娛樂八掛大分享☆

電影《婚前試愛》報捷，話票房有 800萬，仲直逼 1000萬，如果真係達標，主角周秀娜話到時會同羅仲謙一齊着三點式游冬泳！

放大圖片

羅仲謙同周秀娜話，如果新戲衝破 1000萬票房，就一齊着三點式游冬泳。

放大圖片

楊梓瑤話如果《婚》片拍續集，性感尺度有商量。

開香檳慶祝

《婚前試愛》一班演員噚日喺尖沙嘴開祝捷會，當然有開香檳慶祝啦，導演葉念琛仲話會考慮開續集。《婚前試愛》賣點多，偷食題材、床戰戲不在話下，仲有娜姐同浸大咪神楊梓瑤（ Carol）着內衣鬥身材，續集唔知仲有乜嘢新嘢睇？祝捷會上大家都好期待《婚》片續集，於是問娜姐會唔會露無可露？娜姐突然反應好大，佢笑住回應：「露毛！哈哈哈！大家唔好 focus喺床戲度，其實好多人係鍾意個題材。」娜姐講到露毛就咁開心，問佢續集夠唔夠膽全裸？佢話：「好難講，上一次有時間坐低講，今次都未落實。」

楊梓瑤撈

講到開續集， Carol好希望導演畀機會，佢話：「咁耐以來都冇聽到導演對我有不滿，不過我知道自己仲有進步空間。」娜姐保留性感尺度， Carol又點呀？佢話：「要睇劇本，等我再拿揑得好啲，我會有信心，我希望我想做到時真係可以做到！」


新戲成績好，周秀娜一時得意不慎走光。