娛樂八掛大分享☆

有「小林志玲」之稱的周韋彤（ Cica），因為生得似「台灣第一名模」林志玲兼擁有 34E肉球 3D胸，上年進軍日本推出半裸寫真秒殺日本宅男。
28歲女成功攻陷日本，曾經做過 Angelababy及熊黛林師姐，但當時完全唔起眼嘅 Cica，上年終於的起心肝執靚自己先成功喺日本搶灘，今年食住個勢反攻香港。據知 Cica將會同香港首席女神周秀娜合作拍新戲，另外亦會接拍一系列《古惑仔》電影。狂接港片， Cica話希望可以打入香港電影市場，「我好喜歡拍電影，目標是 2012年的香港金像獎新人獎！」拍廣告或未及 Baby，不過在剝界就贏 Baby幾條街。

寫真意識大膽啱晒 o架仔口味，難怪上年推出 2星期便大賣 2萬本，但 Cica話佢爸爸睇完後激到冇聲出，淨係識講：「不買這些東西！」

18歲以原名「周娜」贏過「中國模特兒之星」冠軍的周韋彤，做過幾年奀模後轉攻內地影圈，不過一直彈唔起，直至 2008年以超性感打扮成為「足球寶貝」， Cica先開始有人留意。

本身是貴州妹的 Cica不忘祖國，'08年忽然好波，食住世界盃熱拍落多輯同足球有關嘅性感相，更被內地網友選為「最靚足球寶貝」。

'10日本搶灘

被日本宅男封為「世界標準九頭身靚女」嘅 Cica，經常被日本雜誌邀請影性感相

據日本 2010年見報率統計， Cica喺中坑雜誌《週刊 POST》曝光率位居 No.1，而其他年輕人雜誌則由少女組合 AKB48贏晒。

台灣雜誌報道 Cica收 150萬港幣喺日本接拍維他命水廣告，以外勞新人嚟講，可以話係天價。

搶贏志玲
明知剝衫有運行，去年改名為「周韋彤」的 Cica， 9月在日本推出寫真集《 Loving， Cica》，以半裸 E神形象殺入日本電車界。寫真短短 2星期大賣 2萬本， Cica在日本的廣告亦接住送上門。
原本搵林志玲做代言的日本 Suntory維他命水，因為睇中 Cica比 36歲 Chiling更有新鮮感，決定以 150萬港元改簽 Cica，而麒麟啤酒亦打算邀請 Cica做新一季代言。比起孖住木村拓哉拍《月之戀人》但攻日未算大紅的 Chiling，後生 8年的 Cica絕對唔輸蝕。

因為生得似林志玲而被台灣人留意，已搶攻台灣市場嘅 Cica最近推出性感月曆，繼續冧台男。台灣《壹週刊》圖片

鄭伊健同黎姿十多年前靠《古惑仔》系列響朵， Cica話希望可以靠新版《古惑仔》打入香港市場，但 5呎 9吋嘅 Cica好難做細細粒喎。

拍《古惑仔》
有大條日本水喉射住，上年紅到過台灣的 Cica打算在 2011年全面攻港。曾經簽約 Style Model、做過 Angelababy同熊黛林師姐的 Cica，現已轉投另一間經理人公司，更計劃來港拍片。
據 Cica香港經理人 Albert所講， Cica今年將接拍多部港產片，「其中一部係愛情喜劇，會同周秀娜、王祖藍合作，另外就係《古惑仔》系列電影，係麥兆輝同莊文強做導演。其實 Cica以前拍過唔少電影，佢希望可以攞到 2012年香港電影金像獎嘅新人獎！」而《古惑仔》導演劉偉強則表示：「唔識 Cica， no comment喇！」

60萬粉絲
Cica喺中日台爆紅，微博粉絲數量接近 60萬，足足係前師妹熊黛林嘅 2倍！

周韋彤
Cica Zhou

學歷：北京服裝學院
背景：本身是貴州省跳遠隊代表，後因被星探選中，放棄入國家隊。

Cica唔只擁有 34E乳神身材，佢對 42吋長腿亦係賣點，上下通殺。

34C 進軍日本前， Cica常於內地及香港行騷，但由於身材唔夠勁，樣又唔標青，一直未響朵。《蘋果日報》圖片

當年的 Cica鴛鴦眼又鼻扁扁，跟現在精緻的五官有絕大分別，她亦承認自己有注射透明質酸及 Botox執靚個樣。《忽然 1周》圖片
認有執過
唔少網友都覺得 Cica整過容，尤其係違反人體構造原理嘅 3D E Cup胸。她接受訪問時承認打過一些「美容針」，但就堅稱冇隆胸：「很多人懷疑過我，但其實是真的。」

承認已婚
Cica早前被踢爆已跟曾任模特兒的台男 Dave Lin結婚。事後她大方承認，更說：「我與 Dave Lin於 8年前認識， 4年前於香港結婚，朋友都知道，我沒想隱瞞。」

'07城嫂布景
當時跟「城嫂熊黛林」屬同一經理人公司「 Style」，所以 Cica（右）經常傍住城嫂出入，不過由於當時未變靚，冇乜人留意佢。《忽然 1周》圖片

蒸蛋谷咪
忽然爆紅，改過幾次名的 Cica不斷俾人翻舊帳。有傳佢係人工美女，眼耳口鼻曾經執靚，甚至 E奶亦係後天加工。
不過 Cica就堅持自己冇做過隆胸手術，更曾說：「我的胸部是真的！從我五歲時，我的母親就每天煮一大碗蒸蛋給我吃，所以我的胸部才會這樣豐滿！」力撐 E奶純天然，但 Cica就坦白承認有輕輕執過五官，「我打過玻尿酸（透明質酸）同肉毒桿菌（ Botox），另外可能是因為我有戴放大式隱形眼鏡（大眼仔），加上會化妝，頭髮造型也比較適合，才會讓人覺得我跟以前差很多！」
人仔日元台幣同港紙湧住送上門，有冇添加有乜所謂先？