照兼咬耳仔，十分親暱。
安仔、 Sammi Face Time傳情
在港的安仔，啱啱先承認同 Sammi復合，女友因為拍杜琪峯新戲《高海拔之戀 II》，要飛到雲南香格里拉開工，剛重燃愛火卻要分隔兩地。安仔與 Sammi為解相思之苦，一得閒就 Face Time談情。安仔話：「咁雲南嗰邊天氣咁凍，關心佢（ Sammi）都好正常！」
 
安仔及 Sammi都愛用 iPhone上微博，現在更用埋 Face Time隔空傳情。
1月 31日啞鈴傷額
1月， Sammi做 Gym時被啞鈴弄傷額頭，入院縫了兩針，據知安仔知道後即緊張打電話問候。
2/3搽艷唇出動
與安仔撐枱腳前一天， Sammi自爆搽紅唇想着裙，唔知當晚係咪佳人有約。
情人節表愛意
今年一月， Sammi在微博透露做 Gym時傷頭一事，據知安仔知道後大為緊張。知情者話︰「安仔一直都好關心 Sammi，知道佢整親頭，即時打電話問候，之後佢兩個電話打密咗，安仔嘅信心大咗，喺今年情人節終於出手，送咗份小禮物表愛意。 Sammi等咗咁耐，終於等到啦。」
記者問安仔， Sammi仍愛單眼皮的宣言，是否令他重新鼓氣勇氣追求 Sammi，他尷尬話︰「當時我咩都唔敢諗，咁對兩個女人都好唔公平！我只可以話，當年同 Sammi嗰段情，係最刻骨銘心。（之後 Sammi發聲明，表白諗過復合喎！）總之我同佢冇得講點開始，感覺嚟，好 natural好正常咁囉。」
其實自去年開始， Sammi一直等安仔做嘢。據 Sammi教友透露︰「其實我哋個個都介紹過啲專業人士俾 Sammi，條件好好，有啲仲係高大靚仔，但佢約會過一次之後就猛話唔啱。之前分享見證時，又好自然提起安仔，咁大家都明白點解其他男仔佢睇唔上眼囉。」
重獲愛情滋潤的 Sammi，周六遠赴雲南香格里拉拍戲， Sammi頭兩天到埗，因為大風雪阻礙了拍攝，工作人員爆料︰「 Sammi趁空檔，就匿埋一邊甜絲絲打電話。」其實，安仔事前知女友要到雲南拍戲，已為她準備足夠藥物預防高山症，現在當地又遇上大風雪，安仔當然更擔心，所以一得閒就致電 Sammi噓寒問暖。
安仔與 Sammi復合，全城祝福， Sammi的「太平宣言」更被網友轉載 9萬多次（截至 3月 9日），乃娛樂圈上半年最大的喜事！

自復合消息傳出後，安仔日日被記者包圍，連演唱會票房亦走勢勁，首日（ 8日）賣飛，未到一日已火速售罄。
 
Sammi返教會後，多次被影到與男教友約會，但全部都是冇米粥。《 FACE》圖片
 
未承認同 Sammi復合前，安仔連日來都被記者跟實，未能與女友日日見。不過他上草蜢節目《華麗明星賽》時，被主持問〈火熱動感 La La La〉是誰唱？安仔唔介意將 Sammi同自己個名字連在一起。

明星好友齊撐

安仔 Sammi奉子成婚

今年二月初，堪輿學家譚雲龍為本刊預測娛樂圈大事，當時譚師傅一語中的，批中許志安同鄭秀文今年會復合。今次譚師傅再替兩人預測，批兩人會奉子成婚！
譚師傅指：「許志安今年桃花入命，會有真正嘅情緣，而鄭秀文紅鸞星同六合星入命。紅鸞星指真命天子，六合則指好靚嘅情緣， Sammi今年好大機會雙喜臨門。出年亦都有仔女星出現，佢哋最遲 2013年結婚，農曆四月佢哋兩個都出現同居數。」
譚師傅再指他們兩人命格好夾，「安仔條命好錫老婆， Sammi就好旺夫，佢哋天生一對。而兩個條命都係先生仔或者奉子成婚，總之年初結婚，年尾一定會生仔。 Sammi嘅本命有三胎，會先女後仔。」

鄭秀文三度放複合信號 許志安：不會再放她走

許志安坦言此次複合不會輕易分手
3月3日，許志安與鄭秀文被拍到在太平館甜蜜共餐，複合曝光，兩人卻只笑不回應。4天後，許志安在演唱會記者會上首度承認複合。同日，鄭秀文也風騷寫了篇“太平宣言”，交代重拾愛情的心聲。

據知許志安之所以有勇氣追回鄭秀文，全因女方三個愛的信號。拉鋸20年，兜兜轉轉，兩人發現始終最愛對方，最後在今年情人節前，許志安鼓起勇氣約會鄭秀文，一擊即中。重燃愛火，鄭秀文開心的說“希望這關系可以開花結果”，而許志安接受記者訪問時也深情表示：“不會再讓她走。”看來這次應該不會輕易分手了。

 

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