5/2
陳法拉老公薛世恆和 Regen二人逛尖沙咀商場 K11，行得相當近，沿路仲不斷有講有笑！見 Regen笑得咁冧，唔知真係以為佢哋兩個拍緊拖！
無敵嗲功
出道近 4年， Regen幾乎零緋聞，但她曾坦言恨拍拖，更曾自爆錯過好男人，至於擇偶條件，更表示要成熟型。「我家鍾意成熟同有事業心，好似劉青雲就好。」
Regen樣子 cutie，表面冇殺傷力，但原來電人於無形。她與薛家大少薛世恆更早有淵緣，當時 Neway由薛世恆打骰，據知 Regen已經常藉故親近，不過當時大少身邊早有法拉。「 HotCha入面 Regen係最嗲嗰個，佢覺得自己個樣好甜 o架！佢仲好識冧人，最鍾意扮到自己乜都唔識咁，然後好熱情咁去問人，嗰時佢哋成班人成日去 Neway唱 K玩！」知情人士說。及後薛世恆被父親薛濟傑打入冷宮，由二少薛嘉麟坐正，雖然薛世恆脫離 Neway，另起爐灶幕後揼本開星煥國際，但一樣無損二人感情， Regen仲成日叫埋其他 HotCha成員同舊公司同事，以聚舊為由相約薛世恆，繼續發功。
7:45pm睇展覽
薛世恆同 Regen極速行街、食完甜品、睇完電器，之後再睇藝術家陳麗雲作品展，薛世恆仲對陳麗雲作品 Body Container評頭品足，好似好認識咁，仲同在場職員交流意見，認真博學！
行咗一個鐘頭街， Regen突然話要返屋企，薛大少即做柴可夫，送 Regen同 HotCha成員 Winkie共同租住嘅大角咀富新樓。唔夠 10分鐘 Regen又上番車，有老細揸 55萬凌志跑車接送， Regen心情勁靚，全程笑到四萬口，可憐法拉專車變成接女戰車。
熱情遊街
33歲薛世恆雖然大 Regen十一年，不過 Regen鍾意成熟型男士，加上現只月租 7000蚊大角咀舊樓，想升呢絕對有着數；而大少「老婆」法拉喺無綫上緊位，忙拍劇又忙出埠，兩公婆相處時間較少。
上週新春法拉就要到美國登台，由 2月 2日開始薛世恆冇王管，同一時間 Regen先喺微博話自己忙於拜年，轉移大眾視線；另一邊就同大少約會。大少農曆年假唔使返工，老婆又出 trip，即刻出動，上週六（ 5日）赤口，二人相約喺尖沙咀 K11行街，大少先行到達，而 Regen就由東涌搭地鐵，再轉的士會合。由於二人大纜扯唔埋，加上薛世恆非圈內人，二人毫無防備下公然逛街。
直落下場
能夠娶到女神法拉，薛世恆異性緣當然強勁。當日記者所見，大少先帶 Regen食法國甜品，其間大少不停講笑， Regen相當嗒糖，而 Regen亦好識做，不時挨貼大少身邊作有限度親近。喺商場短聚一小時，其間又睇電器又睇藝術品。之後 Regen要返大角咀屋企攞嘢，大少即用約 55萬凌志戰車接送，而該戰車亦係法拉經常出入座駕。
「法拉專用車」用來載 Regen，返到大角咀寓所，女方上樓不到 10分鐘，又回到大少戰車，準備再玩下場。
老公同 Regen短聚，新年都要銀、喺美國登台懵盛盛嘅法拉，就同經理人趁空檔去咗 Hoover Dam水壩觀光，對於老公約會 HotCha，至本刊截稿前仍未回覆。
陳法拉
年齡： 28
身高： 5呎 7吋半 Win
三圍： 34C、 24、 34 Win
學歷：美國 Emory大學主修國際商業及市場學 Win
入行： 05年國際華裔小姐亞軍 Win
張惠雅
年齡： 22 Win
身高： 5呎 4吋
三圍： 31A、 24、 35
學歷：中五畢業
入行： 04年 Neway「星途歌唱比賽」季軍
專吼熟男
Regen自爆入行之後未拍過拖，對於成熟男士亦特別鍾情，據知上年年中拍港台處境劇《有房出租》時， Regen就與海俊傑一度撻着，不過海俊傑週一對本刊說：「梗係唔係啦，我當佢小妹妹，佢係幾可愛嘅！」
留言列表
