羅仲謙大隻又乖仔好易溝死女，跟同門女神傅穎（Theresa）傳緋聞本來超合襯，假戲真做拍檔搵銀好合理。
上週二（14日）Theresa同羅仲謙出席活動時，女方突爆話謙仔講嘢冇句真兼「冇誠信」，連隨再有週刊話羅仲謙一腳踏兩船玩弄感情，乖仔形象幻滅。
與傅穎相識8年傳曾同居的TB密友肥A，更向本刊爆大鑊：「佢（羅）又跪又求博同情。」為形象為感情，睇嚟謙仔要搏盡力箍煲喇！

 
自從Theresa公開直指羅仲謙「冇誠信」兼「講嘢冇句真」後，大隻謙仲即時變咗花心大蘿蔔；雖然傅穎勁數羅仲謙，但謙仔只一直表示：「私人事唔會回應，只想講工作。」

電話洩偷食
上週六（18日）有週刊報道謙仔一腳踏兩船，據知情者稱：「謙仔一向將手提電話校震機，但同Theresa去街時經常有同一個大陸號碼打畀謙仔，終於令Theresa起疑心，謙仔死口唔講係邊個打嚟，Theresa咪喺佢面前打嗰個號碼，問電話內嘅女人係謙仔邊個，個女人用國語話『我是阿謙的女人。』」
據知謙仔與這位北京「正印」已拍拖一年多，但同時間又背住「正印」追足傅穎半年先到手，謙仔每日都會打畀傅穎幾次，又會關心對方食飯未，仲不時買傅穎鍾意食嘅水餃麵畀女神作宵夜，謙仔亦不時做柴可夫，親自揸車接女友出外拍拖。
可惜謙仔專一得個殼，連Theresa同性密友、傳曾經同居嘅雜誌記者肥A（Amy）亦忍唔住對本刊狂數謙仔：「我從來未見過傅穎hurt得咁慘，成日喺房喊，羅仲謙同佢一齊我有份拉攏，當日佢又話自己對女友好好，又話自己唔花心，叫我幫吓口，但估唔到佢北京有女朋友，我覺得佢人格有問題！」
知情者續稱羅仲謙曾向傅穎承諾搵夠錢便會娶對方過門：「佢哋3個月前已經見咗對方媽咪，Theresa仲話自己終於搵到另一半，好彩最近俾佢發現謙仔已經有女朋友，蒙在鼓裏成年嘅感覺都好難受。」

狂數花心謙
本來金童玉女，但早前兩人出席一商場活動時，傅穎忽然自爆：「第一日開始佢講嘢都冇句真！」搞到謙仔呆晒唔識應對。
14日
我唔覺得佢傷，因為我比佢更傷。
你哋信佢呀！由第一日開始佢講嘢都冇句真！
16日
一段關係冇咗誠信，就惟有退一步做番同事。
《蘋果日報》圖片

喊住跪女神
肥A上週目擊羅仲謙知衰後，踩上傅穎位於小西灣南灣半島寓所，仲跪低求傅穎原諒，羅更聲淚俱下說：「我一定會飛咗個北京女友，求你畀一次機會我啦！」而當時傅穎亦頗受感動說：「我考慮吓先啦！」

畀次機會我！真實對白
我考慮吓先！真實對白

同居密友肥A勁撐女神

新碟四改三
有傳傅穎新EP原定有四首歌，但由於傅穎聲帶出問題，所以最終得番3首，據知首批去貨達5,000張，成績算唔錯！

靠喊呃女
羅仲謙自從爆鑊後，肥A曾經親眼見到謙仔跪地：「有日見到羅仲謙上Theresa屋企，喊晒跪喺度叫Theresa原諒佢，又話會同北京女友講分手，Theresa忍唔住又喊，之後走入房，羅仲謙等咗一陣就自己走，佢靠喊呃Theresa，咁好戲，佢實冇入錯行啦！」
週日（19日）傅穎出席籌款活動，當晚她回應：「點解到呢個moment都覺得我做新聞？我希望有多啲新工作同挑戰！不過一段關係首要係忠誠啦！」而週一（20日）本刊上前求證羅仲謙跪喊求復合一事，Theresa就話：「係啦！我唔知點答你，佢（羅仲謙）不嬲都好眼淺！佢嘅嘢我不願置評啦。」

