每逢訂購歐洲車,好多車主都會忍唔住左加右加大堆 Options,堆單都幾襟計!為慶祝平治之父 Karl Benz發明汽車 125周年,代理推出名為 EDITION 125特別版,以 Options優惠套餐送大禮,根本就半賣半送,乘機補貼加稅後的車價升幅都好呢!記者:許維雅攝影:譚盈傑Model: Annie G@GME Models


其他副刊影片 最平最貴 E仔無份受惠

買開歐洲車的車主都知道訂購新車時,有好多 Options選擇,名牌音響、胎軨、天窗、配件等多不勝數,有些為提升實用程度、有些為提升享受質素、有些為車身外觀增美感,最終目的都係令愛車變得更個人化。不過個人化的代價一向唔平,每件配件嘅價錢由幾百至幾萬元不等,有時加完料真係夠買多半部車,但醒目的車主就識得等待時機睇準機會!若然你一直想換部平治 E Class或 S Class的話,機會到喇!因平治為慶祝汽車發明 125周年,為 E Class及 S Class兩款車系推出 EDITION 125版本,新版本會跟指定 Options套餐,不過就只收約一半價錢。以 E Class而言, E250 CGI加收$38,000; E300及 E350就加收$30,000,但售價最平的 E200 CGI及最貴的 E500及 63就無份入圍今次特別版行列,只限房車系列!

免匙 天窗 暖椅 半價賣 放大圖片
■全景式玻璃天窗大大增加車廂空間感。

■全景式玻璃天窗大大增加車廂空間感。

放大圖片
■有座椅熱風送暖,着性感晚裝時都較易抵寒。

■有座椅熱風送暖,着性感晚裝時都較易抵寒。

放大圖片
■免匙系統係女士們的恩物,唔使每次開車都左搵右搵。

■免匙系統係女士們的恩物,唔使每次開車都左搵右搵。

 

三個 Options慳三萬幾蚊

率先借來 E300 EDITION 125拆禮物,睇睇特別版有咩特別。外觀上跟普通 E300無乜分別,實在有點失望,以為廠方會整啲 125周年車徽放上車,結果出乎意料之外係無嘅。但話說回頭,大部份準車主最想要的都係着數優惠, EDITION 125版本正是抱住送大禮的宗旨,有三個 Options附加,包括可加熱及通風的前排座椅、全景式玻璃天窗及 KEYLESS-GO免匙啟動系統,三樣加起的原價要六萬幾蚊,現在畀三萬蚊搞掂,足足慳咗一半。雖然份禮物唔算特別大,但勝在三項 Options都實而不華,好似天幕頂設計的雙天窗,連後排乘客都可有視野廣闊的空間。天寒地凍時,有張能夠送上暖風的座椅,實在窩心。至於免匙系統更屬新一代汽車不可或缺的配備,輕輕一按門柄已經可以鎖車或開門,又免卻反鎖車匙喺車內的煩惱。

放大圖片
■中控台的座椅冷暖風按鈕有三個程度調校。

■中控台的座椅冷暖風按鈕有三個程度調校。

放大圖片
■錶板中間的小屏幕可顯示導航及油耗等訊息。

■錶板中間的小屏幕可顯示導航及油耗等訊息。

放大圖片
■唔係咁多車主知道 E仔的多功能顯示屏亦有中文選擇。

■唔係咁多車主知道 E仔的多功能顯示屏亦有中文選擇。

放大圖片
■有 KEYLESS-GO,手指輕輕一碰門柄便可開門。

■有 KEYLESS-GO,手指輕輕一碰門柄便可開門。

放大圖片
■由桃木換上金屬板的內櫳裝潢,似乎更簡約年輕。

■由桃木換上金屬板的內櫳裝潢,似乎更簡約年輕。

放大圖片
■除 E300, E250 CGI及 E350都有 EDITION 125版。

■除 E300, E250 CGI及 E350都有 EDITION 125版。

 

E300 EDITION 125 Avantgarde

引擎: 2,996cc V6馬力: 231hp/6,000rpm扭力: 300Nm/2,500rpm-5,000rpm傳動:七前速自動波連+/-售價:$755,203(已計算新增稅率)查詢: 2895 7339


■平治以 Options套餐送大禮,你有無興趣拆呢份周年禮物呢?\n

Posted by stacylife at 痞客邦 PIXNET 留言(0) 引用(0) 人氣()