為做媽咪，蔡少芬停服可能引致生畸胎的「強直性脊椎炎」藥物，又從沙田搬到元朗錦繡花園旺丁屋，更有傳在老友黎姿引薦下請來「生仔聖手」何永超醫生 幫手，成功以37歲高齡有喜三個多月。

陀B本屬喜事，弊在脊椎腰痛令蔡少芬苦不堪言，仲成日作嘔作悶冇晒胃口，令出名脾氣麻麻的她，躁上加躁。早前本刊發現蔡少芬在張晉陪同下到中環驗胎，全程黑面怒睥老公，只見張晉唔敢反抗，一味低頭嬲爆爆咁行。數數日子，張生起碼捱到出年四月先至「重光」，你估老竇咁易做咩！

07年尾宣佈覓得「極品」張晉，翌年初兩人拉埋天窗，當時已屆34歲的蔡少芬自知年紀唔細，男家父母又渴望抱孫，故婚後計劃極速造人，點知去完日本度蜜月，突然腰、背劇痛，經醫生診斷後證實患上「強直性脊椎炎」，該病冇得醫，只能靠藥物控制病情，服藥期間不能懷孕，因藥物會影響胎兒發展，甚至可能誕畸胎。

—忍痛造人—

由於當時病情嚴重，兩人唔敢搏，蔡少芬唯有做足安全措施封肚，幸而經過兩年治療，病情已受控，為完成生四個心願，於去年尾正式停藥，並在黎姿介紹下認識何永超醫生，「隻藥要停半年先可以懷孕，如果唔係有機會生畸胎，Ada梗緊張啦！一知道有即刻搵何醫生做詳細檢查，之後又要停期去驗胎，睇住BB情況，好彩冇問題。」知情人稱。

據知，在停藥初期，由於未有「負擔」尚算輕鬆，弊在懷孕後，情況轉趨反覆，有時腰、背痛到要食止痛藥先掂，加上一般大肚婆陀第一胎比較辛苦，蔡少芬亦唔例外，最壞時可以嘔足成日，令其脾氣幾近狂躁。

週二（11月30日）張晉出席福音電影《流浪漢世界》慶功宴宣佈老婆有喜時，就忍唔住向記者吐苦水：「佢本來脾氣已經唔細，家我要當佢係皇后咁服侍。」

—甩拖驗胎—

早前本刊發現皇后出巡，蔡少芬在老公陪同下到中環為胎兒進行檢查，蔡以外套遮肚，身形未算太發福，起初他們都有十指緊扣，但見女方面色愈來愈黑，一手甩開張晉，老公敢怒不敢言，一味低頭急步行，以免火山爆發。

雖然老公死忍，但蔡少芬顯然怒火難平，不斷黑面斜睥，一路睥到何醫生診所所在的太子大廈外。「醫生話BB發育得好健康，暫時睇唔到有咩問題，反而大人有個咁病要多休息，唔可以太操勞同亂發脾氣，否則會影響到BB。」知情人續稱。

—自爆失眠—

蔡少芬出名脾氣麻麻，尤其懷孕後情況更差，張晉多次慘變出氣袋，「每次Ada腰痛發作就會發脾氣，有時仲會掟，張晉見老婆咁辛苦唯有死忍，仲出盡辦法佢，有次試過屋企連打十個打筋斗Ada笑，不過好彩佢有信仰，去到最後都冇事。」知情人透露。

怒睥老公行得幾快都冇用，睇蔡少芬不斷從後怒睥張晉，到底張生做錯咩事？

生仔聖手蔡少芬與張晉到中環搵的何永超醫生，有「生仔聖手」之稱，黎姿的孖女亦是搵佢幫手。

arrow
arrow
    全站熱搜
    創作者介紹
    創作者 stacy4life 的頭像
    stacy4life

    娛樂八掛大分享☆

    stacy4life 發表在 痞客邦 留言(0) 人氣()

    E-mail轉寄