靠純情入屋
謙仔05年被星皓發掘入行，出道以來一直keep住大隻但純情形象，除電影外，謙仔08年更開始拍電視劇，所做角色大多是純情戇男，令他更加入屋，今次被傅穎密友篤爆花心，相信有排洗底。


佢不嬲都好眼淺！真實對白
傅穎自從爆出覺得謙仔唔可信後，據知所屬經理人公司星皓已急召二人照肺，之後公司下令兩人唔可以就情變發表意見，週一本刊問到Theresa羅仲謙哭求復合，她說：「佢不嬲都好眼淺！」


踩場質問
唔回應即係默認啦！真實對白


同居TB密友大爆料：佢靠喊呃Theresa
上週六肥A踩去電影《婚前試愛》午夜首映大聲質問羅仲謙：「你一腳踏兩船喎？」羅仲表示唔識肥A，但本刊就喺肥Afb度搵到二人一齊夜遊的合照，對羅仲謙反面不認人，肥A說：「佢人格真係有問題！」


甜蜜送外賣
羅仲謙跟傅穎拍拖半年，肥A表示羅經常買水餃麵送上門畀Theresa食，不過肥A說：「佢通常半夜就返屋企，冇留低過夜。」第 187 期 忽完就走 圖片


06年時傅穎曾跟方力申好友蘇頌智（Nel）拍拖，但至07年時傅又公開自稱單身，自爆其實有前科。




現職雜誌記者的肥A，由傅穎出道已開始成為傅穎密友，對傅穎今次遭羅仲謙欺騙感情，肥A忍唔住狂爆謙仔衰嘢都可以理解。


肥A經常出入傅穎家中，她更表示多次目擊羅仲謙哭求傅穎回心轉意。


傅穎爆


肥A鬧


肥A8年來跟傅穎出雙入對，早前更有傳兩人於觀塘及西環泓都同居，不過肥A說：「家傅穎係自己住！」《蘋果日報》圖片



雖然有網友覺得傅穎唱歌唔多掂，不過週日女神出席新碟宣傳時，仍有近50歌迷排隊攞Theresa簽名。


〈黑房〉歌詞節錄
何時開心　何時擔心　何時傷心
悲與喜吞沒淡淡年華
錄下掌聲　錄下偷泣　錄下一生
多少格　在上載中　待留言吧
傅穎新歌〈黑房〉MV中，有一幕佢同謙仔的床上輕吻戲，而傅穎更表示該首歌詞講及另一半說謊唔可信。


忍唔住喊
週日宣傳新碟，俾現場記者問到羅仲謙是否一腳踏兩船時，竟忽然忍唔住擰轉頭喊，之後再轉身忍淚話：「不如講番隻碟。」《蘋果日報》圖片


再唱現場
傅穎聲帶啱啱康復，週日出席一個慈善晚宴活動時再唱live，可惜反應仍然麻麻哋。


同門勁敵
星皓新人北京妹夏梓桐被公司器重，除咗喺巨製《大鬧天宮》中飾演九尾狐外，早前於電影記招更企正中間位，連城城、甄子丹同發哥都要做佢陪襯，開晒口話來年想多拍電影的傅穎應該有勁敵。《蘋果日報》圖片



救生員出身的羅仲謙肌肉一向發達，今年做港姐外景嘉賓一除衫，兩嚿胸肌更加技驚四座。


今年於劇集《搜下留情》飾演打拳癡情男，角色絕對為佢度身訂做。

arrow
arrow
    全站熱搜

    stacy4life 發表在 痞客邦 留言(0) 人氣()

    E-mail轉寄